cor_2020_cua_clt_rev_book/rev/21.json

{
  "1": "Atêq nưq, gô hloq plêêk đơơu ji vari đơơu, vii plêêk thưq yưk ji vari thưq yưk heq tapa hlơp, đơu tahlii yôôych paq măn đnooyq.",
  "2": "Yôôch gô hloq theng vah,'ngưq laa Jê-ru-sa-lem đơơu, pôôt xing aduq Kơy Plêêk tol plêêk, jah ralauq 'meq đaji muuyq amưưy tadi rayoaa deng ka kanơu ni.\n\\ts\\*",
  "3": "Gô tek muuyq apok đnooy kôt xing ngaai, đaneq: \"'Yo hơơq! Raap đơơ ku Kơy Plêêk măn kung koot manih, ji Kadraq hno riilh dii oot, ji oot hno laa tamooi Kadraq, ji jơq Kơy Plêêk hno măn dii oot.\n\\f +\\ft Muuyq sôôq rahlăăp athêêp: \\fqa đaji Kơy Plêêk ku oot, \\fqa* bơh kaluh rahlăăp đanq tuuôq dik be e apok neq.\\f*",
  "4": "Kadraq hno 'nhuôt dêq daak mot klơlh mot oot, ji varơuq kaxêêt hno paq măn đnooyq, kungh leh măn hlu rơu, long nhiim ook, long jiq jiêh. kaluh nưq hno paq măn đnooyq; vii kaluh varơuq adrooyq dik heq tapa yôôch.\n\\ts\\*",
  "5": "Yôôch Kơy 'ngôôy tol ngaai xnoh: \" 'Yo nee! Gô dơơp đơơu dêq hlê.\" Kadraq kungh đnooy dii gô: \" Dayh vlơk hlê vii kaluh apok neq laa đanq tuôq ji dong dik.\"",
  "6": "Kadraq kungh dach gô: \"Kaluh varơuq nưq heq pa'yôôch! Gô laa An-phaa ji Ô-mê-gaa, laa kapa tep ji lôôch dik. Manih leq thaal, Gô hno ăm hôôch hloh hloh xing alook daak varơuq riilh.\n\n\\ts\\*",
  "7": "Adro leq jaay hno jah nhonq kaluh varơuq neq, ji Gô hno laa Kơy Plêêk ku ni, măn ni hno laa koot Gô.",
  "8": "Bơh măn phoon khơl adro kamoo 'yôq, adro leh tuôq, adro thier ra'mêq, adro păk kaxêêt manih, adro puq atrap, adro dưk dơơp pheep, adro akuh vangưưl, kung khơl adro đnooy lar, yôôych aduq ku oot laa đom hlôôk jah vuh jaq bơơn ôôlh ji lưưu hwiinh, đơu nưq laa varơuq kaxêêt thưq vaar.\"\n\n\\ts\\*\n\\p",
  "9": "Yôôch muuyq đom pơh kơy yaak truh, laa xing khơl kơy e pơh poop dooy tađnưk viik pơh pơơl dal lôôch dik, ji kơy yaak nưq đnooy dii gô, đaneq: \"Dayh truh đneen, gô hno ăm ay hloq amưưy, kadrê ku Trưưu Koot.\"",
  "10": "Yôôch nưq, Kơy tawaay gô hooy đom Kơy Phool Hiel truh muuyq ngok đoot kôt ji yơơt, yôôch pato ka gô theng vah Jê-ru-sa-leem pôôt xing aduq Kơy Plêêk tol plêêk,\n\n\\ts\\*",
  "11": "e tađnah tađnaak ku Kơy Plêêk, kaveh tađnah tađnưưn ku theng dang đaji kuk phơu quyq, đaji ngok thaach aanh hlăng hlee dang pha lêê.",
  "12": "E apưưt kôt ji yơơt, e kưl vaar 'mok kôt kung kưl vaar kơy yaak aduq kaluh 'mok kôt, ji kaluh ơnơng jah vlơk tol 'mok kôt, đơu nưq laa ơnơng kưl vaar adrơơk ku khơl koot xaau I-sơ-ra-êl.",
