cor_2020_cua_clt_rev_book/rev/19.json

{
  "1": "Atêq kaluh varơuq nưq, gô tameen hnưưm dang đaji hnưưm đnooy kôt ku muuyq biing manih thier karôôp tol plêêk, đaneq: \\q “Haa-lê-luu-jaa. \n\\q \nVarơuq wơơt, tađnah tađnaak ji taay yaak thuôk xuq Kơy Plêêk haay.\n\\q2",
  "2": "Vii varơuq xưh xadrah ku Kadraq laa dong dik ji hyioh jăk, \n\\q\nvii Kadraq heq xưh xadrah mo xakoah kôt\n\\q2\n'ngưq laa dro khienq vari biq paq xaay bơơn apuq atrăp ku ni. \n\\q\nKadraq heq blaa hlê ka vahaap ku khơl xapok Kadraq\n\\q2\nxing tii ni.”\n\n\\ts\\*\n\\m",
  "3": "Yôôych oot wiih đnooy muuyq yưk traa, đaneq: \\q \n“Ha-lê-lu-ja! \n\\q\n'Nhuuy xing aduq ni kưq pool tok đơơy đơơy, miek miek.”\n\\m",
  "4": "Vaar kưưl poot khơl draq ji poot poop ôôq kuul pôôt kuh ayuuôt Kơy Plêêk, Kơy đong 'ngôôy tol ngaai, đaneq: \\q \n“A-meen. Ha-lê-lu-ja!”\n\n\\ts\\*\n\\m",
  "5": "Yôôych e apok xing ngaai ahlôôk vlôh, đaneq: \\q \n“Dayh ayuuôt kacheeu Kơy Plêêk haay, \n\\q2 \ndêq hloay khơl xapok Kadraq lơơy,\n\\q\nji khơl adro xet 'yôq Kadraq, \n\\q2\nlong de long kôt!”\n\n\\ts\\*\n\\m",
  "6": "Yôôych gô tek hnưưm kajoq nưq đaji hnưưm ku biing manih thier karôôp, ji dang hnưưm ku 'ngưưng alook daak, kung dang hnưưm kơy kata kaalh, đaneq: \\q “Ha-lê-lu-ja! \n\\q\nVii Lôôk laa Kơy Plêêk ku haay, Kơy Taay Yaak adrơk qwuyen xakaq.\n\n\\ts\\*\n\\q",
  "7": "Haay dayh hlah hlaak, luh laak, \n\\q2 \nji tưp tađnah tađnaak tok Kadraq \n\\q\nvii lêêh pajêêt ku Trưưu Koot heq truh, \n\\q2\nji amưưy heq ralauq xăk miêh yôôych.”\n\\q",
  "8": "Amưưy jah ăm hlưưp auu bơơn vayh gaai miim\n\\q2\ntađnah klưưng ji xarêh xaraat \\p (vii vayh gaai miim laa kaluh varơuq hyioh jăk ku khơl vah).\n\n\\ts\\*\n\\p",
  "9": "Yôôych Kơy Yaak đnooy dii gô: \"Dayh vlơk xôq apok neq: Vanong ka khơl adro jah mơơy truh waal pajêêk Trưưu Koot.\" Kadraq kung đnooy dii gô: \" 'Ngeq raay laa kaluh apok dik ku Kơy Plêêk.\"",
  "10": "Gô kuul pôôt aduq jôôk kadraq xôq kuh ayuuôt, bơh kadraq đnooy dii gô: \"Te dơơp anưq! Gô kung laa xapok đaji ay ji khơl oh ay ku ay, khơl adro jưư apok xanưk truh Lôôk Jê-xu. Dayh kuh ayuuôt Kơy Plêêk, vii apok xanưk truh Lôôk Jê-xu 'ngưq laa phool hiel ku apok hlit.\"\n\n\\ts\\*\n\\p",
  "11": "Yôôych gô hloq plêêk luh vlôh, ji hơq, muuyq ôôq ahleh koo! Kơy chruuy ôôq ahleh jah tayh laa jưư apok ji dong dik, Kadraq xưh xadrah ji tadơơp tyauq trôôk hyioh jăk.",
  "12": "Mot Kadraq dang đaji gooy ôôlh, măn akoq Kadraq anhiil 'ngưưng đoat tađnah. Kadraq e muuyq yal jah vlơk đơu pii đêh Kadraq vlôh yôôych be ekơyq xet ik.",
  "13": "Kadraq hlưưp muuyq auu kot keet trăăp đom vahaap, ji yal Kadraq jah tayh laa Apok Ku Kơy Plêêk.\n\n\\ts\\*",
  "14": "Kaluh biing kuun tol plêêk chruuy kaluh ôôq ahleh koo hooy tyauq Kadraq, oot hlưưp vayh gaai miim koo ji xarêh.",
  "15": "Xing huuy Kadraq lier vlôh poop xieh thier xưưl xôq Kadraq hnoq ik xok ni hmơơt kaluh daak dêh, ji Kadraq hnoq xakaq oot bơơn gaay katôôlh maan. Kadraq joaq thung ranieq lok tađnưưk đơơt tôq jaraq rahưưk rahưưk ku Kơy Plêêk, Kơy Taay Yaay.",
  "16": "Tol auu kot keet ji tol kataal Kadraq e vlơk muuyq yal tayh: \"Vuua kaluh vuua ji Lôôk kaluh lôôk.\"\n\n\\ts\\*\n\\p",
  "17": "Yôôych gô hloq muuyq Kơy Yaak dưk đom mot hngơy. Kadraq xok apok kôt tayh dêq hloay kaluh xêêpq đong pool tol plêêk, đaneq: \"Dayh truh anguuk hlê đơu muut waal kôt ku Kơy Plêêk,",
  "18": "bơơy êêp hnoq ik xa hleek kaluh vuua, hleek khơl padrok tươnq, hleek adro kaalh praat, hleek ôôq ahleh ji kuun achoo ôôq ahleh, kung dii hleek ku khơl manih, hloay kôôch hnhư ji xapok, khơl de ji kôt.\"\n\n\\ts\\*\n\\p",
  "19": "Yôôych gô hloq ôôq ji kaluh vuua tol vari kung biing kuun ku oot. oot anguuk tagumq hlê xôq tadơơp dii Kơy chruuy ôôq ahleh ji biing kuun ku Kadraq.",
  "20": "Yôôych ôôq biq rôôp, kung dii ni e hnhư hlit pa ôôh, adro dưk dơơp kaluh dơuq akêh kangưưl ni, gơmưh đnư ni pa ôôh aluut ik khơl adro heq nhonq dơuq ôôq ji kuh kwaay vangưưl ni. Dêq baar măn riilh đơu biq week muut hlôôk ôôlh jaq dii lưưu hwiinh.\n\n\\ts\\*",
  "21": "Sôôq măn hlê đom oot yôôych biq păk kaxêêt bơyh xieh ku Plêêk chruuy ôôq ahleh, 'ngưq laa xieh vlôh xing huuy Kadraq. Dêq hloay kaluh xêêpq xa hleek ku ni phiq phơh.\n\n\\ts\\*"
}