See in Reader
22 lines
4.4 KiB
JSON
22 lines
4.4 KiB
JSON
{
|
|
"1": "Atêq nưq, muuyq gaay kadeenq dang đaji gaay wolh heq jah ăm ka gô, tuôôy e apok xanoh: \"Dayh dưk tok ji wolh hnhư hơu ku Kơy Plêêk ji para hơu, dii khơl adro ayuôôt laat đom nưq.",
|
|
"2": "Măn truh chaal, laa phoon pii gôk hnhư hơu, dayh xôq hlê, te wolh ni, vii ni heq biq pahnăăp ka khơl tamooi daak kadrơơy, ji oot hnoq joaq jaloon theng vah đom poot kưưl vaar xiêk.\n\\ts\\*",
|
|
"3": "Yôôych Gô hnoq ăm xôq vaar dro xanưk ku Gô, ji baalq hnoq đnooy hlit đom muuyq ravơu vaar hreek drơơu kưưl hngơy, tuôôy măn hlưưp aau vaayh ataat.\"",
|
|
"4": "Vaar dro xanưk neq laa vaar ưưk ôô liiu ji vaar jôôk đeen dưk kangưưl Lôôk ku vari.",
|
|
"5": "Atoh kơyq xung dơơp haiq ka baalq, yôôch ôôlh vlôh xing huuy baalq yôôych vuh kaxêêt khơl tachơơl baalq, vii anưq atoh adro leq xung dơơp ra ơơh baalq, yôôch adro nưq phayh biq păk kaxêêt đanưq.\n\n\\ts\\*",
|
|
"6": "Baalq e qwuyen kađniip plêêk hlê xôq leh e jiit rôh pôôt đom kaluh hngơy tyauq apok hlit ku baalq, ji baalq e qwuyen tol kaluh alook daak xôq dơơp daak jêêk vlôh vahaap ji xôq dơơp ra ơơh vari bơơn đuu thưq pơơl dal, muut paq kêê tuôôy leq baalq trôôch.",
|
|
"7": "Tuôôy baalq heq pa'yôôch apok xanưk ku baalq, yôôch poop ôô hooy tok xing huuk leh e kalek hnoq tagay hmot tachơơl hlê kung baalq, ji ni hnoq jaay iaq baalq yôôych păk kaxêêt baalq hloay.\n\n\\ts\\*",
|
|
"8": "Xaak ku baalq hnoq padooh tol trôôk ku theng kôt ( laa theng jah taayh đom long lơuq laa Sô-đôôm ji Ai Kâp), kung laa aduq đơu Lôôk ku baalq heq biq đonq đin tol gaay chrăk.",
|
|
"9": "Đom pee hngơy rưưyh, manih xing loch kaluh tamooi, kaluh palơơy tamooi, kaluh apok athêêk ji kaluh daak dêh raay 'yo xaak ku baalq ji oot leh ăm pheep kaluh xaak ku baalq jah uup đom xanưng.\n\n\\ts\\*",
|
|
"10": "Manih araak tol vari hlah hlaak truh baalq ji xa mưưng, oot hnoq atăq kadrool ka mamuuyq vii vaar kơy hlit nưq heq dơơp ka manih araak tol vari pơơl hwơơl.",
|
|
"11": "Yôôych atêq pee hngơy rưưyh, hoot heet varơuq riilh xing Kơy Plêêk nhôôp muut đom baalq, ji baalq dưk tok tol jôôk baalq, nưq laa varơuq vraar yôq thier kôt kahrii tol khơl adro 'yo hloq baalq.",
|
|
"12": "Yôôych baalq tek muuyq apok kôt xing plêêk, xanoh dii baalq: \"Dayh tok đneen!\" Nưq laa baalq hooy tok plêêk đom muuyq đuum kluk, ji khơl adro tachơơl ku baalq raay 'yo hloq baalq.\n\n\\ts\\*",
|
|
"13": "Muut wat nưq, muuyq đơơt ahrưưng vari kôt xalih vlôh, ji muuyq phoon kưưl ku theng hrưưp pôôt. Đom đơơt ahrưưng vari, yal ku pơơh ravơu manih biq kaxêêt, ji khơl adro măn riilh hlê hnoq vraar yôq đơu tơơk tưp tađnah tađnaak atok ka Kơy Plêêk tol plêêk.\n\\p",
|
|
"14": "Varơuq pơơl dal thưq vaar heq hlê. 'Yo hơq, varơuq pơơl dal thưq pee đong truh trôôk thier talăng.\n\\ts\\*\n\\p ",
|
|
"15": "Kơy yaak thưq pơơh klôôp keen, yôôch kaluh apok đnooy kôt ahnaa vlôh xing tol plêêk, đaneq: \\q “Daak dêh ku dêh araak heq jêêk vlôh daak dêh ku Lôôk haay ji Kơy Chiuq Paraa Jơu ku Kadraq. \n\\q\nKadraq hnoq dưk xakaq dong truh đơơy đơơy, miêk miêk.”\n\n\\ts\\*\n\\m",
|
|
"16": "Yôôych vaar kưưl poot khơl draq đong 'ngôôy tol ngaai ku oot kangưưl Kơy Plêêk, heq kuul mamưưt oot pôôt ji ayuuôt laat Kơy Plêêk,",
|
|
"17": "tơơl: \\q “Kuh Lôôk laa Kơy Plêêk, Kơy Taay Yaak, Kơy juneq e ji heq e, 'wot kuh kwaay Kadraq\n\\q\nvii Kadraq heq adrơk jư taay yaak kôt glơh ku Kadraq ji dưk xakaq.\\q\n\\f +\\ft Muuyq xôôq rahlăăp đok: \\fqa Plêêk dưk xakaq kaluh araak, Kơy juneq e, heq e, ji hnoq truh, \\fqa* bơh đa xôôq kaluh rahlăăp đơơu neq be đok đanưq. \\f*\n\n\\ts\\*\n\\q",
|
|
"18": "Kaluh daak tôq jaraq, \\q2\nđơu đơơt tôq jaraq ku Kadraq heq truh, \\q2\nji katuôôy ka khơl adro kaxêêt biq xưh xadrah,\\q\nkung kahniq kadrool ka khơl xapok Kadraq, \\q2\n'ngưq laa khơl hlit ji khơl vah, \\q2\nkung khơl adro kuh yôq yal Kadraq, \\q2\nkhơl de hloay khơl kôt, \\q\nji păk kaxêêt khơl adro đong pahưư hlơơp vari.”\n\n\\ts\\*\n\\p",
|
|
"19": "Yôôych hnhư hơu ku Kơy Plêêk măn tol plêêk jah luh vlôh ji vook taveek ku Lôôk jah 'yo hloq đom hnhư hơu Kadraq. Atêq nưq, e kaluh ka'meek xađneek, kaluh hnưưm grung grung, ji hnưưm kataa ahnaa, muuyq đơơt ahrưưng vari kung đơơt jiit parier kôt. \n\n\\ts\\*"
|
|
}
|