cor_2020_cua_clt_rev_book/rev/19.json

{
  "1": "Atêq kaluh varơuq nưq, gô tameen hnưưm dang đaji hnưưm đnooy kôt ku muuyq biing manih thier karôp tol plêêk, đaneq: \\q “Ha-lê-lu-ja! \n\\q \nVarơuq wơơt xok, tađnah tađnaak ji taay yaak thuôk xuq Kơy Plêêk haay,\n\\q2",
  "2": "vii kaluh varơuq xưh xadrah ku Kadraq laa dong dik ji hyioh jăk, \n\\q\nvii Kadraq heq xưh xadrah mo xakoah kôt\n\\q2\n'ngưq laa dro dơơp hưư va-ih vari bơơn katiik apuq atrap ku ni. \n\\q\nKadraq heq blaa hlê ka vahaap ku khơl xapok Kadraq\n\\q2\nxing ti ni.”\n\n\\ts\\*\n\\m",
  "3": "Yôôch oot đnooy yưk thưq vaar, đaneq: \\q \n“Ha-lê-lu-ja! \n\\q\n'Nhuuy xing aduq ni kưq pool tok dong truh đơơy đơơy, miêk miêk.”\n\\m",
  "4": "Vaar kưl poot khơl draq ji poot poop ôôq kuu xăk pôôt ji kuh kuul Kơy Plêêk, Kơy đong 'ngôôy tol ngaai, đaneq: \\q \n“A-meen. Ha-lê-lu-ja!”\n\n\\ts\\*\n\\m",
  "5": "Muuyq apok đnooy xing ngaai ahnaa vlôh, đaneq: \\q \n“Dayh kacheeu ayuuôt Kơy Plêêk haay, \n\\q2 \ndêq hloay khơl xapok Kadraq lơơy,\n\\q\nji khơl adro kuh 'yôq Kadraq, \n\\q2\nkhơl de kung ji khơl kôt!”\n\n\\ts\\*\n\\m",
  "6": "Yôôch gô tameen apok đnooy đaji hnưưm ku biing manih thier karôp,dang hnưưm ku 'ngưưng alook daak, ji dang đaji hnưưm kơy kata kalh, đaneq: \\q “Ha-lê-lu-ja! \n\\q\nVii Lôôk laa Kơy Plêêk ku haay, 'ngưq laa Kơy Taay Yaak, xakaq.\n\n\\ts\\*\n\\q",
  "7": "Haay dayh hlah hlaak, luh laak, \n\\q2 \nji tơơk tưp tađnah tađnaak tok Kadraq \n\\q\nvii lêêh pajêêt ku Trưưu Koot heq truh, \n\\q2\nji amưưy ku Kadraq heq ralauq xăk xôq 'miêh,\n\\q",
  "8": "varơuq jah kahniq ka amưưy nưq laa amưưy jah hlưưp auu bơơn vaayh laanh miim\n\\q2\ntađnah klưưng xarêh xaraat\" \\p (vii vaayh laanh miim laa kaluh varơuq hyioh jăk ku khơl vah).\n\n\\ts\\*\n\\p",
  "9": "Yôôch kơy yaak nưq đnooy dii gô: \"Dayh vlơk: Vanong ka khơl adro jah mơơy truh waal pajêêt Trưưu Koot.\" Kơy nưq kungh đnooy dii gô: \"Neq laa kaluh apok dong dik ku Kơy Plêêk.\"",
  "10": "Gô kuu pôôt aduq jôôk kơy yaak nưq xôq kuh kuul kơy, đơu kơy đnooy dii gô: \"Te dơơp anưq! Gô laa adro kung dơơp xapok đaji ay ji khơl oh ay ku ay, laa khơl adro e apok xanưk ku Lôôk Jê-xu. Dayh kuh kuul Kơy Plêêk, vii apok xanưk ku Lôôk Jê-xu laa phool hiel ku apok hlit.\"\n\n\\ts\\*\n\\p",
  "11": "Yôôch gô hloq plêêk luh vlôh, ji 'yo hơơq, muuyq poop ôôq ahleh koo, ji Kơy achoo tol ni jah taayh laa jưư apok ji dong dik, Kadraq xưh xadrah ji tahmot tyauq trôôk hyioh jăk.",
  "12": "Mot Kadraq đaji gooy ôôlh, 'ngưưng đoat tađnah tol akoq Kadraq, e muuyq yal jah vlơk đơu be akơyq xet ik vơơ e jơq Kadraq .",
  "13": "Kadraq hlưưp muuyq auu kot keet 'nharuuk đom vahaap, ji yal Kadraq jah taayh laa Apok ku Kơy Plêêk.\n\n\\ts\\*",
  "14": "Kaluh biing kuun tol plêêk hooy tyauq Kadraq tol ôôq ahleh koo, hlưưp vaayh laanh miim koo ji xarêh xaraat.",
  "15": "Muuyq poop xieh thier mưưr vlôh xing huuy Kadraq, xôq dii ni Kadraq hmot kaluh daak dêh, yôôch Kadraq hno xakaq oot bơơn gaay katôôlh mam, ji Kadraq joaq wo ranieq lok tađnưưk đơơt tôq jaraq rahưưk rahưưk ku Kơy Plêêk, Kơy Taay Yaak.",
  "16": "Kadraq e muuyq yal jah vlơk tol auu koot kek ji tol kataalh Kadraq: \"Vuua ku khơl vuua ji Lôôk ku khơl lôôk.\"\n\n\\ts\\*\n\\p",
  "17": "Yôôch gô hloq muuyq kơy yaak dưk đom mot hngơy, ji kơy nưq taayh tok dii muuyq apok kôt, đnooy kung dêq hloay kaluh proh xêêp đong pool tol plêêk, đaneq: \"Dayh truh đneen, dayh anguk hlê ka waal xa kôt ku Kơy Plêêk,",
  "18": "xôq xa hleek khơl vuua, hleek khơl padrok kôt, hleek khơl adro kôk kalh, hleek kaluh ôôq ahleh ji kuun achoo tol ni, kung dii hleek ku khơl manih, kaah rayơh rayơơy ji xapok, kaah oh de ji khơl kôt.\"\n\n\\ts\\*\n\\p",
  "19": "Atêq nưq, gô hloq ôôq ji khơl vuua tol vari kung biing kuun ku oot jah anguk tagumq hlê xôq tagay tahmot dii Kơy achoo tol ôôq ahleh ji dii biing kuun ku Kadraq.",
  "20": "Yôôch ôôq biq rôp, kung dii ni laa adro hlit pa ôôh, adro dưk dơơp adrooyq kangưưr ni kaluh dơuq akêh, gmưh đnư đơu ni pa ôôh aluut khơl adro heq nhonq dơuq ku ôôq ji khơl adro kuh kuul vangưưl ni. Dêq baalq tuôôy đong riilh biq taweek muut hlôôk ôôlh jah vuh jaq dii lưưu hwiinh.\n\n\\ts\\*",
  "21": "Sôôq măn hlê đom biing oot yôôych biq păk kaxêêt xing xieh ku Kơy achoo tol ôôq ahleh, 'ngưq laa xieh vlôh xing huuy Kadraq, ji dêq hloay kaluh xêêp jah phiq phơh xing hleek biing oot.\n\n\\ts\\*"
}