See in Reader
17 lines
2.9 KiB
JSON
17 lines
2.9 KiB
JSON
{
|
|
"1": "Yôôych gô hloq đom ti akoh ku Kơy 'ngôôy tol ngaai muuyq rahlap jơyq heq jah vlơk pi 'lăp kung ji pi gôk, jah kal kwat bơơn pơh hlêêl dơuq.",
|
|
"2": "Gô kungh hloq muuyq kơy yaak kalh paraat kôt apok đnooy: \"Kơyq xưnq đanq luh rahlap jơyq ji tơq kaluh dơuq kal kwat ku ni?”\n\n\\ts\\*",
|
|
"3": "Be e kơyq tol plêêk long 'lăălq vari long pi 'lăălq vari hno ik luh rahlap jơyq long 'yo muut ni.",
|
|
"4": "Nưq laa gô nhim ook vii leh e akơyq jah axek hloq laa xưnq đanq xôq luh rahlap jơyq long đok ni.",
|
|
"5": "Yôôch muuyq đom khơl draq đnooy dii gô: \"Te nhim. 'Yo hơơq! Ôôq Vomq, Kơy vlôh xing adrơơk Ju-đaa, Xamok ku Đa-vik, Kadraq heq jah jaay xôq luh rahlap jơyq kung pơh dơuq kal kwat ku ni.\"\n\n\\ts\\*",
|
|
"6": "Ji măn katuul ngaai kung poot poop ôôq, ji măn katuul khơl draq, gô hloq Trưưu Koot đong dưk, đaji heq biq păk kaxêêt, e pơh akê ji pơh kaloon mot, 'ngưq laa pơh yaak ku Kơy Plêêk jah patăk truh loch vari.",
|
|
"7": "Kadraq truh ji nhonq xok rahlap jơyq xing ti akoh ku Kơy 'ngôôy tol ngaai.\n\n\\ts\\*",
|
|
"8": "Tuôôy Kadraq heq nhonq xok rahlap jơyq, poot poop ôôq ji vaar kưl poot khơl draq kuul xăk pôôt adrooyq kangưưr Trưưu Koot, tôôy dro e muuyq poop varoo hak ji muuyq poop dooy bơơn vayang xôq viik kahlơu, 'ngưq laa kaluh apok apôôy ku khơl vah.\n\n\\ts\\*",
|
|
"9": "Oot kacheeu muuyq baai kacheeu đơơu, đaneq: \\q “Kadraq xưnq đanq nhonq xok rahlap jơyq\n\\q2 \nji luh kaluh dơuq kal kwat ku ni, \n\\q\nvii Kadraq heq biq păk kaxêêt ji xing vahaap kadraq, Kadraq root xuq ka Kơy Plêêk\n\\q2\nkhơl manih thuôôk tôôy adrơơk, apok athêêk, tamooi ji daak dêh.\n\\q",
|
|
"10": "Kadraq heq khienq oot jêêk vlôh muuyq daak dêh ji khơl thơy tơơk tưp ka Kơy Plêêk haay, \n\\q2\nji oot hno xakaq tol vari.”\n\n\\ts\\*\n\\m",
|
|
"11": "Yôôch gô 'yo hloq ji tameen xarooy ku 'ngưưng kơy yaak rawiit gah ngaai kung dii poot poop ôôq ji khơl draq, đơu dêq hloay sôôq ku oot laa karavơu ku karavơu kawaan ku kawaan,",
|
|
"12": "kung xarooy đnooy kôt: \\q2\n“Trưưu Koot heq biq păk kaxêêt, dik laa xưnq đanq xôq nhonq xok taay yaak, \\q\nkaroh e, khôôt xet, kalh paraat, vadoo, tađnah tađnaak, ji ayuuôt laat.”\n\n\\ts\\*\n\\p",
|
|
"13": "Yôôch gô tameen tôôy proh jah panưk jêêk tol plêêk, 'lăălq vari, pii 'lăălq vari, tol tahlii, ji tôôy kajoq đom oot, đnooy đaneq: \"Apôôy ka Kơy 'ngôôy tol ngôôi kung Trưưu Koot jah ayuuôt laat, vado, tađnah tađnaak, ji qwuyen paraat dong truh đơơy đơơy, miêk miêk.\"\n\\p",
|
|
"14": "Poot poop ôôq đnooy: “A-meen!” măn khơl draq kuul xăk pôôt ji kuh kuul.\n\\f +\\ft Muuyq sôôq rahlăăp hnu iaq đok: \\fqa vaar kưưl poot khơl draq kuul xăk pôôt ji kuh ayuuôt Kơyriilh đơơy đơơy, hloay hloay \\fqa*.\\f*\n\n\\ts\\*"
|
|
}
|