See in Reader
21 lines
3.6 KiB
JSON
21 lines
3.6 KiB
JSON
{
|
|
"1": "Yôôch muuyq đom pơh kơy yaak adrơk pơh poop dooy, hooy truh ji đnooy dii gô, đaneq: \"Dayh truh đneen, gô hno ăm ay hloq varơuq xưh xadrah mo xakoah kôt đong 'ngôôi tol 'ngưưng alook daak,",
|
|
"2": "đơu kung dii ni, khơl vuua tol vari heq lôôp kadrôp apuq atrap, măn manih karôp tol vari yôôych vuul weel vii lok apuq atrap ku ni.\"\n\n\\ts\\*",
|
|
"3": "Kơy nưq xagook gô hooy đom Kơy Phool Hiel truh muuyq aduq wănq we, yôôch gô hloq muuyq mưư kadrê 'ngôôy tol ôôq phôôm dôôp rưưk, e viik kaluh yal taayh katơk dalơh, e pơh poop akoq ji kưl poop akêê.",
|
|
"4": "Mưư kadrê nưq yôôych hlưưp qwuân auu phôôm tiaq ji dôôp rưưk, jah tadii rayoaa dii vayaang, phơu quyq, ji kalook chââu, tol ti ni đong adrơk muuyq dooy bơơn vayaang viik kaluh ưnq ramêq ji kaluh varơuq klơơl 'yêq xing varơuq apuq atrap ku ni.",
|
|
"5": "măn tol ngưưr ni jah vlơk muuyq yal taayh: Ba-by-lôôn kadook kadưp kôt glơh, miq ku biing tale xakoah ji kaluh ưnq ramêq ku vari.\"\n\\ts\\*",
|
|
"6": "Yôôch gô hloq mưư nưq đong vuul weel dii vahaap ku khơl vah ji dii vahaap khơl manih dơơp xanưk ku Lôôk Jê-xu, đơu atêq tuôôy 'yo hloq mưư nưq, gô thier akêh dii varơuq dong hưnh paq ik.",
|
|
"7": "Kơy yaak đnooy dii gô: \"Vii aleq ay dong hưnh? Gô hno đnooy ka ay truh varơuq kadook ku mưư kadrê ji ku ôôq đong achoo mưư nưq, 'ngưq laa ôôq e pơh poop akoq ji kưl poop akê.\n\n\\ts\\*",
|
|
"8": "Ôôq đơu ay hloq adrooyq heq e, juneq leh e, đơu laaiq jeq hooy tok xing raluk leh e kaleek, yôôych ni hno hooy truh aduq kaxêêt hlơơp, măn koot manih tol vari, đơu anưng oot leh jah vlơk đom Rahlap Varơuq Riilh xing tuôôy panưk jêêk plêêk vari, hno dong hưnh tuôôy 'yo hloq ôôq vii adrooyq heq e, juneq leh e, yôôch hno truh.\n\n\\ts\\*",
|
|
"9": "Tuôôy xuum biit e varơuq khôôt xet đom varơuq neq: Pơh poop akoq laa pơh ngok đoot, aduq mưư kadrê hơơq 'ngôôy tol oot, ji oot laa pơh kơy vuua;",
|
|
"10": "dăp vuua heq hrưưp, muuyq vuua đong măn e, ji muuyq vuua kadrơy măn kooq lup truh. Ji tuôôy ni truh, ni vơơ măn hlê đom muuyq kawat lêq.\n\n\\ts\\*",
|
|
"11": "Ôôq adrooyq heq e đơu juneq leh e, yôôych kadih ni laa adro vuua thưq thơơm; đơu ni thuôk axuq pơh vuua hơơq, ji đong hooy truh aduq kaxêêt hlơơp.\n\\ts\\*",
|
|
"12": "Kưưl poop akê đơu ay hloq nưq ji kưưl vuua koq lưưp nhonq jah daak, bơh oot hnoq nhonq jah qwuyen dơơp vuua đom muuyq wat kung dii ôôq.",
|
|
"13": "Khơl vuua neq kung muuyq xuum muuyq akoq, ji oot ăm qwuyen lưk kung qwuyen da uuh ku oot ka ôôq.",
|
|
"14": "Oot hnoq tadơơp dii Trưưu koot - Bơh Trưưu Koot hnoq jaay iaq oot vii Kadraq laa Lôôk ku khơl Lôôk, Vuua ku Khơl Vuua - ji khơl leq măn dii Kadraq jah tawoyh tayh, jah rơơlh xok, ji muuyq xuum.\"\n\n\\ts\\*",
|
|
"15": "Yôôych Kơy Yaak đnooy dii gô: \"Kaluh alook daak đơu ay hloq, ji aduq mưư xakoah 'ngôôy măn tol nưq laa kaluh daak tamooi, kaluh biing karôôp, kaluh daak dêh, ji kaluh apok athêêk.\n\n\\ts\\*",
|
|
"16": "Kưưl poop akê đơu ay hloq, kung dii ôôq - oot hnoq geet yarơơ mưư xakoah nưq. Oot hnoq dơơp mưư nưq biq vrooh xok ji lalôk, oot hnoq xa luuôt hleek mưư, ji oot hnoq vuh ka'lăk mưư bơơn ôôlh.",
|
|
"17": "Vii Kơy Plêêk heq khienq oot đinq iq dưk dơơp iq đinq ku Kadraq ji vơơ dưk dơơp muuyq iq đinq, 'ngưq laa ăm daak oot ka ôôq dong truh tuôôy apok Kơy Plêêk jah jêêk.\n\n\\ts\\*",
|
|
"18": "Mưư kadrê đơu ay hloq nưq 'ngưq laa muuyq theng kôt dưk xanok khơl vuua tol vari.\"\n\n\\ts\\*"
|
|
}
|