cor_2020_cua_clt_rev_book/rev/2.json

{
  "1": "“Dayh vlơk ka kơy yaak ku tayuup vah aduq Ê-phê-sôô đaneq: ' Kơy adrơk pơh poop xlok đom ti akoh Kadraq, laa Kơy tawaak hooy măn katuul pơh jôôk đeen bơơn vajang, xanoh luneq:",
  "2": "“Gô xet kaluh varơuq dơơp ku koot, varơuq pơơl kung varơuq atuq xuum chiuq uunq ku koot, Gô kung xet đaneq koot leh ik chiuq xôq adro xơơk. Koot heq athưh khơl adro kadih xưng laa khơl jah rơơlh đơu oot be aalq laa đanưq, ji koot heq 'yo xet oot laa pa ôôh lar;\n\n\\ts\\*",
  "3": "koot kung e varơuq wêêt xuum, ji heq chiuq pơơl vii kơq yal Gô đơu leh gleh glơơl.",
  "4": "Bơh, Gô e varơuq toaq koot, 'ngưq laa koot heq ka'lăăk hlơơp xuum xung xiaq kapa teep ku koot.",
  "5": "Vii anưq, dayh văch hlê koot heq gưlh talaalh xing leq, dayh wiit xuum ji dơơp kaluh varơuq kapa teep. Măn atoh leh, Gô hnoq truh dii koot ji Gô hnoq deep ka'lăăk jôôk đeen ku koot klơlh aduq ni - atoh koot leh wiit xuum.\n\n\\ts\\*",
  "6": "Bơh koot e varơuq neq, 'ngưq laa koot yarơơ kaluh varơuq dơơp ku tayuup Ni-kô-laa, laa kaluh varơuq đơu Gô kung yarơơ.",
  "7": "Kơyq e tôôr, dayh tameen apok Kơy Phool Hiel xanoh kung kaluh tayuup vah. Đôôiq dii manih jah jaay, Gô hnoq ăm ka manih nưq xa plaay vlôh xing ưưk varơuq riilh măn đom Ba-ra-đii ku Kơy Plêêk.\"\n\n\\ts\\*\n\\p",
  "8": "\"Dayh vlơk ka kơy yaak ku tayuup vah aduq Si-miêk-nơơ đaneq:' Kơy adrooyq dik ji lôôch dik, Kơy heq chiuq kaxêêt ji heq riilh hlê, Kadraq xanoh luneq:",
  "9": "\"Gô xet kaluh pơơl hwơơl ku koot ji varơuq adrah aduq koot ( đơu bơh, koot đong karoh e), kung apok đnooy pahnhiq truh xing khơl adro xưng kadih oot laa manih Jo Thaiq đơu oot be aalq, bơh laa hnhư tayuup ku Sa-taan.\n\n\\ts\\*",
  "10": "Te yôq kajoq dêq đôôiq dii kaluh varơuq đơu koot jeq phayh chiuq. 'Yo hơq, kamuuych jeq taweek taleq dro đom khơl koot muut tuu xôq ka êêp koot biq athưh, ji khơl koot hnoq chiuq pơơl dal đom kưưl hngơy. Dayh muuyq xuum dong truh kaxêêt, yôôych Gô hnoq kahniq ka koot đoat tađnah ku varơuq riilh.\"",
  "11": "Akơyq e tôôr, dayh tameen apok Kơy Phool Hiel xanoh kung kaluh tayuup vah. Manih jah jaay hnoq leh huq biq aleq xing varơuq kaxêêt yưk vaar.\"\n\n\\ts\\*\n\\p",
  "12": "“Dayh vlơk ka kơy yaak ku tayuup vah aduq Bet-găăm đaneq:' Kơy e poop xieh vaar plaa mưưl xưưr xanoh luneq:",
  "13": "“Gô xet aduq koot riilh, aduq nưq laa ngaai ku Sa-taan, đơu koot heq jư kajưk xok yal Gô, ji leh chôôiq ka'lăăk xuum tuuôq aduq Gô, hloay kaah đom kaluh hngơy ku An-ti-baa, manih xanưk ku Gô, manih muuyq xuum dii Gô, laa manih biq păk kaxêêt kangưưl êêp koot, aduq đơu Sa-taan măn.\n\\ts\\*",
