cor_2020_cua_clt_rev_book/rev/2.json

{
  "1": "“Dayh vlơk ka kơy yaak ku tayuup vah aduq Ê-phê-sôô đaneq: ' Kơy adrơk pơh poop xlok đom ti akoh Kadraq, laa Kơy tawaak hooy măn katuul pơh jôôk đeen bơơn vayang, xnoh luneq:",
  "2": "“Gô xet kaluh varơuq dơơp ku koot, varơuq pơơl kung varơuq atuq xuum chiuq uônq ku koot, Gô kungh xet đaneq koot leh ik chiuq xôq adro xơơk. Koot heq athưh khơl adro kadih xưng laa khơl jah rơơlh đơu oot be aalq laa đanưq, ji koot heq 'yo xet oot laa pa ôôh lar;\n\n\\ts\\*",
  "3": "koot kungh e varơuq wêêt kajưk, ji heq chiuq pơơl vii kơq yal Gô đơu leh gleh glơơl.",
  "4": "Bơh, Gô e varơuq toaq koot, 'ngưq laa koot heq ka'lăk hlơp xuum xung xiaq kapatep ku koot.",
  "5": "Vii anưq, dayh văch hlê koot heq gưlh talaalh xing leq, dayh wiit xuum ji dơơp kaluh varơuq kapatep. Măn atoh lup, Gô hno truh dii koot ji Gô hno deep ka'lăk jôôk đeen ku koot klơlh aduq ni - atoh koot leh wiit xuum.\n\n\\ts\\*",
  "6": "Bơh koot e varơuq neq, 'ngưq laa koot yarơơ kaluh varơuq dơơp ku tayuup Ni-kô-laa, laa kaluh varơuq đơu Gô kungh yarơơ.",
  "7": "Kơyq e tôôr, dayh tameen apok Kơy Phool Hiel xnoh kung kaluh tayuup vah. Đôôyq dii manih jah jaay, Gô hno ăm ka manih nưq xa plaay vlôh xing ưưk varơuq riilh măn đom Ba-ra-đii ku Kơy Plêêk.\"\n\n\\ts\\*\n\\p",
  "8": "\"Dayh vlơk ka kơy yaak ku tayuup vah aduq Si-miêk-nơơ đaneq:' Kơy adrooyq dik ji lôôch dik, Kơy heq chiuq kaxêêt ji heq riilh hlê, Kadraq xnoh luneq:",
  "9": "\"Gô xet kaluh pơơl hwơơl ku koot ji varơuq adrah aduq koot ( đơu bơh, koot đong karoh e), kung apok đnooy pahniq truh xing khơl adro xưng jơq oot laa manih Jo Thaiq đơu oot be aalq, bơh laa hnhư tayuup ku Sa-taan.\n\n\\ts\\*",
  "10": "Te yôq kajoq dêq đôôyq dii kaluh varơuq đơu koot jeq phayh chiuq. 'Yo hơơq, kamuuych jeq taweek taleq dro đom khơl koot muut tuu xôq ka khơl koot biq athưh, ji khơl koot hno chiuq pơơl dal đom kưl hngơy. Dayh muuyq xuum dong truh kaxêêt, yôôch Gô hno kahniq ka koot đoat tađnah ku varơuq riilh.\"",
  "11": "Akơyq e tôôr, dayh tameen apok Kơy Phool Hiel xnoh kung kaluh tayuup vah. Manih jah jaay hno leh huq biq aleq xing varơuq kaxêêt yưk vaar.\"\n\n\\ts\\*\n\\p",
  "12": "“Dayh vlơk ka kơy yaak ku tayuup vah aduq Bet-găăm đaneq:' Kơy e poop xieh vaar plaa mưưl xưưr xnoh luneq:",
  "13": "“Gô xet aduq koot riilh, aduq nưq laa ngaai ku Sa-taan, đơu koot heq jư kajưk xok yal Gô, ji leh chôôyq ka'lăk xuum tuôq aduq Gô, hloay kaah đom kaluh hngơy ku An-ti-baa, manih xanưk ku Gô, manih muuyq xuum dii Gô, laa manih biq păk kaxêêt adrooyq kangưưr khơl koot, aduq đơu Sa-taan măn.\n\\ts\\*",
