See in Reader
18 lines
3.2 KiB
JSON
18 lines
3.2 KiB
JSON
{
|
|
"1": "Yôôch gô hloq muuyq kơy yaak kahrii pôôt xing plêêk, adrơk gaay kaal ku raluk leh e kaleek ji muuyq talơơy looy tooy kôt đom ti kơy.",
|
|
"2": "Kơy rôp xok ôôq vayaa, 'ngưq laa voolh hnuu, đơu nưq laa kamuuych, long Sa-taan, yôôch kal ni hlê đom muuyq ravơu xanưm.",
|
|
"3": "Kadraq taweek ni muut raluk be e kaleek, yôôch kađniip ji kal kwoat tol ni, xôq ni leh măn pa ôôh aluut kaluh daak dêh đnooyq dong truh tuôôy muuyq ravơu xanưm. jah pa'yôôch. Atêq nưq, ni phayh jah luh vlôh đom muuyq kawat lêq.\n\n\\ts\\*\n\\p",
|
|
"4": "Yôôch gô hloq kaluh ngaai kung khơl manih 'ngôôy tol nưq ji qwuyen xưh xadrah heq jah kahniq ka oot , kaah phool hiel ku khơl adro heq biq koh akoq vii dơơp xanưk ku Lôôk Jê-xu ji vii apok ku Kơy Plêêk, kung dii dêq hloay khơl adro leh kuh kuul ôôq long vangưưl ni, kungh lel nhonq dơuq hlêêl ku ni tol ngưưr long tol tii oot, oot riilh hlê ji dưk xakaq kung dii Lôôk Wơơt Dêh đom muuyq ravơu xanưm.\n\n\\ts\\*",
|
|
"5": "( Sôôq măn hlê đom khơl manih kaxêêt yôôych leh riilh hlê dong truh tuôôy heq dêq muuyq ravơu xanưm.) Nưq laa varơuq riilh hlê thưq yưk.",
|
|
"6": "Vanong hloay ji hlăng vah hloay ka adro leq e phoon đom varơuq riilh hlê thưq yưk! Varơuq kaxêêt yưk vaar be e qwuyen kajoq tol khơl manih nưq, đơu oot hno laa thơy tơơk tưp ku Kơy Plêêk ji ku Lôôk Wơơt Dêh, ji hno kung Kadraq dưk xakaq đom muuyq ravơu xanưm.\n\n\\ts\\*\n\\p",
|
|
"7": "Yôôch tuôôy muuyq ravơu xanưm jah pa'yôôch, Sa-taan hno jah luh klơlh aduq karuk ku ni,",
|
|
"8": "Yôôch ni hno hooy vlôh pa ôôh aluut kaluh daak dêh măn poot panưh tol vari, tamooi Gook ji tamooi Ma-gook - xôq anguk oot hlê ka varơuq tahmot. Biing kuun ku oot dang đaji choah tahlii.\n\n\\ts\\*",
|
|
"9": "Oot ka uua tok ranưh loch aduq tol vari ji dưk rawiit raap măn ku khơl vah kung theng xung xiaq, yôôch ôôlh kahrii pôôt xing plêêk ji vuh jaq oot.\n",
|
|
"10": "Yôôch kamuuych, adro pa ôôh aluut oot, biq taweek muut hlôôk ôôlh ji lưưu hwiinh, đơu ôôq kung hnhư hlit pa ôôh măn đom aduq nưq, ji oot hno biq jiq jiêh ka hngơy kung dii ka klôôy dong truh đơơy đơơy, miêk miêk.\n\\ts\\*\n\\p",
|
|
"11": "Yôôch nưq, gô hloq muuyq ngaai koo kôt ji Kơy 'ngôôy tol ngaai, vari ji plêêk xadăk klôônq klơlh varơuq e mot ku Kadraq, đơu be e aduq leq jah deng ka oot.",
|
|
"12": "Yôôch gô hloq khơl adro kaxêêt, kaah khơl kôt kung dii khơl de, dưk kangưưr ngaai, ji kaluh rahlap jah luh vlôh, yôôch muuyq rahlap kadrơơy jah luh vlôh, 'ngưq laa Rahlap Varơuq Riilh. Khơl kaxêêt biq xưh xadrah tyauq kaluh kajoq jah vlơk hlê đom kaluh rahlap nưq, tyauq tong kaluh varơuq dơơp ku oot.\n\n\\ts\\*",
|
|
"13": "Tahlii blaa hlê khơl adro kaxêêt 'lăălq tahlii, varơuq kaxêêt ji âm phuuh blaa hlê khơl adro kaxêêt aduq ni, ji tôôy muuyq adro biq xưh xadrah tyauq tong kaluh varơuq dơơp ku oot.",
|
|
"14": "Yôôch varơuq kaxêêt ji âm phuuh biq taweek muut hlôôk ôôlh. Neq laa varơuq kaxêêt yưk vaar - 'ngưq laa hlôôk ôôlh.",
|
|
"15": "Atoh adro leq biq 'yo hloq leh jah vlơk đom Rahlap Varơuq Riilh, yôôych adro nưq biq taweek muut hlôôk ôôlh.\n\n\\ts\\*"
|
|
}
|