See in Reader
24 lines
4.1 KiB
JSON
24 lines
4.1 KiB
JSON
{
|
|
"1": "Yôôch kơy yaak thưq dăp klôôp keen, yôôych gô hloq muuyq poop xlok xing plêêk heq klêh pôôt vari, ji gaay kaal raluk jaruq ku huuk leh e kalek heq jah kahniq ka ni.",
|
|
"2": "Ni luh raluk jaruq ku huuk leh e kalek vlôh, yôôych 'nhuuy xing raluk jaruq pool tok đaji 'nhuuy ku muuyq loo ôôlh kôt, ji mot hngơy kung ja uuh hơơy raay biq kamưưng hlê jo aduq 'nhuuy ku raluk jaruq neq.\n\\ts\\*",
|
|
"3": "Yôôch xing 'nhuuy nưq, bơơy lêêp pachaai vlôh tol vari, ji qwuyen jah kahniq ka bơơy lêêp dang đaji qwuyen proh ding dip e tol vari.",
|
|
"4": "Apok jah đnooy ka bơơy lêêp nưq laa bơơy lêêp leh dơơp hưư rek tol vari long kaluh ưk kaxeq long gaay gôk leq, đơu vơơ dơơp ra-ơh koot manih, laa khơl adro leh e dơuq ku Kơy Plêêk tol ngưưr oot.\n\n\\ts\\*",
|
|
"5": "Varơuq jah pahnap ka bơơy lêêp nưq laa ni leh ik păk kaxêêt oot, bơh oot hno biq dơơp ra-ơh đom dăp xiêk, ji đơơt dơơp ra-ơh tol oot dang đaji varơuq dơơp ra-ơh xing ding dip tuôôy ni đeet oot.",
|
|
"6": "Đom kaluh hngơy nưq, oot hno axek trôôk kaxêêt, bơh oot kajưk dik hno leh axek jah ni, ji oot hno trôôch kajoq jah kaxêêt, đơu varơuq kaxêêt yôôych chuh xangưưi klơlh oot.\n\\ts\\*",
|
|
"7": "Xăk ku bơơy lêêp dang đaji ôôq ahleh ralauq xôq vlôh tahmot. Tol akoq bơơy lêêp laa thưq kajoq nưq dang đoat tađnah đaji đôô bơơn vayang, măn mamưưt bơơy lêêp yôôych dang mamưưt manih.",
|
|
"8": "Bơơy lêêp e hlôôk đaji hlôôk khơl drê, ji kaneen oot yôôych dang đaji ku ôôq vomq.",
|
|
"9": "Bơơy lêêp e auu kanăk đơơ tadaa dang đaji auu kanăk bơơn mam, ji ahnưưm panưưl ku kaluh lêêp dang đaji hnưưm ku kaluh xee ôôq ahleh, ku 'ngưng poop ôôq ahleh đong chruuyh muut tahmot.\n\n\\ts\\*",
|
|
"10": "Bơơy lêêp e ahlooy dii nok đeet dang ding dip, ji paraat kalh ku ni đom kaluh ahlooy ni xôq dơơp ra-ơh khơl manih đom dăp xiêk.",
|
|
"11": "Bơơy lêêp e vuua măn tol oot laa kamuuych ku huuk leh e kalek. Anưng ni đom apok Hi-baaq-lai laa A-ba-đôôn, măn đom apok Hi-laap, ni e anưng laa A-bô-li-ôôn.\n\\p",
|
|
"12": "Đơơt pơơl dal thưq nhưk heq tapa. 'Yo hơơq! măn e vaar đơơt pơơl dal đnooyq đong truh atêq kaluh varơuq neq.\n\\ts\\*\n\\p",
|
|
"13": "Yôôch kơy yaak thưq drơu klôôp keen, ji gô tek muuyq apok đnooy vlôh xing kaluh akê ku para hơu bơơn vayang măn adrooyq kangưưr Kơy Plêêk,",
|
|
"14": "đnooy ka kơy yaak thưq drơu, laa kơy đong e poop keen: \"Dayh luh poot kơy yaak heq biq vek aduq daak kôt Ơ-phơ-raat .",
|
|
"15": "Nưq laa poot kơy yaak, laa khơl kơy heq jah ralauq xôq 'miêh muut jơq wat, hngơy, xiêk, xanưm nưq, jah luh vlôh xôq ka oot hno ik păk kaxêêt muuyq phoon pee koot manih.\n\\ts\\*",
|
|
"16": "Sôôq kuun acho ôôq ahleh laa vaar hreek waan; Gô heq tameen sôôq manih ku oot đanưq.",
|
|
"17": "Ji đom varơuq rama hloq, gô heq hloq bơơy ôôq ahleh ji khơl adro achoo tol ôôq hleh dang luneq - e auu kanăk đơơ tada phôôm dôôp, ji phôôm adriilh pariaq, kung phôôm drêêk ku lưưu hwiinh. Akoq kaluh ôôq ahleh neq yôôych dang đaji akoq ôôq vomq, xing huuy ni klôôp vlôh ôôlh, 'nhuuy ji lưưu hwiinh.\n\n\\ts\\*",
|
|
"18": "Muuyq phoon pee koot manih biq păk kaxêêt jo aduq pee pơơl dal neq, bơơn ôôlh, 'nhuuy, ji lưưu hwiinh phuun vlôh xing huuy oot.",
|
|
"19": "Vii paraat kalh ku bơơy ôôq ahleh laa măn aduq huuy ni ji aduq ahlooy ni - jo ahlooy ni dang đaji voolh e akoq, ji vii nưq ni dơơp xưưr xôôh khơl drơơy.\n\n\\ts\\*",
|
|
"20": "Phoon măn hlê ku manih araak, laa khơl adro kooq biq păk kaxêêt xing kaluh pơơl dal neq, heq leh wiit xuum truh kaluh varơuq dơơp ku ti oot xôq ka oot hno leh kuh kuul kamuuych kung kaluh vangưưl bơơn vayaang, baak, đôông, phơu, ji gaay - laa kaluh thưq be hno ik 'yo hloq long tameen tek long hooy ik.",
|
|
"21": "Oot kungh leh wiit xuum truh kaluh kadrôp păk kaxêêt manih, đơơp đok, puq atrăp paq ik, long kadrôp atôôk ku oot.\n\n\\ts\\*"
|
|
}
|