cor_2020_cua_clt_rev_book/rev/3.json

{
  "1": "“Dayh vlơk ka kơy yaak ku tayuup vah aduq Saak-đe, đaneq:\\p\n‘ Kơy e pơh yaak ku Kơy Plêêk ji pơh poop xlok xnoh luneq: \"Gô xet kaluh varơuq dơơp ku koot. Koot e ahlôôk laa riilh, đơu koot yôôych kaxêêt.",
  "2": "Dayh paroor 'yo ji dơơp ka kajưk kalh kaluh kajoq măn hlê, 'ngưq laa kaluh varơuq jeq kaxêêt, vii Gô kooq hloq kaluh varơuq dơơp ku koot jah pa'yôôch adrooyq kangưưr Kơy Plêêk ku Gô.\n\n\\ts\\*",
  "3": "Vii anưq, dayh vach hlê kaluh varơuq koot heq nhonq ji heq tameen. Dayh tameen tyauq đnư đơu wiit xuum yơu. Măn atoh koot leh paroor 'yo, Gô hno truh đaji adro atôôk, ji koot kajưk dik hno leh xet wat leq Gô truh tachơơl hlê koot.",
  "4": "Bơh, koot e taleq dro aduq Saak-đe, laa khơl adro heq leh dơơp a'moh auu oot, ji oot hno hooy kung dii Gô đom auu koo, vii oot taxưnq.\n\n\\ts\\*",
  "5": "Manih jah jaay hno jah hlưưp muut auu yơơt koo dang đaji nưq, Gô hno leh eh 'nhuôôt anưng adro nưq klơlh Rahlap Varơuq Riilh, ji Gô hno xưng anưng ku dro nưq adrooyq kangưưr Vaq Gô ji adrooyq kangưưr khơl kơy yaak Kadraq.\"",
  "6": "Kơyq e tôôr, dayh tameen apok Kơy Phool Hiel xnoh kung kaluh tayuup vah’.”\n\n\\ts\\*\n\\p",
  "7": "“Dayh vlơk ka kơy yaak ku tayuup vah aduq Phi-la-đen-phi-aa đaneq: \\q ‘ Kơy Vah, Kơy Dong Dik, \n\\q2 \nKơy adrơk jưư gaay kaal ku Đa-vik,\n\\q2 \nKơy luh yôôych leh e akơyq hno kađniip,\n\\q3 \nji kađniip yôôych leh e kơyq luh, xnoh luneq:\n\\p",
  "8": "“Gô xet kaluh varơuq dơơp ku koot ( 'Yo hơơq, Gô heq xôq adrooyq kangưưr koot muuyq 'mok ranưh đơu leh e kơyq e paraat kađniip ni), vii koot e axiit paraat, đơu koot heq tameen jư apok Gô, ji leh chôôyq ka'lăk yal Gô.\n\n\\ts\\*",
  "9": "'Yo nee, Gô hno khienq khơl adro thuôk hnhư tayuup ku Sa-taan, laa khơl adro kadih nhonq oot laa manih Jo Thaiq đơu leh aalq đanưq, bơh, oot vơơ laa đong đnooy pa ôôh - 'Yo hơơq, Gô hno khienq oot dơơp ka oot hno truh ji kuul apôôt aduq pi adrooyq jôôk koot, ji oot hno ik xet đaneq Gô xiaq koot.",
  "10": "Vii koot heq jư apok kajưk xuum ku Gô, vii anưq Gô kungh hno jư koot klơlh wat varơuq athưh jeq truh tol loch dêh araak, xôq thưh khơl adro đong riilh tol vari.",
  "11": "Gô đong truh kach thier talăng. Dayh jư kajưk varơuq koot e xôq be e kơyq hno ik xok hlơơp đoat tađnah ku koot.\n\n\\ts\\*",
  "12": "Adro leq jah jaay, Gô hno khienq adro nưq jêêk vlôh gok đom hnhư hơu ku Kơy Plêêk Gô. Adro nưq hno be dong leq vlôh klơlh đnư đnooyq, ji Gô hno vlơk tol adro nưq yal ku Kơy Plêêk Gô, anưng theng ku Kơy Plêêk Gô (  Jê-ru-sa-leem đơơu kahrii pôôt xing plêêk, xing aduq Kơy Plêêk ku Gô), ji yal đơơu ku Gô.\"",
  "13": "Akơyq e tôôr, dayh tameen apok Kơy Phool Hiel xnoh kung kaluh tayuup vah'.\"\n\n\\ts\\*\n\\p",
  "14": "“Dayh vlơk ka kơy yaak ku tayuup vah aduq Lao-đi-xêê, đaneq:\\p\n ‘ Kơy A-meen, Manih Xanưk đanq tuôq ji dong dik, Xarôp Dơơp varơuq panưk jêêk ku Kơy Plêêk xnoh luneq:",
  "15": "“Gô xet kaluh varơuq dơơp ku koot, đaneq koot leh jaleek, kungh leh tôq. Ưng kajoq koot jaleek raa vlôh jaleek long tôq raa vlôh tôq!",
  "16": "Nưq yôôych, vii koot hôôm hôôm - be tôq kung leh jaleek - vii anưq Gô jeq hăk koot vlôh klơlh huuy Gô.\n\n\\ts\\*",
  "17": "Vii koot đnooy đaneq: ' Gô karoh, gô heq yuôôl vlôh rah jôh, ji gô be e duh kajoq dêq. ' Bơh koot leh xet đaneq koot dik pơơl dal, tôôy rôôy, adrah, apuul ji lalok.",
  "18": "Gô ahmưk koot root xing aduq Gô vayang heq jah arieq đom ôôlh xôq koot yuôôl vlôh karoh e, root auu yơơt koo phook xôq koot hlưưp muut đơu leh măn kahnoq vlôh varơuq kamưưl vii varơuq lalok ku koot, ji root jarơu katoh mot xôq paraa mot ku koot xôq ka koot 'yo hloq ik.\n\n\\ts\\*",
  "19": "bơh Khơl adro đơu Gô xung xiaq, yôôych Gô atoah ji 'meq dook. Vii anưq, dayh talăng jăk ji wiit xuum yơu.",
  "20": "'Yo hơơq, Gô dưk ka 'mok ji pah. Atoh akơyq tameen xarooy Gô ji luh 'mok, yôôych Gô hno muut kung adro nưq, xa kawaal dii ni, ji ni dii Gô.\n\\ts\\*",
  "21": "Adro leq jah jaay, Gô hnoq ăm adro nưq 'ngôôy dii Gô tol ngaai Gô, đaji Gô kungh heq jah jaay ji 'ngôôy dii Vaq Gô tol ngaai Kadraq.",
  "22": "Kơyq e tôôr, dayh tameen apok Kơy Phool Hiel xnoh kung kaluh tayuup vah.”’”\n\n\\ts\\*"
}