cor_2020_cua_clt_rev_book/rev/3.json

{
  "1": "“Dayh vlơk ka kơy yaak ku tayuup vah aduq Saak-đe, đaneq:\\p\n‘ Kơy e pơơh yaak ku Kơy Plêêk ji pơơh poop xlok xanoh luneq: \"Gô xet kaluh varơuq dơơp ku koot. Koot e ahlôôk laa riilh, đơu koot yôôch kaxêêt.",
  "2": "Dayh paroor 'yo ji dơơp ka kajưk kalh kaluh kajoq măn hlê, 'ngưq laa kaluh varơuq jeq kaxêêt, vii Gô koq hloq kaluh varơuq dơơp ku koot jah pa'yôôch kangưưl Kơy Plêêk ku Gô.\n\n\\ts\\*",
  "3": "Vii anưq, dayh văch hlê kaluh varơuq koot heq nhonq ji heq tameen. Dayh tameen tyauq đnư đơu wiit xuum yơu. Măn atoh koot leh paroor 'yo, Gô hnoq truh đaji adro atôôk, ji koot kajưk dik hnoq leh xet wat leq Gô truh tachơơl hlê koot.",
  "4": "Bơh, koot e taleq dro aduq Saak-đe, laa khơl adro heq leh dơơp a'moh auu oot, ji oot hnoq hooy kung dii Gô đom auu koo, vii oot taxưnq.\n\n\\ts\\*",
  "5": "Manih jah jaay hnoq jah hlưưp muut auu yơơt koo dang đanưq, Gô hnoq leh eh 'nhuôôt ơnơng adro nưq klơlh Rahlăăp Varơuq Riilh, ji Gô hnoq xưng ơnơng ku dro nưq kangưưl Vaq Gô ji kangưưl khơl kơy yaak Kadraq.\"",
  "6": "Kơyq e tôôr, dayh tameen apok Kơy Phool Hiel xanoh kung kaluh tayuup vah’.”\n\n\\ts\\*\n\\p",
  "7": "“Dayh vlơk ka kơy yaak ku tayuup vah aduq Phi-la-đen-phi-aa đaneq: \\q ‘ Kơy Vah, Kơy Dong Dik, \n\\q2 \nKơy adrơk jưư gaay kaal ku Đa-vik,\n\\q2 \nKơy luh yôôch leh e akơyq hnoq kađniip,\n\\q3 \nji kađniip yôôch leh e kơyq luh, xanoh luneq:\n\\p",
  "8": "“Gô xet kaluh varơuq dơơp ku koot ( 'Yo hơq, Gô heq xôq kangưưl koot muuyq 'mok ranưh đơu leh e kơyq e paraat kađniip ni), vii koot e axiit paraat, đơu koot heq tameen jư apok Gô, ji leh chôôiq ka'lăăk yal Gô.\n\n\\ts\\*",
  "9": "'Yo nee, Gô hnoq khienq khơl adro thuôk hnhư tayuup ku Sa-taan, laa khơl adro kadih nhonq oot laa manih Jo Thaiq đơu leh aalq đanưq, bơh, oot vơơ laa đong đnooy pa ôôh - 'Yo hơq, Gô hnoq khienq oot dơơp ka oot hnoq truh ji kuul apôôt aduq kangưưl jôôk koot, ji oot hnoq ik xet đaneq Gô xiaq koot.",
  "10": "Vii koot heq jư apok kajưk xuum ku Gô, vii anưq Gô kung hnoq jư koot klơlh wat varơuq athưh jeq truh tol loch dêh araak, xôq thưh khơl adro đong riilh tol vari.",
  "11": "Gô đong truh kach talăng dayh. Dayh jư kajưk varơuq koot e xôq be e kơyq hnoq ik xok hlơơp đoat tađnah ku koot.\n\n\\ts\\*",
  "12": "Adro leq jah jaay, Gô hnoq khienq adro nưq jêêk vlôh gok đom hnhư hơu ku Kơy Plêêk Gô. Adro nưq hnoq be dong leq vlôh klơlh đnư đnooyq, ji Gô hnoq vlơk tol adro nưq yal ku Kơy Plêêk Gô, ơnơng theng ku Kơy Plêêk Gô (  Jê-ru-sa-leem đơơu kahrii pôôt xing plêêk, xing aduq Kơy Plêêk ku Gô), ji yal đơơu ku Gô.",
  "13": "Akơyq e tôôr, dayh tameen apok Kơy Phool Hiel xanoh kung kaluh tayuup vah'.\"\n\n\\ts\\*\n\\p",
  "14": "“Dayh vlơk ka kơy yaak ku tayuup vah aduq Lao-đi-xêê, đaneq:\\p\n ‘ Kơy A-meen, Manih Xanưk đanq tuuôq ji dong dik, Xarôôp Dơơp varơuq panưk jêêk ku Kơy Plêêk xanoh luneq:",
  "15": "“Gô xet kaluh varơuq dơơp ku koot, đaneq koot leh jaleek, kungh leh tôq. Ưng kajoq koot jaleek raa jaleek long tôq raa tôq!",
  "16": "Anưq yôôch, vii koot hôôm hôôm - leh tôq kung leh jaleek - vii anưq Gô jeq hăk koot vlôh klơlh huuy Gô.\n\n\\ts\\*",
  "17": "Vii koot đnooy đaneq: ' Gô karoh, gô heq vlôh jêêk rah 'ngưưng, ji gô be e duh kajoq dêq. ' Bơh anưq koot leh xet đaneq koot dik pơơl dal, đanq tarôôy, adrah, apuul ji lalôkq.",
  "18": "Gô ahmưk koot root xing aduq Gô vajang heq jah arieq đom ôôlh xôq koot vlôh jêêk karoh e, root auu yơơt koo phoat xôq koot hlưưp muut đơu leh măn kahnoq vlôh varơuq kamưưl vii varơuq lalôkq ku koot, ji root jarơu katoh mot xôq katoh mot ku koot xôq ka koot 'yo hloq ik.\n\n\\ts\\*",
  "19": "bơh Khơl adro đơu Gô xung xiaq, yôôch Gô toah pato ji 'meq dook. Vii anưq, dayh kaalh paraat ji wiit xuum yơu.",
  "20": "'Yo hơq, Gô dưk ka 'mok ji pah. Atoh akơyq tameen xarooy Gô ji luh 'mok, yôôch Gô hnoq muut kung adro nưq, xa kawaal dii ni, ji ni dii Gô.\n\\ts\\*",
  "21": "Adro leq jah jaay, Gô hnoq ăm adro nưq 'ngôôy dii Gô tol ngaai Gô, đaji Gô kung heq jah jaay ji 'ngôôy dii Vaq Gô tol ngaai Kadraq.",
  "22": "Kơyq e tôôr, dayh tameen apok Kơy Phool Hiel xanoh kung kaluh tayuup vah.”’”\n\n\\ts\\*"
}