  "14": "Bơh, Gô e taleq varơuq toah koot, nưq laa kađnư, koot e taleq adro jư xok trôôk pato ku Ba-la-aam, laa adro heq pato Ba-laak xôq kuk phơu dơơp xatôôl jôôk adrooyq kangưưl koot xau I-sơ-ra-êl xôq xa tuuông heq đơơp ka vangưưl ji dơơp varơuq puq atrap.",
  "15": "tyauq kach dang đanưq, koot kungh e taleq dro jư xok varơuq pato daay ku tayuup Ni-kô-laa.\n\n\\ts\\*",
  "16": "Vii anưq, dayh wiit xuum juu! măn Atoh lup, Gô hno talăng jăk truh dii koot, ji hno hmot tagoa tachơơl dii oot bơơn xieh ku huuy Gô.",
  "17": "Akơyq e tôôr, dayh tameen apok Kơy Phool Hiel xnoh dii kaluh tayuup vah. Đôôyq dii manih jah jaay, Gô hno kahniq ka ni ma-naa kadook paduu, ji Gô hno kahniq ka ni muuyq kuk phơu koo đơu tol kuk phơu nưq, muuyq anưng đơơu heq jah vlơk. Laa anưng đơu be akơyq xet vơ e manih nhonq jah ni.\"\n\n\\ts\\*\n\\p",
  "18": "“Dayh vlơk ka kơy yaak ku tayuup vah aduq Thi-a-ti-rơơ đaneq: \\p\n‘ Koot Kơy Plêêk, Kơy e mot đaji gooy ôôlh ji jôôk đaji đôông tađnah, xnoh luneq:",
  "19": "“Gô xet kaluh varơuq dơơp ku koot, xung xiaq, xuum tuôq, hơu varơuq, kung xuum atuq kajưk ku koot, ji kaluh varơuq dơơp ku koot atêq neq măn glơh iaq kaluh varơuq tuôôy adrooyq.\n\n\\ts\\*",
  "20": "Bơh Gô e varơuq neq toah koot, nưq laa koot đong chiuq xôq mo Jê-sa-bêên, adro kadih nhonq ni laa mo hlit, ji ni pato daay kung adôô aluut khơl xapok ku Gô lôôp kadrôp apuq atrap ji xa tuôông đơơp vangưưl.",
  "21": "Gô heq ăm ka ni kawat xôq ni hno ik wiit xuum, đơu ni leh trôôch wiit xuum truh varơuq apuq atrap ku ni.\n\\ts\\*",
  "22": "Dayh 'yo nee! Gô hno taweek ni moq lêêt cha nưưng, ji khơl adro lôôp kadrôp apuq atrăp kung ni muut varơuq pơơl dal kôt, atoh oot leh wiit xuum truh kaluh varơuq dơơp ku ni.",
  "23": "Gô hno hmot khơl koot xau ni bơơn varơuq kaxêêt, yôôch dêq hloay kaluh tayuup vah hno xet aneq Gô laa Kơy 'yo hloq xuum klaak, ji Gô hno kahniq ka tôôy dro đom khơl koot tyauq tưng kaluh varơuq dơơp ku khơl koot.\n\n\\ts\\* ",
  "24": "Bơh Gô xnoh dii khơl koot, laa sôôq măn hlê đom khơl manih aduq Thi-a-ti-rơơ, dêq akơyq leh jư tyauq apok pato daay nưq, 'ngưq laa khơl adro leh xet kaluh varơuq jaruq ku Sa-taan, đaji muuyq sôôq adro taayh đanưq - Gô leh xôq pơq parêq leq đnooyq tol khơl koot.",
  "25": "Bơh, phayh jư kajưk xok kaluh kajoq khơl koot e dong truh tuôôy leq Gô truh.\n\\ts\\*\n\\m",
  "26": "Đôôyq dii manih jah jaay ji kưq jư xok kaluh varơuq dơơp ku Gô dong truh lôôch dik, yôôych Gô hno kahniq ka manih nưq e qwuyen tol kaluh daak dêh.\n\\q",
  "27": "‘ Adro nưq hno xakaq oot bơơn muuyq gaay katôôl mam, \n\\q\ndang đaji kaluh voo vari dôôp biq pôôh padah naat,’\n\\m",
  "28": "kungh đaji Gô heq nhonq jah qwuyen xing Vaq Gô, yôôych Gô hno kahniq ka adro nưq xlok maai.",
  "29": "Kơyq e tôôr, dayh tameen apok Kơy Phool Hiel xnoh kung kaluh tayuup vah.”\n\n\\ts\\*"
}