See in Reader
20 lines
3.5 KiB
JSON
20 lines
3.5 KiB
JSON
{
|
|
"1": "Yôôych gô 'yo tuôôy Trưưu Koot tơq muuyq đom pơơh dơuq nuut kaal, ji gô tek muuyq đom poot poop ôôq đnooy apok tameen đaji kơy kata, đaneq: \"Dayh truh!\"",
|
|
"2": "Anưq, gô 'yo ji hloq muuyq ôôq ahleh ko! Manih achoo ôôq ahleh adrơk muuyq poop nook, ji jah kahniq ăm muuyq kađoat tađnah, Kadraq vlôôh hooy dơơp adro heq jah jaay xôq jah jaay. \n\\ts\\*\n\\p",
|
|
"3": "Tuôôy Trưưu Koot tơq dơuq nuut kaal ưnq vaar, gô tameen poop ôôq nhưk vaar dăch: \"Dayh truh!\"",
|
|
"4": "Nưq laa muuyq ôôq ahleh kadrơơy ramaa vlôh, e phôôm dôôp đaji ôôlh. Manih achoo ni jah kahniq ăm qwuyen xagook hlơơp hooa biinh 'lăălq vrii, xôq khơl drơơy pưk viit mamuuyq. Manih neq kung jah kahniq ăm muuyq poop xieh thiek kôt.\n\n\\ts\\*\n\\p",
|
|
"5": "Tuôôy Trưưu Koot tơq dơuq nuut kaal ưnq pee, gô tameen poop ôôq nhưk pee đnooy: \"Dayh truh!\" Gô 'yo ji hloq muuyq poop ôôq ahleh juu! Manih achoo ôôq ahleh adrơk muuyq poop kâân tol tii xak.",
|
|
"6": "Gô tameen apok kajoq nưq đom poot poop ôôq, đaneq: \"muuyq lonq vaa băăp jaq muuyq đơơ-ni-êê; pee lonq vaa awaay jaq muuyq đơơ-ni-êê. Bơh te đunq truh ka jơu ji lok.\"\n\n\\ts\\*\n\\p",
|
|
"7": "Yôôych tuôôy Trưưu Koot tơq nuut kaal ưnq poot, gô tameen apok poop ôôq nhưk poot đnooy: \"Dayh truh!\"",
|
|
"8": "Gô 'yo ji hloq muuyq pop ôôq ahleh adriilh hlah. Adro achoo ôôq ahleq ơngơng ji \" Varơuq Kaxêêt\", ji e ââm phuh tyauq atêq ni. Oot jah kahniq ăm qwuyen tol muuyq phoon poot raak vrii, xôq pok pưk bơơn xieh jaoq, pngoot hraah, jiq jiêh, ji bơơn ôôq kaduumq tol vrii.\n\n\\ts\\*\n\\p",
|
|
"9": "Tuôôy Trưưu Koot tơq nuut dơuq kaal ưnq dăăp, gô hloq 'lăălq paraa hơu phool hiel ku khơl manih heq biq pok kaxêêt vii apok ku Kơy Plêêk ji vii apok xanưk đơu oot jưư.",
|
|
"10": "Oot achung apok đnooy kôt, đaneq: \"Kuh Plêêk dưk xakaq kaluh araak, hlăng vah ji hyioh jăk, măn truh dong leq đnoyq adroyq katuôôy Kadraq xưư xadrah koot manih tol vrii ji baoq blaa ka vahaap ku 'wot koot?\"",
|
|
"11": "Yôôych tôôy dro đom oot jah kahniq ăm muuyq auu yơơt koo, ji oot jah patăk đaneq oot pheq takôô be xiit đnooy dong truh tuôôy đuh xôôq 'wơyq achung varơuq ji oh ay ku oot jeq biq pok kaxêêt, dang đaji oot heq biq pok kaxêêt.\n\n\\ts\\*\n\\p",
|
|
"12": "Tuôôy Trưưu Koot tơq dơuq nuut kaal ưnq drơơu, gô 'yo ji e muuyq đơơt ahrưưng vrii kôt. Mot hngơy jêêk vlôh kamưưng hweek đaji tôômq vayh valiit bơơn hlôôk, măn xiêk troon yôôych vlôh jêêk dang đaji vahaap.",
|
|
"13": "Kaluh xlok tol plêêk kađnih pôôt vrii, dang đaji ưưk pok puut rôôh plaay adriilh tuôôy biq khiel kôt klôôp anhưưh.",
|
|
"14": "Kavuh plêêk tapool hlơơp đaji muuyq ahnoom jơuq biq ahnoom hlê. Kaluh ngok đoot ji ngok katuul tahlii kung biq tatơơk klơlh aduq ku oot.\n\n\\ts\\*",
|
|
"15": "Yôôych khơl vuua tol vrii kung khơl chưk padrok, khơl tươnq kuun, manih karoh e, adro e qwuyen lưk, ji khơl manih kadrơơy, dêq khơl jôôk tii long hrưưng hreeng, kung nuup xak duu đom troop long katuul kaluh talaat phơu tol kaluh ngok đoot.",
|
|
"16": "Oot đnooy dii đoot ji phơu: \"Dayh kađnih pôôt tol 'wot dơơyh! dayh kađoq 'wot klơlh mot ku Plêêk 'ngôôy tol ngaai ji klơlh đơơt tôq jaraq ku Trưưu Koot.",
|
|
"17": "Vii hngơy kôt bơyh đơơt tôq daayh ku kaluh Plêêk nưq heq truh, akơyq hnoq ik chiuq nôôiq?\"\n\n\\ts\\*"
|
|
}
|