See in Reader
20 lines
3.5 KiB
JSON
20 lines
3.5 KiB
JSON
{
|
|
"1": "Yôôych gô anhinq 'yo tuôôy Trưưu Koot luh muuyq đom pơơh dơuq kal jưư, ji gô tek muuyq đom poot poop ôôq đnooy apok tameen đaji hnưưm kơy jaruu, đaneq: \"Dayh truh!\"",
|
|
"2": "Anưq, gô 'yo ji hloq muuyq ôôq ahleh ko! Manih achoo ôôq ahleh adrơk muuyq poop nook, ji jah kahniq ăm muuyq đoat tađnah, Adro nưq vlôh hooy đaji adro heq jaay hooy truh leq kung jaay. \n\\ts\\*\n\\p",
|
|
"3": "Tuôôy Trưưu Koot luh dơuq kal jưư thưq vaar, gô tameen koot ôôq thưq vaar đnooy: \"Dayh truh!\"",
|
|
"4": "Nưq laa muuyq ôôq ahleh kadrơơy ramaa truh, e phôôm dôôp đaji ôôlh. Adro achoo ni jah kahniq ăm qwuyen xok hlơơp taguu 'lăălq vari, xôq khơl drơơy tavăm viit mamuuyq. Adro neq kung jah kahniq ăm muuyq poop xieh thier kôt.\n\n\\ts\\*\n\\p",
|
|
"5": "Tuôôy Trưưu Koot luh dơuq kal jưư thưq pee, gô tameen koot ôôq thưq pee đnooy: \"Dayh truh!\" Gô 'yo ji hloq muuyq poop ôôq ahleh juu! Adro achoo ôôq ahleh adrơk muuyq poop kâân tol tii ni.",
|
|
"6": "Gô tameen apok kajoq nưq đom poot poop ôôq, đaneq: \"muuyq lonq vaa jaq muuyq đơơ-ni-êê; pee lonq vaa aqwaay jaq muuyq đơơ-ni-êê. Bơh te apiq truh jơu ji lok.\"\n\n\\ts\\*\n\\p",
|
|
"7": "Yôôych tuôôy Trưưu Koot luh dơuq kal jưư thưq poot, gô tameen apok koot ôôq thưq poot đnooy: \"Dayh truh!\"",
|
|
"8": "Gô 'yo ji hloq muuyq poop ôôq ahleh paar adriilh. Adro achoo ôôq ahleq ơngơng ji \" Varơuq Kaxêêt\", ji e ââm phuh tyauq atêq ni. Oot jah kahniq ăm qwuyen tol muuyq phoon poot raak vari, xôq păk kaxêêt bơơn xieh jaoq, pangoot hraah, jiq jiêh, ji bơơn ôôq huung tol vari.\n\n\\ts\\*\n\\p",
|
|
"9": "Tuôôy Trưưu Koot luh dơuq kal jưư thưq dăăp, gô hloq 'lăălq paraa hơu phool hiel ku khơl adro heq biq păk kaxêêt vii apok ku Kơy Plêêk ji vii apok xanưk đơu oot jưư.",
|
|
"10": "Oot rapaa tok apok taayh kôt, đaneq: \"Kuh Kơy dưk xakaq kaluh prooh, hlăng vah ji dong dik, măn truh dong leq đnoyq adroyq katuôôy Kadraq xưh xadrah koot manih tol vari ji blaa dook ka vahaap ku 'wot koot?\"",
|
|
"11": "Yôôych tôôy dro đom oot jah kahniq ăm muuyq auu yơơt koo, ji oot jah patăk đaneq oot pheq takôô leh xiik đnooy dong truh tuôôy đuh sôôq 'wơyq achung varơuq ji oh ay ku oot jeq biq păk kaxêêt, dang đaji oot heq biq păk kaxêêt.\n\n\\ts\\*\n\\p",
|
|
"12": "Tuôôy Trưưu Koot tơq dơuq kal jưư thưq drơơu, gô 'yo ji e muuyq đơơt ahrưưng vari kôt. Mot hngơy jêêk vlôh kamưưng jaluk đaji tôômq vayh valiit bơơn hlôôk, măn xiêk troon yôôych vlôh jêêk dang đaji vahaap.",
|
|
"13": "Kaluh xlok tol plêêk kađnih pôôt vari, dang đaji ưưk pok puut rôôh plaay katah tuôôy biq khiel kôt klôôp anhưưh.",
|
|
"14": "Rawaah plêêk puch hlơơp đaji muuyq ahnoom jơyq biq ahnoom hlê. Kaluh ngok đoot ji ngok katuul tahlii kung biq tatơơk klơlh aduq ku oot.\n\n\\ts\\*",
|
|
"15": "Yôôych khơl vuua tol vari kung khơl padrok, khơl dưk xanưk kuun, manih karoh e, adro e qwuyen lưk, ji khơl kadrơơy đnoyq, hloay khơl xapok long rayơơh rayơơy, raay xadăk duu đom troop long đom kaluh talaat phơu tol kaluh ngok đoot.",
|
|
"16": "Oot đnooy dii đoot ji phơu: \"Dayh hrưưp pôôt tol 'wot dơơyh! dayh glôôp đơơ 'wot klơlh mot ku Kơy 'ngôôy tol ngaai ji klơlh đơơt tôq jaraq ku Trưưu Koot.",
|
|
"17": "Vii hngơy kôt bơyh đơơt tôq jaraq ku khơl Kơy nưq heq truh, akơyq hnoq ik chiuq nôôiq?\"\n\n\\ts\\*"
|
|
}
|