See in Reader
23 lines
3.9 KiB
JSON
23 lines
3.9 KiB
JSON
{
|
|
"1": "'Ngeq laa varơuq kahnoq tauuq ku Lôôk Wơơt Dêh Jê-xu đơu Kơy Plêêk heq kahniq ka Kadraq xôq kahnoq ka khơl xapok Kadraq xet kaluh varơuq pheq meel xalih truh. Kadraq kahnoq ni gơmưh Kơy Yaak Kadraq, đơu Kadraq patăk truh dii xapok ku Kadraq laa Jăng.",
|
|
"2": "Jăng dơơp xanưk truh apok ku Kơy Plêêk ji apok xanưk ku Lôôk Wơơt Dêh Jê-xu, 'ngưq laa kaluh varơuq kơy heq hloq.",
|
|
"3": "Vanoong ka manih đok ji manih tameen apok ku rahlăăp hlit neq, ji tameen jưư kaluh kajoq heq jah vlơk đom nưq, vii kawat jeq yôôych.\n\\ts\\*\n\\p",
|
|
"4": "Gô laa Jăng, atăq ka pơơh tayuup vah aduq dêh A-sii: Apôôy vanong kaxaay jeen ka oh ay dii varơuq hrok hrol xing Kơy đong e, heq e, ji hnoq truh, kung đaji xing pơơh yaak kangưưl ngaai ku Kadraq,",
|
|
"5": "ji xing Lôôk Wơt Dêh Jê-xu, laa Manih Xanưk Jưư Apok, Koot Muuyq xing aduq kaxêêt, ji Kơy dưk xakaq tol kaluh vuua tol vari. Apôôy Kơy xung xiaq haay, heq wơt xok haay klơlh kadrôp marooh haay gơmưh vahaap Kadraq -",
|
|
"6": "Kơy heq khienq haay vlôh yuuôl muuyq daak, vlôh yuuôl khơl thơy tơk tưp ka Kơy Plêêk, Vaq ku Kadraq - apôôy Kadraq jah tađnah tađnaak ji taay yaak đơơy đơơy. A-meen.\n\n\\ts\\*\n\\q",
|
|
"7": "'Yo hơơq, Kadraq truh katuul tol kaluh kluuk;\n\\q2\ntôôy mot hnoq 'yo hloq Kadraq, \n\\q\nhloay ka khơl adro leq heq tăăp Kadraq. \n\\q2\nDêq kaluh tamooi tol vari hnoq nhiim aloo vii kơq Kadraq. \n\\p\nJơq anưq, A-meen.\n\\p",
|
|
"8": "Lôôk laa Kơy Plêêk xanooh: “Gô laa AAn-phaa ji ÔÔ-mêê-gaa, Kơy đong e, heq e, ji hnoq truh, Kơy taay yaak.”\\p\n\\f +\\ft muuyq xôôq rahlăăp đok: \\fqa Lôôk ji Kơy Plêêk xanooh: Gô ji AAn-phaa ji ÔÔ-mêê-gaa, ji luh ka pateep ji lôôch dik \\fqa*.\\f*\n\n\\ts\\*\n\\p",
|
|
"9": "Gô laa Jăng - manih ay ku oh ay, ji manih kung ahlook dii oh ay varơuq pơơl daal, daak plêêk, ji varơuq chiuq atuq xuum đom Lôôk Jê-xu - gô đong măn tol đaoh e ơnơng laa Baatq-môô vii kơq apok ku Kơy Plêêk ji apok xanưk truh Lôôk Jê-xu. ",
|
|
"10": "Muut ka hngơy ku Lôôk, gô măn đom Kơy Phool Hiel, ji gô tameen pi katool gô muut hnưưm kôt đaji hnưưm keen.",
|
|
"11": "Hnưưm nưq dăk: “Dayh vlơk muut rahlăăp kaluh varơuq koot hloq ji atăq ka pơơh tayuup vaah - aduq Êê-phêê-sôô, Sii-miêk-nơơ, Beek-găm, Thii-aa-tii-rơơ, Saat-đee, Phii-laa-đeen phii, ji Laoo-đii-xêê.”\n\n\\ts\\*",
|
|
"12": "Gô wiih hlê xôq 'yo hnưưm đong đnooy dii gô nưq, ji tuôôy wiih hlê, gô hloq pơơh jôôk đeen vayaang.",
|
|
"13": "Măn katuul kaluh jôôk đeen e Kơy dang Koot Manih, hlưưp auu yơơt truh jôôk, ji hneek muuyq talơơy vayaang angăch tadaa.\n\n\\ts\\*",
|
|
"14": "Akoq ji hlôôk ku Kadraq ko đaji hlôôk trưưu - ko be đêh kajoq raak parier - măn mot Kadraq yôôych dang gooy ôôlh.",
|
|
"15": "Jôôk Kadraq đaji đôông tađnaah, thưq đôông heq jah arieq đom loo ôôlh, ji xarooy Kadraq tameen đaji hnưưm 'ngưưng alook daak tuuyh hoch.",
|
|
"16": "Tol tii akoh Kadraq e pơơh xlok, măn xing huuy Kadraq lier vlôh poop xieh vaar plaa mưưl. Mamưưt Kadraq tađnaah rưk đaji mot hngơy tuôôy ni xaraal tađnaah yưk.\n\n\\ts\\*",
|
|
"17": "Tuôôy gô hloq Kadraq, gô gưưlh pôôt aduq jôôk Kadraq đaji manih kaxêêt. Kadraq xôq tii akoh tol gô ji đnooy: \"Te 'yôq. Gô laa adrooyq dik ji lôôch dik,",
|
|
"18": "laa Kơy riilh. Gô heq kaxêêt, bơh 'yo nee, juneq Gô riilh đơơy đơơy, hloay hloay! Gô adrơk jưư gaay kaal ku varơuq kaxêêt ji ââm phuh.\n\\ts\\*",
|
|
"19": "Vii anưq, dayh vlơk hlê kaluh varơuq koot heq hloq, kaluh varơuq juneq ji kaluh varơuq hnoq xalih truh atêq neq.",
|
|
"20": "Măn 'ngeq laa iq kadook ku pơơh xlok đơu koot hloq tol tii akoh Gô, kung pơơh jôôk đeen vayaang: Pơơh poop xlok laa pơơh Kơy yaak ku pơơh tayuup vah, măn pơơh jôôk đeen 'ngưq pơơh tayuup vah.\"\n\n\\ts\\*"
|
|
}
|