  "14": "Bơh, Gô e taleq varơuq toah koot, nưq laa kađnư, koot e taleq adro jư xok trôôk pato ku Ba-la-aam, laa adro heq pato Ba-laak xôq kuk phơu dơơp xatôôl jôôk kangưưl koot xau I-sơ-ra-êl xôq xa tuuông đơơp ka vangưưl ji dơơp varơuq apuq atrăp.",
  "15": "Tyauq trôôk dang đanưq, koot kung e taleq dro jư xok apok pato ku tayuup Ni-kô-laa.\n\n\\ts\\*",
  "16": "Vii anưq, dayh wiit xuum juu! măn atoh leh, Gô hnoq talăng dayh truh dii koot, ji hnoq hmot tagoa tachơơl dii oot bơơn xieh ku huuy Gô.",
  "17": "Akơyq e tôôr, dayh tameen apok Kơy Phool Hiel xanoh dii kaluh tayuup vah. Đôôiq dii manih jah jaay, Gô hnoq kahniq ka ni ma-naa kadook paduu, ji Gô hnoq kahniq ka ni muuyq kuk phơu koo đơu tol kuk phơu nưq, muuyq yal đơơu heq jah vlơk. Laa yal đơu be akơyq xet đêh vlôh manih nhonq jah ni.\"\n\n\\ts\\*\n\\p",
  "18": "“Dayh vlơk ka kơy yaak ku tayuup vah aduq Thi-a-ti-rơơ đaneq: \\p\n‘ Koot Kơy Plêêk, Kơy e mot đaji gooy ôôlh ji jôôk đaji đôông tađnah aah, xanoh luneq:",
  "19": "“Gô xet kaluh varơuq dơơp ku koot, xung xiaq, xuum tuuôq, hơu varơuq, kung xuum atuq kajưk ku koot, ji kaluh varơuq dơơp ku koot atêq neq măn glơh iaq kaluh varơuq tuôôy adrooyq.\n\n\\ts\\*",
  "20": "Bơh Gô e varơuq neq toah koot, nưq laa koot đong chiuq xôq mo Jê-sa-bêên, adro kadih 'yo ni laa mo hlit, ji ni pato daayq kung adôô aluut khơl xapok ku Gô lôôp kadrôp apuq atrăp ji xa tuôông đơơp vangưưl.",
  "21": "Gô heq ăm ka ni kawat xôq ni hnoq ik wiit xuum, đơu ni leh trôôch wiit xuum truh varơuq apuq atrăp ku ni.\n\\ts\\*",
  "22": "Dayh 'yo nee! Gô hnoq taweek ni moq lêêt tol chanưưng, ji khơl adro lôôp kadrôp apuq atrăp kung ni muut varơuq pơơl dal kôt, atoh oot leh wiit xuum truh kaluh varơuq dơơp ku ni.",
  "23": "Gô hnoq hmot khơl koot xaau ni bơơn varơuq kaxêêt, yôôych dêq hloay kaluh tayuup vah hnoq xet đaneq Gô laa Kơy 'yo hloq xuum klaak, ji Gô hnoq kahniq ka tôôy dro đom êêp koot tyauq tưng kaluh varơuq dơơp ku êêp koot.\n\n\\ts\\* ",
  "24": "Bơh Gô xanoh dii khơl koot, laa sôôq măn hlê đom khơl manih aduq Thi-a-ti-rơơ, long akơyq leh jư tyauq apok pato daayq nưq, 'ngưq laa khơl adro leh xet kaluh varơuq jaruq ku Sa-taan, đaji muuyq sôôq adro taayh đanưq - Gô leh xôq pơq parêq leq đnooyq tol êêp koot.",
  "25": "Bơh, phayh jư kajưk xok kaluh kajoq khơl koot e dong truh tuôôy leq Gô truh.\n\\ts\\*\n\\m",
  "26": "Đôôiq dii manih jah jaay ji kưq jư xok kaluh varơuq dơơp ku Gô dong truh lôôch dik, yôôch Gô hnoq kahniq ka adro nưq e qwuyen tol kaluh daak dêh.\n\\q",
  "27": "‘ Adro nưq hnoq dưk xakaq oot bơơn muuyq gaay katôôl mam, \n\\q\ndang đaji kaluh woo vari dôôp biq pôôh padah padek,’\n\\m",
  "28": "kung đaji Gô heq nhonq jah qwuyen xing Vaq Gô, yôôch Gô hnoq kahniq ka adro nưq xlok maai.",
  "29": "Kơyq e tôôr, dayh tameen apok Kơy Phool Hiel xanoh kung kaluh tayuup vah.”\n\n\\ts\\*"
}