See in Reader
23 lines
3.9 KiB
JSON
23 lines
3.9 KiB
JSON
{
|
|
"1": "'Ngeq ji varơuq kahniq tauuq ku Lôôk Wơt Dêh Jê-xu đơu Kơy Plêêk heq kahniq ka Kadraq xôq kahnoq ka khơl xapook Kadraq xet kaluh varơuq pheq meel xalih vlôh. Kadraq kahnoq ni gơmưh yaak plêêk Kadraq, đơu Kadraq patăk truh dii xapook ku Kadraq laa Jăng.",
|
|
"2": "Jăng dơơp xanưk truh apok ku Kơy Plêêk ji apok xanưk ku Lôôk Wơt Dêh Jê-xu, 'ngưq ji kaluh varơuq kơy xanưk hloq.",
|
|
"3": "Vanoong ka manih đok ji manih tameen apok ku rahlaap hlit neq, ji hloay tameen tyauq kaluh kajoq heq jah vlơk đom nưq, vii kawat jeq yôôych.\n\\ts\\*\n\\p",
|
|
"4": "Gô ji Jăng, atăq ka pơơh tayuup vah aduq dêh A-sii: Apôôy vanong kaxaay jeen ka oh ay dii varơuq hrook hroor xing Plêêk đong e, heq e, ji hnoq truh kung đaji xing pơơh liil kangưưr ngaai ku Kadraq,",
|
|
"5": "ji xing Lôôk Wơt Dêh Jê-xu, ji Manih Xanưk Jưư Apok, Koot Muuyq xing aduq kaxêêt, ji Plêêk vuua tol khơl vuua tol vrii. Apôôy Plêêk xung xiaq haay, heq wơt xok haay klơlh kadrôp marooh haay gơmưh vahaap Kadraq -",
|
|
"6": "Plêêk heq khienq haay vlôh yuuôl muuyq daak, vlôh yuuôl khơl thơy tơk tưp ka Kơy Plêêk, Vaq ku Kadraq - apôôy Kadraq jah tađnaah tađnaak ji qwuyen da uuh đơơy đơơy. A-meen.\n\n\\ts\\*\n\\q",
|
|
"7": "'Yo hơơq, Kadraq truh tol kaluh đônq kluuk;\n\\q2\nkaluh mot hnoq 'yo hloq Kadraq, \n\\q\nhloay ka khơl adro leq heq viit Kadraq. \n\\q2\nDêq kaluh tamooi tol vrii hnoq nhiim aloo vii kơq Kadraq. \n\\p\nJơq anưq, A-meen.\n\\p",
|
|
"8": "Lôôk ji Kơy Plêêk xanooh: “Gô ji An-phaa ji Ô-mêê-gaa, Plêêk đong e, heq e, ji hnoq truh, Plêêk adrơk da uuh.”\\p\n\\f +\\ft muuyq xôôq rahlaap đok: \\fqa Lôôk ji Kơy Plêêk xanooh: Gô ji An-phaa ji Ô-mêê-gaa, ji luh ka pateep ji lôôch dik \\fqa*.\\f*\n\n\\ts\\*\n\\p",
|
|
"9": "Gô laa Jăng - manih oh ay ku oh ay, ji manih kung ahlook dii oh ay varơuq pơơl hwơơl, daak plêêk, ji varơuq kajưk xuum chiuq nhinq đom Lôôk Jê-xu - gô đong măn tol đaoh e ơnơng ji Baatq-môô vii kơq apok ku Kơy Plêêk ji apok xanưk truh Lôôk Jê-xu.",
|
|
"10": "Muut ka hngơy ku Lôôk, gô măn đom Yaak Plêêk, ji gô tameen pi atêq gô muut ahlôôk kôt đaji ahlôôk keen.",
|
|
"11": "Apok nưq patăk: “Dayh vlơk muut rahlaap kaluh varơuq koot hloq ji atăq ka pơơh tayuup vah - aduq Ê-phêê-sôô, Sii-miêk-nơơ, Beek-găm, Thii-a-tii-rơơ, Saat-đee, Phii-la-đeen phii, ji Laoo-đi-xêê.”\n\n\\ts\\*",
|
|
"12": "Gô wuyh hlê xôq 'yo apok đong đnooy dii gô nưq, ji tuôôy wuyh hlê, gô hloq pơơh jôôk đeen bơơn mưh.",
|
|
"13": "Măn katuul kaluh jôôk đeen e Plêêk dang Koot Manih, hlưưp auu jơơt truh jôôk, ji hneek muuyq talơơy mưh angăch tadaa.\n\n\\ts\\*",
|
|
"14": "Akoq ji hlôôk ku Manih ko đaji hlôôk trưưu - ko be đêh kajoq raak prier - măn mot Manih yôôych dang gooy ôôlh.",
|
|
"15": "Jôôk Manih đaji đôông tađnaah, ji đôông heq jah arieq đom loo ôôlh, ji xarooy Manih tameen đaji xarooy 'ngưưng alook daak hoot kaxuuh.",
|
|
"16": "Tol tii akoh Manih e pơơh xlok, măn xing huuy Manih daloo vlôh xieh vaar plaa mưưl chreek. Mot Manih tađnaah rưk đaji mot hngơy tuôôy ni xaraal tađnaah dêq kơh.\n\n\\ts\\*",
|
|
"17": "Tuôôy gô hloq Kadraq, gô gưưlh pôôt aduq jôôk Kadraq đaji manih kaxêêt. Kadraq xôq tii akoh tol gô ji đnooy: \"Te 'yôq. Gô laa adroyq dik ji lôôch dik,",
|
|
"18": "laa Plêêk riilh. Gô heq kaxêêt, bơh 'yo nee, juneq Gô riilh đơơy đơơy, hloay hloay! Gô adrơk jưư gaay kaal ku varơuq kaxêêt ji vrii karuuk.\n\\ts\\*",
|
|
"19": "Vii anưq, dayh vlơk hlê kaluh varơuq koot heq hloq, kaluh varơuq juneq ji kaluh varơuq hnoq xalih truh atêq neq.",
|
|
"20": "Măn 'ngeq laa iq kadook paduu ku pơơh xlok đơu koot hloq tol tii akoh Gô, kung pơơh jôôk đeen mưh: Pơơh xlok laa kaluh yaak plêêk ku pơơh tayuup vah, măn pơơh jôôk đeen 'ngưq ji pơơh tayuup vah.\"\n\n\\ts\\*"
|
|
}
|