See in Reader
24 lines
4.0 KiB
JSON
24 lines
4.0 KiB
JSON
{
|
|
"1": "Yôôych gô tek muuyq apok kôt xing hnhư hơu đnooy dii pơơh Kơy Yaak: \"Dayh hooy uuk pôôt vari pơơh dooy tôq jaraq ku Kơy Plêêk.\"\n\n\\ts\\*\n\\p",
|
|
"2": "Nưq, Kơy Yaak thưq yưk hooy ji uuk dooy kơy pôôt vari, yôôych e plee talook ramêq xăk dơơp jiq jiêh xalih vlôh tol khơl adro e dơuq hlêêl ku ôôq, kung khơl adro kuh kwaay vangưưl ni.\n\n\\ts\\*\n\\p",
|
|
"3": "Yôôych Kơy Yaak thưq vaar uuk dooy kơy pôôt tahlii, yôôych tahlii vlôh jêêk vahaap, đaji vahaap ku manih kaxêêt, ji kaluh prooh riilh 'lăălq tahlii raay kaxêêt.\n\n\\ts\\*\n\\p",
|
|
"4": "Yôôych Kơy Yaak Thưq pee uuk dooy kơy pôôt kaluh daak tavook, alook daak, yôôych oot vlôôh jêêk vahaap.",
|
|
"5": "Yôôych gô tek Kơy Yaak e qwuyen tol daak đnooy: \\q “Lơơy Kơy đong e ji heq e, laa Kơy vah, \n\\q2\n Kadraq dik hyioh jăk vii Kadraq heq xưh xadrah kaluh varơuq nưq.\\q\n\\f +\\ft Muuyq sôôq rahlăăp đok: \\fqa Wơơy Lôôk, Kơy đong e, heq e, ji măn e, Kadraq dik hyioh jăk vii Kadraq heq xưh xadrah kaluh varơuq nưq \\fqa*.\\f*\n\\q",
|
|
"6": "Vii oot heq dơơp ahngok vahaap ku khơl vah ji khơl hlit, \n\\q2\nanưq Kadraq heq ăm oot hôôch vahaap; \n\\q\noot xưnq chiuq đanưq.”\n\\m",
|
|
"7": "Yôôych gô tek paraa hơu tơơl hlê: \"Jơq, kuh Lôôk laa Kơy Plêêk, Kơy Taay Yaak, \n\\q2 \nkaluh varơuq xưh xadrah ku Kadraq raay dong dik ji hyioh jăk.”\n\n\\ts\\*\n\\p",
|
|
"8": "Yôôych Kơy Yaak thưq poot uuk dooy kơy tol mot hngơy, yôôych ni ik pheep xok ôôlh dơơp puulh khơl drơơy.",
|
|
"9": "Anưq laa khơl drơơy biq puulh vii xaal tôq paq ik, ji oot đnooy katơk dalơh yal ku Kơy Plêêk, Kơy e qwuyen tol kaluh kưk nanq neq. Oot be laayq rawiit xuum long tưp tađnah tađnaak ka Kadraq.\n\n\\ts\\*\n\\p",
|
|
"10": "Yôôych Kơy Yaak thưq dăăp uuk dooy kơy tol ngaai ku ôôq, yôôych e kamưưng jaluuk kluum katuh daak dêh ni. Khơl drơơy kek kapiek oot vii jiq jiêh.",
|
|
"11": "Yôôych oot đnooy katơk dalơh Kơy Plêêk tol plêêk vii biq varơuq jiq jiêh ji plee areh xăk, bơh oot măn keen leh laayq rawiit xuum kaluh varơuq dơơp ku oot.\n\n\\ts\\*\n\\p",
|
|
"12": "Yôôych Kơy Yaak thưq drơơu uuk dooy kơy pôôt daak kôt Ơơ-phơơ-raat, yôôych daak kôt kateh hreek xôq 'meq trôôk ka khơl vuua truh xing mot hngơy vlok.",
|
|
"13": "Yôôych gô hloq e pee kamuuych a'mooh 'yo dang toq leq poop ajii vlôh xing huuy ôôq vayaa, huuy ôôq, ji huuy hlit pa ôôh.",
|
|
"14": "Vii oot laa yaak ku kaluh kamuuych dưk dơơp 'ngưưng dơuq akêh. Oot vlôh hooy tavơh kaluh vuua dêq tol dêh araak xôq ahluk pagoo oot muut đom varơuq tahmot đom hngơy kôt ku Kơy Plêêk, Kơy Taay Yaak.\n\n\\ts\\*",
|
|
"15": "(\"Dayh 'yo! Gô hnoq truh đaji adro atôôk! Vanoong ka dro prol takôô ji hloay hlưưp auu, xôq be huq hooy hlê lalôk ji biq khơl drơơy 'yo hloq varơuq kamưưl ku ni.\")",
|
|
"16": "Yôôych oot anguuk taguum oot hlê ka muuyq aduq đom apok Hi-baq-laai tayh ji Ha-ma-gê-đôn.\n\n\\ts\\*\n\\p",
|
|
"17": "Yôôych Kơy Yaak thưq pơơh uuk dooy kơy muut khôông khiq, yôôych e muuyq apok đnooy kôt xing ngaai đom hnhư hơu ahnaa vlôh, đaneq: \"Anưq laa yôôych!\"",
|
|
"18": "Yôôych e ka'meek tađnah, hưưm grung grung, hnưưm kơy kataa, ji kung e muuyq đơơt ahrưưng vari kôt - koq hmưưq e xing tuôôy koot manih e mot tol vari, đơơt ahrưưng vari nưq thier kaalh ji thier kôt.",
|
|
"19": "Theng kôt biq aklah vlôh dơơp pee, ji kaluh theng kôt ku kaluh daak hrưưp lalaak. Yôôych Kơy Plêêk văch hlê Baa-by-lôôn kôt, ji Kadraq ăm ni hôôch dooy lok aluuq bơơn đơơt tôq jaraq rahưưk rahưưk ku Kadraq.\n\n\\ts\\*",
|
|
"20": "Tuôôy nưq, kaluh ngok tahlii xadăăk klôôlq dêq, ji be măn hloq ngok đoot đnoyq.",
|
|
"21": "Kaluh kuuk jiit prier kôt parêq kah ta-lââng xing plêêk klêêh pôôt tol khơl drơơy. Khơl drơơy đnooy katơk dalơh Kơy Plêêk vii taai hoaq jiit prier, vii taai hoaq nưq ramêq paq ik.\n\n\\ts\\*"
|
|
}
|