See in Reader
24 lines
3.7 KiB
JSON
24 lines
3.7 KiB
JSON
{
|
|
"1": "Yôôych Kơy Yaak thưq dăăp klôôp keen, ji gô hloq muuyq xlok heq xing plêêk klêh pôôt vari. Xlok nưq jah kahniq ăm gaay kaal luh trôôk hôôm ku raluuk leh e kalek.",
|
|
"2": "Kadraq luh trôôk hôôm ku raluuk leh e kalek vlôh, ji e 'nhuuy xing trôôk hôôm pool tok, đaji 'nhuuy ku muuyq loo ôôlh kôt. Mot hngơy ji ja uuh hơơy raay kamưưng hlê vii 'nhuuy vlôh xing trôôk laluuk.\n\\ts\\*",
|
|
"3": "Yôôych xing 'nhuuy nưq avlôh lêêpq tol vari; oot jah kahniq ăm qwuyen dang đaji qwuyen đơu kaluh boo koop e tol vari.",
|
|
"4": "Oot jah patăk te dơơp hưư reek tol vari long kaluh ưưk kaxeq long gaay gôk leq, đơu vơơ dơơp voor koot manih heq laa khơl adro leh e dơuq ku Kơy Plêêk tol ngưưr oot.\n\n\\ts\\*",
|
|
"5": "Oot leh ik păk kaxêêt oot, bơh oot vơơ ik dơơp ra ơơh oot đom dăăp xiêk. Varơuq jiq jiêh oot pheq chiuq hnoq đaji đôôk ku ding dip tuôôy oot đeet khơl drơơy.",
|
|
"6": "Đom kaluh hngơy nưq, khơl drơơy hnoq axek trôôk kaxêêt, bơh kajưk dik hnoq leh axek ik. Oot hnoq trôôch kajoq jah kaxêêt, bơh varơuq kaxêêt hnoq chuuh xangưưi oot.\n\\ts\\*",
|
|
"7": "Xăk ku lêêpq dang đaji ôôq ahleh ralauq xôq vlôh tahmoot. Tol akoq oot e kajoq nưq dang đoat tađnah bơơn vayaang, măn mamưưt oot yôôych dang mamưưt manih.",
|
|
"8": "Oot e hlôôk dang hlôôk khơl drê, ji kaneen yôôych dang kaneen ôôq vomq.",
|
|
"9": "Oot hlưưp auu khêêl đơơ tadaa dang khêêl bơơn maan, ji ahnưưm panưưl oot vlôh hnưưm dang đaji hnưưm ku 'ngưưng xe ji ôôq ahleh đong chruuyh tahmoot.\n\n\\ts\\*",
|
|
"10": "Oot e ahlooy e đôôk dang ding dip, ji gmưh kaluh ahlooy nưq đơu oot e qwuyen dơơp voor koot manih đom dăăp xiêk.",
|
|
"11": "Oot e vuua dưk xanok oot laa Kơy Yaak ku raluuk leh kalek. Ơnơng ni đom Hy-baq ji Aa-ba-đôôn, măn đom apok Hy-laap yôôych ni e ơnơng ji Aa-bô-li-ôôn.\n\\p",
|
|
"12": "Kưk nanq thưq yưk heq hlê. Hơq! Atêq ka kưk nanq nưq măn e vaar kưk nanq đnoyq.\n\\ts\\*\n\\p",
|
|
"13": "Yôôych Kơy Yaak thưq drơơu klôôp keen, ji gô tek xarooy hmưưm vlôh xing kaluh akê ku paraa hơu bơn vayaang măn kangưưl Kơy Plêêk.",
|
|
"14": "Xarooy nưq đnooy dii Kơy Yaak thưq drơơu e poop keen, đaneq: \"Dayh luh poot kơy yaak biq veek kaduq daak kôt Ơơ-phơơ-raat vlôh yơu.",
|
|
"15": "Nưq, poot kơy yaak heq ralauq xôq 'miêh ka tuôôy wat nưq, hngơy nưq, xiêk nưq, xanưm nưq jah luh vlôh xôq păk kaxêêt muuyq phoon pee manih araak.\n\\ts\\*",
|
|
"16": "Sôôq kuun hooy ôôq ahleh laa 200.000.000. Gô heq tek kasôôq ku oot đanưq.",
|
|
"17": "Kaluh ôôq ahleh ji kuun achoo ôôq ahleh đơu gô hloq đom kahnoq tauq dang aneq: oot e khêêl đơơ tada phôôm dôôp ku ôôlh, phôôm adriilh daak tahlii, ji phôôm drêêk ku lưưu hwiinh. Akoq kaluh ôôq ahleh yôôych dang đaji akoq ôôq vomq, xing huuy oot phuun vlôh ôôlh, 'nhuuy ji lưưu hwiinh.\n\n\\ts\\*",
|
|
"18": "Muuyq phoon pee koot manih biq păk kaxêêt bơyh pee pơơl daal neq, 'ngưq laa ôôlh, 'nhuuy, ji lưưu hwiinh phuun vlôh xing huuy oot.",
|
|
"19": "Praat kaalh ku kaluh ôôq ahleh măn aduq huuy ji ahlooy ku oot - vii ahlooy oot dang đaji voolh, e akoq, bơyh nưq oot dơơp xưưr xôôh khơl drơơy.\n\n\\ts\\*",
|
|
"20": "Phoon măn hlê ku manih araak, laa khơl adro koq biq păk kaxêêt bơyh kaluh pơơl daal neq, măn keen leh wiit xuum kaluh varơuq dơơp ku tii oot, 'ngưq laa padơơy ka'lăk kuh kwaay kamuuych kung kaluh vangưưl bơơn vayaang, baak, đôông, phơu, ji gaay - ưnq kaluh be hloq ik, be tameen ik, kung be hooy ik.",
|
|
"21": "Oot kung leh wiit xuum kaluh kadrôp păk kaxêêt manih, đơơp đok, apuq atrăp, atôôk ku oot.\n\n\\ts\\*"
|
|
}
|