cor_2020_cua_clt_rev_book/rev/10.json

{
  "1": "Atêq nưq, gô hloq muuyq Kơy Hơu kaalh paraat kadrơơy xing tol plêêk pôôt. Kơy hlưưp tol xak muuyq đôônq kluk,  dii moo adreek tol akoq. Mot Kơy Hơu dang mot hngơy, măn jôôk yôôych dang đaji gok ôôlh.",
  "2": "Kadraq adrơk muuyq rahlaap jơyq de heq luh vlôh tol tii. Kadraq xôq jôôk akoh tol tahlii ji jôôk akeen tol vrii kateeh.\n\n\\ts\\*",
  "3": "Yôôych Kadraq atok xarooy muuyq apok kôt dang đaji sưư tưh ook. Tuôôy kadraq atok xarooy kôt, yôôych pơơh ahlôôk xađnek đnooy atok bơơn ji xarooy ku oot.",
  "4": "Tuôôy pơơh ahlôok xađneek atok xarooy đanưq, yôôych gô xung vlơk hlê, bơh gô tek muuyq apok xing plêêk xanooh: \"Dayh jưư kadook kaluh kajoq  pơơh xarooy xađneek đnooy, Te vlơk hlê.\"\n\n\\ts\\*",
  "5": "Yôôych Kơy Hơu đơu gô hloq dưk yaal jôôk tol tahlii ji vrii kateeh tơơk tii akoh kadraq tok plêêk.",
  "6": "Kadraq tayh yal Plêêk riilh đơơy đơơy, hloay hloay, 'ngưq ji Plêêk heq panưk pajêêk plêêk kung kaluh kajoq tol plêêk, vrii kung kaluh kajoq tol vrii, ji tahlii kung kaluh kajoq đom tahlii, đơu paleek, đaneq: \"Hnoq paq măn e kawat leq đnoyq.",
  "7": "Bơh muut hngơy Kơu Hơu nhưk pơơh atok xarooy, tuôôy kơy nưq jeq klôôp keen, yôôych hwuiên nhiêêmq ku Kơy Plêêk hnoq jah yuuôl jêêk, i đaji Kadraq heq kông bôq pahêêl hlah nưq ka xapok Kadraq laa khơl hlit.\"\n\n\\ts\\*",
  "8": "Yôôych xarooy đơu gô tameen xing plêêk wiih xanooh dii gô, đaneq: \"Dayh hooy, xok rahlaap jơyq de heq luh vlôh măn tol tii Kơy Hơu đong dưk tol tahlii ji tol vrii.\"",
  "9": "Anưq gô truh Kơy Hơu ji patăk kơy ăm ka gô rahlaap jơyq de. Kadraq đnooy dii gô: \"Dayh xok xa juu. Ni hnoq khienq klaak ay biq pahlăăk, bơh đom huuy ay yôôych ni hnoq ngưưm đaji hluut.\"\n\\ts\\*",
  "10": "Nưq, gô xok rahlaap jơyq de tol tii Kơy Hơu ji xa. Ni ngưưm đaji hluut măn đom huuy gô, bơh atêq tuôôy xa yôôych, klaak gô wiih pahlăăk.",
  "11": "Yôôych e kơyq nưq đnooy dii gô: \"Ay wiih pheq đnooy hlit truh 'ngưưng daak tamooi, daak dêh, apok chưh, ji vuua padrok đnoyq.\"\n\n\\ts\\*"
}