32 lines
5.8 KiB
JSON
32 lines
5.8 KiB
JSON
{
|
||
"1": "“Dayh vlơk ka Kơy Hơu ku tayuup hlăng vah aduq Ê-phêê-sôô, đaneq: ' Plêêk adrơk pơơh xlok tol tii akoh Kadraq ji tawaak hooy katuul pơơh jôôk đeen mưh, xanooh aneq:",
|
||
"2": "“ Gô xet kaluh varơuq dơơp ku koot, varơuq pơơl ku koot, kung varơuq kajưk xuum chiuq nhinq ku koot; Gô xet đaneq koot be ik chiuq xôq adro xơơk. Koot heq atoh khơl adro kadih xưng laa khơl jah rơơlh, bơh dong dik be aalq, ji koot heq 'yo hloq oot laa pa ôôh.\n\n\\ts\\*",
|
||
"3": "Gô xet koot e xuum wêêt kajưk jưư xuum vii heq chiuq pơơl 'ngưưng vii yal gô, đơu koot be gleh glơơl.",
|
||
"4": "Bơh Gô e varơuq treek koot 'ngưq ji koot heq ka'lăk hlê pii atêq xung xiaq kaa pateep ku koot.",
|
||
"5": "Vii anưq, dayh văch hlê haay heq talaalh tavluut xing leq. Dayh wiit xuum ji dơơp kaluh varơuq đơu koot heq dơơp tuôôy pateep. Atoh leh, Gô hnoq truh aduq koot ji Gô hnoq xagook jôôk đeen ku koot klơlh aduq ni - atoh koot leh wiit xuum.\n\n\\ts\\*",
|
||
"6": "Bơh măn e varơuq neq, 'ngưq ji koot yarơơ kaluh varơuq dơơp ku khơl adro măn tayuup Ni-kô-laa, đơu Gô kung yarơơ đnoyq.\"",
|
||
"7": "Kơyq e tôôr, dayh tameen apok Kơy Hơu xanooh dii kaluh tayuup hlăng vah. Manih leq jah jaay, Gô hnoq kahniq ka manih nưq qwuyen jah xa plaay ku ưưk varơuq riilh đom Baa-raa-đii ku Kơy Plêêk'.\"\n\n\\ts\\*\n\\p",
|
||
"8": "\"Dayh vlơk ka Kơy Hơu ku tayuup hlăng vah aduq Sii-miêk-nơơ, đaneq: ' Plêêk adroyq dik ji lôôch dik, Plêêk heq kaxêêt ji riilh hlê, xanooh đaneq:",
|
||
"9": "\"Gô xet kaluh pơơl hwơơl ku koot ji varơuq adrah pơơl ( long koot karoh e), kung apok đnooy pahniq ku khơl adro xưng oot laa manih Jo Thaiq đơu be aalq anưq. Dong dik, oot laa tayuup ku Saa-taan.\n\n\\ts\\*",
|
||
"10": "Te yôq kaluh varơuq đơu koot jeq pheq chiuq. Hơq! Kamuuych jeq taluuq muuyq xôôq manih đom khơl koot muut tuu xôq khơl koot biq chiuq atoh, ji khơl koot hnoq chiuq pơơl jiq đom kưưl hngơy. Dayh jưư xuum dong truh kaxêêt, yôôych Gô hnoq kahniq ka koot kađooat tađnaah varơuq riilh.\"",
|
||
"11": "Akơyq e tôôr, dayh tameen apok Kơy Hơu xanooh kung khơl tayuup hlănh vah. Manih leq jah jaay kajưk dik hnoq be biq voorh xing varơuq kaxêêt nhưk vaar'.\"\n\n\\ts\\*\n\\p",
|
||
"12": "“Dayh vlơk ka Kơy Hơy ku tayuup hlăng vah aduq Beet-găăm, đaneq: 'Plêêk e akưưl xieh vaar plaa xưưl hweek xanooh đaneq:",
|
||
"13": "“Gô xet aduq koot riilh laa aduq xôq ngaai ku Saa-taan. Anưq đơu koot heq rôôp kajưk xok yal Gô, ji koot be chôôiq ka'lăk xuum tuuôq aduq Gô, pheq đnooy đom kaluh hngơy Aan-tii-baa, manih xanưk ku Gô, xapok jưư xuum ku Gô, biq păk kaxêêt aduq đom khơl koot, aduq Saa-taan măn.\n\\ts\\*",
|
||
