See in Reader
22 lines
4.1 KiB
JSON
22 lines
4.1 KiB
JSON
{
|
|
"1": "Atêq nưq, gô jah ăm gaay gơdeenq xôq duh dơơp gaay woolh, ji gô jah patăk: \"Dayh dưk tok woolh hnhư hơu ku Kơy Plêêk ji paraa hơu, kung khơl adro ayuôôt laat đom nưq.",
|
|
"2": "Bơh dayh war hlê chaar pii gôk hnhư hơu, te woolh dơơp kajoq, vii ni heq jah kahniq ka khơl tamooi daak kadrơơy. Oot hnoq joaq nhek theng vah đom poot kưưl vaar xiêk.\n\\ts\\*",
|
|
"3": "Gô hnoq kahniq qwuyen da uuh ka vaar dro xanưk ku Gô; hlưưp vayh ataat, oot hnoq đnooy hlit đom 1.260 hngơy.”",
|
|
"4": "Vaar dro xanưk neq ji vaar ưưk ôô liiu ji vaar jôôk đeen dưk kangưưl Lôôk ku vari.",
|
|
"5": "Atoh kơyq xung dơơp ra ơơh ka baalq yôôych e ôôlh vlôh xing huuy baalq vuh kaxêêt adro tachơơl oot. Atoh adro leq xung păk kaxêêt baalq luleq yôôych pheq biq păk kaxêêt đanưq.\n\n\\ts\\*",
|
|
"6": "Baalq e qwuyen kađniip plêêk hlê xôq leh e jiit đom kawah baalq đnooy hlit. Baalq e qwuyen tol daak xôq dơơp daak vlôh jêêk vahaap ji dơơp ra ơơh vari bơơn đuh dêq kaluh pơơl daal paq kêê tuôôy leq baalq trôôch.",
|
|
"7": "Tuôôy oot heq dơơp xanưk yôôych ôôq tok xing raluk leh e kalek hnoq tahmoch tadơơp dii baalq. Ni honq jaay iaq baalq ji păk kaxêêt baalq.\n\n\\ts\\*",
|
|
"8": "Xaak ku baalq hnoq padooh tol trôôk kôt ku theng kôt ( e ơnơơng tayh tương trưng laa Sôô-đôôm ji Ai Kââp), kung laa aduq Lôôk ku oot biq đonq đin.",
|
|
"9": "Đom pee hngơy rươyh, muuyq sôôq dro xing kaluh tamooi, palơơy tamooi, apok athêêk ji daak dêh hnoq 'yo xaak ku baalq ji leh ăm uup xôq kaluh xaak nưq.\n\n\\ts\\*",
|
|
"10": "Koot manih tol vari hnoq hlah hlaak truh baalq ji xa hlah. Oot măn atăq kadrool ka mamuuyq vii vaar kơy hlit nưq heq khienq koot manih tol vari pheq pơơl hwơơl.",
|
|
"11": "Bơh atêq pee hngơy rươyh, hơơy riilh xing Kơy Plêêk hnoq muut đom baalq; baalq hnoq dưk tol jôôk baalq, ji khơl adro 'yo hloq baalq hnoq 'yôq vraal vriih.",
|
|
"12": "Yôôych baalq hnoq tek muuyq apok kôt xing plêêk xanooh dii baalq, đaneq: \"Dayh tok đneen!\" Atêq nưq, baalq hnoq tok plêêk đom đuum kluk, đong tuôôy khơl adro tachơơl ku baalq 'yo baalq.\n\n\\ts\\*",
|
|
"13": "Muut kawat nưq hnoq e muuyq đơơt ahrưưng vari kôt ji muuyq phoon kưưl ku theng kôt hnoq hrưưp lalưp. Hnoq e pơơh ravơu manih kaxêêt đom đơơt ahrưưng vari, ji khơl adro măn riilh hnoq vraal 'yôq đơu tưp tađnah tađnaak atok ka Kơy Plêêk tol plêêk.\n\\p",
|
|
"14": "Pơơl daal thưq vaar heq yôôych. Hơq! Pơơl daal thưq pee hnoq daayh xalih truh.\n\n\\ts\\*\n\\p ",
|
|
"15": "Yôôych Kơy Yaak thưq pơơh klôôp keen, ji e kaluh apok đnooy kôt măn tol plêêk, đaneq: \\q “Daak dêh dêh araak heq vlôh jêêk daak dêh ku Lôôk haay ji Kơy chiuq paraa jơu ku Kadraq. \n\\q\nKadraq hnoq dưk xakaq đơơy đơơy, miek miek.”\n\n\\ts\\*\n\\m",
|
|
"16": "Yôôych vaar kưưl poot khơl draq 'ngôôy tol ngaai oot kangưưl Kơy Plêêk kuul xăk pôôt kuh ayuuôt Kơy Plêêk.",
|
|
"17": "Oot đnooy: \\q “Kuh Lôôk laa Kơy Plêêk, Kơy Taay Yaak, Kơy juneq e ji heq e, 'wot kuh kwaay Kadraq\n\\q\nvii Kadraq heq rôôp adrơk daa uuh thier kôt ku Kadraq ji heq xarôôp dưk xakaq.\\q\n\\f +\\ft Muuyq xôôq rahlăăp đok: \\fqa Plêêk dưk xakaq kaluh araak, Kơy juneq e, heq e, ji hnoq truh, \\fqa* bơh đa xôôq kaluh rahlăăp đơơu neq be đok đanưq. \\f*\n\n\\ts\\*\n\\q",
|
|
"18": "Kaluh daak tamooi tôq jaraq, \\q2\nbơh đơơt tôq jaraq Kadraq heq truh. \\q2\n'Ngeq laa tuôôy xưh xadrah khơl kaxêêt,\\q\nkahniq vanoong ka khơl xapok Kadraq, \\q2\n'ngưq laa khơl hlit kung khơl vah, \\q2\nji ka khơl adro xet 'yôq yal Kadraq, \\q2\ndêq khơl de hloay khơl kôt, \\q\nji păk kaxêêt khơl adro đong păk kaxêêt vari araak.”\n\n\\ts\\*\n\\p",
|
|
"19": "Yôôych hnhư hơu ku Kơy Plêêk măn tol plêêk jah luh vlôh ji vook taveek ku Lôôk jah 'yo hloq pi'lăăp hnhư hơu Kadraq. E ka'meek xađneek , hnưưm grung grung, hnưưm jaruu kataa, ahrưưng vari ji jiit prier răk. \n\n\\ts\\*"
|
|
}
|