cor_2020_cua_clt_rev_book/rev/14.json

{
  "1": "Yôôych gô 'yo hloq, ji hơq, Trưưu Koot dưk tol đoot Sii-ôôn. Kung dii Kadraq laa 144.000 manih e yal Kadraq ji yal Vaq Kadraq jah vlơk tol ngưưr ku oot.",
  "2": "Ji gô tameen xing tol plêêk e apok đaji ahlôôk ôôm ôôm ku 'ngưưng alooh daak,  ji đaji ahlôôk kơy kata kôt. Apok đơu gô tameen nưq kung dang đaji ahlôôk khơl ngêq xih agưưt đơn haak oot.\n\n\\ts\\*",
  "3": "Oot kacheeu muuyq baai kacheeu đơơu kangưưr ngaai ji kangưưr poot poop ôôq kung khơl draq. Be kơyq hnoq ik hok xet baai kacheeu nưq đêêh vlôôh 144.000 manih heq jah root wơơt tol vrii.",
  "4": "'Ngeq laa khơl adro koq lưưp khienq xak biq a'mooh nhơơy vii khơl drê, vii oot măn triinh jaa. Khơl manih neq tyauq atêq paq kêêh aduq leq Trưưu Koot hooy. Oot heq jah root xing tuul koot manih đaji muua plaay adrooyq dik ka Kơy Plêêk ji Trưưu Koot.",
  "5": "Aduq huuy oot be hloq varơuq pa ôôh laoq leq, vii oot leh e kajoq xôq đnooy treek ik.\\p\n\\f +\\ft Muuyq sôôq rahlaap hnu iaq athêêp: \\fqa kangưưr ngaai Kơy Plêêk\\fqa*.\\f*\n\n\\ts\\*\n\\p",
  "6": "Yôôych gô hloq muuyq Kơy Hơu kadrơơy pool tuul plêêk, kông bôq pahêêl kaxaay đơơy đơơy ka koot manih tol vrii -  ka dêq daak dêh, dêq plơơy tamooi, dêq kaluh apok, dêq tamooi dêh.",
  "7": "Yaak đnooy kôt apok, đaneq: \"Dayh 'yo yôq Kơy Plêêk ji tơk tưp tađnah tađnaak ka Kadraq. Vii wat xưư xadrah ku Kadraq heq truh. Dayh vnê ayuuôt Plêêk panưk yuuôl plêêk, vrii, tahlii ji kaluh alook daak.\"\n\n\\ts\\*\n\\p",
  "8": "E muuyq Kơy Hơu kadrơơy - Kơy Hơu nhưk vaar - tyauq atêq, đnooy đaneq: \"Gưưlh hrưưp yôôych, Baa-by-lôôn kôt hơq, adro ahluuk kaluh tamooi hôôch lok adrôp adruôy khưưlq ku ni, heq hrưưp pôôt yôôych.\"\n\n\\ts\\*\n\\p",
  "9": "Muuyq Kơy Hơu kadrơơy đnooyq - Kơy Hơu nhưk pee -  tyauq atêq oot, đnooy kôt apok, đaneq: \"Atoh adro leq kuh ayuuôt koot ôôq kung long lơuq ni, ji nhonq dơu hlêêl ni tol ngưưr long tol tii oot,",
  "10": "yôôych adro nưq kung hnoq hôôch lok tôq daayh ku Kơy Plêêk, laa đôô lok be waa cheet muut dooy tôq daayh ku Kadraq. Adro nưq hnoq biq dơơp ra ơơh bơơn ôôlh ji lưưu hwiinh kangưưr khơl Kơy Hơu hlăng vah ji kangưưr Trưưu Koot.\n\n\\ts\\*",
  "11": "'nhuuy xing aduq tier dook ku oot kưq poot tok đơơy đơơy, hloay hloay, ji oot hnoq be jah padơơy padoo dêq hngơy hloay klôôy - 'ngưq ji khơl adro kuh kwaay koot ôôq kung long lơuq ni, ji khơl manih nhonq xok dơu hlêêl ơnơng ku ni.",
  "12": "'Ngeq ji varơuq chiuq nhinq nhukq ku khơl hlăng xatyauq, khơl manih tameen tyauq kaluh ganuun ku Kơy Plêêk ji xuum tuuôq aduq Lôôk Jê-xu.\"\n\\ts\\*\n\\p",
  "13": "Gô tameen apok athêêk xing plêêk, đaneq: \"Dayh vlơk apok neq: Xing neen kơơn atêq, vanoong ka manih leq kaxêêt tuôôy kaxêêt đom Lôôk.\" Yaak Plêêk xanooh: \"Jơq, xôq oot jah padơơy padoo klơlh kaluh parêq pơơl ku oot, vii kaluh varơuq oot dơơp hnoq tyauq oot.\"\n\\ts\\*\n\\p",
  "14": "Yôôych gô 'yo, ji hơq e muuyq đôônq kluuk koo. Măn tol kluuk laa kơyq nưq dang Koot Manih. Tol akoq Kadraq anhiil kađoat vuua bơơn mưh,ji adrơk muuyq poop laa haai xưưl đom tii.",
  "15": "Yôôych muuyq Kơy Hơu kadrơơy xing hnhư hơu hooy vlôh, kôt apok tayh Plêêk đong 'ngôôy tol kluuk: \"Vôôch dayh xok laa haaiq Kadraq đơu goch, vii muua goch tol vrii heq dôôp ji heq truh tuôôy pheq goch yôôych.\"",
  "16": "Nưq ji Plêêk 'ngôôy tol kluuk week laa haaiq Kadraq tol vrii, ji vrii biq goch.\n\n\\ts\\*\n\\p",
  "17": "Yôôych muuyq Kơy Hơu kadrơơy xinh hnhư hơu tol plêêk hooy vlôh; kơy neq kung e muuyq poop laa haaiq xưưl.",
  "18": "Wih e athêêp muuyq Kơy Hơu đnoyq xing paraa hơu hooy vlôh, laa kơy e da uuh qwuyen tol ôôlh, Kadraq tayh kôt Kơy Hơu e laa haaiq xưưl, đaneq: \"Dayh xok laa haaiq đơu goch xok kaluh chuumq nhoo xing kaluh ưưk nhoo 'lăălq vrii, vii nhoo neq heq dôôp.\"\n\n\\ts\\*",
  "19": "Nưq ji Kơy Hơu week laa haaiq pôôt vrii ji goch xok muua nhoo ka vrii, yôôych week ni muut thung lok kôt tôq daayh ku Kơy Plêêk.",
  "20": "Khơl drơơy joaq thung eep nhoo măn pii gôk theng ji vahaap đom thung ahngok vlôh yơơt truh moon ôôq ahleh, ranưh xangưưi 1.600 êêt-taa-đơơ.\n\n\\ts\\*"
}