"14": "Bơh Gô e toq leq varơuq treek koot: Măn đnư măn e toq leq dro jưư xuum tyauq trôôk pato ku Baa-laa-aam, adro pato Baa-laak xôq kuuk phơu dơơp xatôôl jôôk kangưưr koot xauu I-sơ-ra-êl, anưq laa oot xa ưnq heq đơơp ka long lơuq ji dơơp kadrôp adrôp.",
|
||
"15": "Dang đanưq, koot kung e toq leq dro jưư xuum tyauq trôôk pato ku tayuup Nii-kô-laa.\n\n\\ts\\*",
|
||
"16": "Vii anưq, koot dayh wiit xuum! Atoh leh, Gô hnoq daayh talaang truh aduq ku koot, ji hnoq tadơơp dii oot bơơn akưưl xieh aduq huuy Gô.\"",
|
||
"17": "Akơyq e tôôr, dayh tameen apok Kơy Hơu xanooh dii khơl tayuup hlăng vah. Manih leq jah jaay, Gô hnoq kahniq ka ni maa-naa kadook paduu, ji Gô hnoq kahniq ka ni muuyq kuuk phơu koo dii muuyq ơnơng đơơu heq jah vlơk tol nưq, ji ơnơng be akơyq xet be jaauq manih nhonq jah ni'.\"\n\n\\ts\\*\n\\p",
|
||
"18": "“Dayh vlơk ka Kơu Hơu ku tayuup hlăng vah aduq Thii-a-tii-rơơ, đaneq: \\p\n‘ Koot Kơy Plêêk, Plêêk e mot đaji gooy ôôlh ji jôôk đaji đôông tađnaah xanooh đaneq:",
|
||
"19": "“Gô xet kaluh varơuq ku koot, xung xiaq, xuum tuuôq, varơuq hơu varơuq, ji xuum jưư kajưk be tađôôi ku koot. Bơh varơuq dơơp ku koot atêq neq măn glơơh iaq kaluh varơuq koot heq dơơp tuôôy adroyq.\n\n\\ts\\*",
|
||
"20": "Bơh Gô e varơuq neq treek koot, đaneq koot măn chiuq xôq mo Jê-sa-bêên, adro kadih 'yo laa mưư hlit. Bơơn trôôk pato ku ni, mưư palưưa khơl xapok ku Gô dơơp kadrôp adrôp ji xa tuuông heq đơơp ka liil tangưưl.",
|
||
"21": "Gô heq ăm ka moo kawat xôq wiit xuum, bơh moo be e xuum wiit xuum katâk adrôôp ku ni.\n\\ts\\*",
|
||
"22": "'Yo nee! Gô hnoq qweek moo tok ravaak jiq karu, ji khienq khơl adro kung dơơp kadrôp achung adrôp dii moo chiuq pơơl parêq kôt, atoh oot wiit xuum xuq kaluh varơuq dơơp ku moo.",
|
||
"23": "Gô hnoq tiel kaxêêt koot xauu moo, ji dêq hloay kaluh tayuup hlăng vah hnoq xet đaneq Gô laa Plêêk 'yo hloq xuum biit ji xuum klaak. Gô hnoq blaa hlê ka tôôy dro đom khơl koot tyauq kaluh varơuq dơơp ku khơl koot.\n\n\\ts\\*",
|
||
"24": "Bơh khơl măn hlê đom khơl manih aduq Thii-a-tii-rơơ, 'ngưq ji paq đnooy kơyq be tyauq trôôk pato nưq ji be xet varơuq đơu muuyq xôôq adro tayh laa kaluh varơuq kamưưng jaruq ku Saa-taan - Gô đnooy dii khơl adro nưq, đaneq: ' Gô be xôq athêêm ka khơl koot varaq parêq leq kadrơơy.'",
|
||
"25": "Bơh pheq jưư kajưk xok kaluh kajoq haay e dong truh tuôôy Gô truh.\n\\ts\\*\n\\m",
|
||
"26": "Manih leq jah jaay ji kưq jưư xok varơuq dơơp ku Gô dong truh lôôch dik, yôôych Gô hnoq kahniq ka manih nưq qwuyen da uuh tol kaluh tamooi.\n\\q",
|
||
"27": "‘ Adro nưq hnoq dưk xakaq oot bơơn muuyq gaay katôôl man, \n\\q\nji hnoq qwuât padaah oot dang kaluh huu varii.’\n\\m",
|
||
"28": "Gô kung hnoq ăm ka manih nưq xlok maai, đaji Gô heq nhonq jah xing Vaq Gô.”",
|
||
"29": "Kơyq e tôôr, dayh tameen apok Kơy Hơu xanooh kung kaluh tayuup hlăng vah’.”\n\n\\ts\\*"
|
||
}
|