  "13": "Pee 'mok kôt măn pi mot hngơy vlok, pee 'mok kôt măn pi băăk, pee 'mok kôt măn pi naam, ji pee 'mok kôt măn pii mot hngơy lôôp.\n\\ts\\*",
  "14": "Apưưt theng e kưl vaar poop kahnier, tol nưq laa kưl vaar ơnơng kưl vaar khơl jah rơơlh ku Trưưu Koot.",
  "15": "Kơy yaak đong đnooy dii gô e muuyq gaay woolh bơơn vayaang xôq kơy hno ik woolh theng, kaluh 'mok kôt theng ji apưưt theng.\n\n\\ts\\*",
  "16": "Theng jah panưk dơơp tyauq hinh vuuông; chiêu yơơt ku theng sađong chiêu ranưh ku theng. Kơy yaak nưq woolh theng dii gaay woolh, jah kưl vaar ravơu êt-ta-đơơ: chiêu yơơt, chiêu ranưh ji chiêu yơơt atok ku theng laa sađong mamuuyq.",
  "17": "Kadraq kungh woolh apưưt theng, ahmoon muuyq hreek poot kưl poot ku-đê tyauq gaay woolh ku koot manih ( đơu kungh laa ku kơy yaak).\n\n\\ts\\*",
  "18": "Kaluh thưq ku apưưt theng laa ngok thach aanh, măn theng phôôq yôôych bơơn vayaang ăăh, đaji ramiil hlăng hlee.",
  "19": "Kaluh kahnier ku apưưt theng jah dơơp bơơn đuu thưq phơu quyq. Kahnier thưq yưk laa ngok thach aanh, thưq vaar laa ngok bich, thưq pee laa ngok maah naoh, thưq poot laa ngok luk baoh,",
  "20": "thưq dăp laa hông maah naoh, thưq drơu laa phơu hoang ngok, thưq pơh laa ngok hoang bich, thưq thơơm laa ngok thiih thương, thưq xiit laa ngok hôông bich, thưq kưl laa ngok phih tiiq, thưq kưl muuyq laa ngok hôông bưuh, thưq kưl vaar laa ngok tưh bưuh.\n\n\\ts\\*",
  "21": "Kưl vaar 'mok kôt laa kưl vaar kalook chââu; đôôiq dii tôôy muuyq 'mok kôt yôôych jah dơơp xing muuyq kalook chââu i apop, măn trôôk kôt đom theng bơơn vayaang ăăh, dang ramiil hlăng hlee.",
  "22": "Gô leh hloq e hnhư hơu leq đom theng, vii Lôôk laa Kơy Plêêk, Kơy Taay Yaak kung Trưưu Koot laa hnhư hơu ku theng.\n\n\\ts\\*",
  "23": "Theng leh duh e mot hngơy long xiêk xôq a'nhee tađnah ka theng, vii tađnah tađnaak ku Kơy Plêêk a'nhee tađnah theng, măn gooy đeen ku theng laa Trưưu Koot.",
  "24": "Kaluh tamooi hno tawaak hooy gmưh xaraal tađnah ku theng nưq, ji khơl vuua tol vari tawaay tađnah tađnaak oot muut đnư.\n\\f + \\ft Muuyq sôôq rahlap hnu iaq đok: \\fqa Khơl tamooi heq jah wơơt hooy hlê gmưh xaraal tađnah ku theng nưq \\fqa. \\f*",
  "25": "Tôôy hngơy, kaluh 'mok kôt theng be dong leq biq kađnat, vii be e ka klôôy aduq nưq.\n\\ts\\*",
  "26": "Manih oot hno tawaay tađnah tađnaak ji varơuq vadoo ku kaluh daak dêh muut đnư,",
  "27": "đơu kaluh kajoq klơơl 'yêq long adro dơơp varơuq thier rê'mêq ji pa ôôh aluut hno leh eh jah muut đom theng , vơơ e khơl leq jah vlơk đom rahlap varơuq riilh ku Trưưu Koot.\n\\ts\\*"
}