cor_2020_cua_clt_rev_book/rev/18.json

{
  "1": "Atêq kaluh varơuq nưq gô hloq muuyq kơy yaak kadrơơy kahrii pôôt xing plêêk, e da uuh qwuyen thier kôt, ji vari jah xaraar tađnah xing tađnah tađnaak ku kơy ni.",
  "2": "Dii apok đnooy thier da uuh, kơy yaak nưq taayh kôt, đaneq: \\q “Ba-by-lôôn kôt hrưưp pôôt yôôch! \n\\q2 \nNi heq jêêk vlôh aduq măn ku kaluh kamuuych, \n\\q\naduq paduu ku kaluh gruxii xauq yêq, \n\\q2\nji aduq paduu ku kaluh proh xêêp a'moh 'nhơơy, thier ramêq.\n\\f +\\ft  Muuyq sôôq rahlăăp đok: \\i hrưưp lalaak yôôych, hrưưp lalaak yôôych \\fqa*.\n\\q",
  "3": "Vii dêq hloay kaluh daak dêh heq vuul weel vii lok tôq jaraq truh varơuq puq atrap ku ni. \n\\q2 \nKhơl vuua tol vari heq lôôp kadrôp puq atrap dii ni. \n\\q\nKhơl tabôôt xa tol vari heq karoh tok gmưh paraat kalh aduq đơơy riilh xa agưt ku ni.”\n\n\\ts\\*\n\\q",
  "4": "Yôôch gô tameen muuyq apok kadrơơy xing plêêk xnoh: \\q2  “Tamooi gô lơơy, dayh vlôh klơlh ni, \n\\q3\nxôq khơl koot klơlh tajinq muut kaluh kadrôp maroh ku ni, \n\\q2\nji xôq khơl koot klơlh phayh chiuq aduq kaluh pơơl dal ku ni.\n\\q",
  "5": "Vii kadrôp ku ni heq pahloot tok truh kon plêêk, \n\\q2 \nji Kơy Plêêk heq văch hlê kaluh varơuq dơơp xơk aak ku ni.\n\\q",
  "6": "Dayh dơơp dii ni kungh đaji ni heq dơơp, \n\\q2 \nji dayh blaa hlê gââp vaar yưk, 'ngưưng gââp vaar tyauq kaluh varơuq dơơp ku ni; \n\\q2\nđom dooy đơu ni heq aluq, dayh aluq ka ni 'ngưưng gôôp vaar.\n\n\\ts\\*\n\\q",
  "7": "Ni heq kadih 'yo tơơk ni ji riilh xa agưt đaleq,\n\\q2\nyôôych dayh ăm ka ni varơuq jiq jiêh ji hluu rơu đanưq. \n\\q\nVii ni đnooy đom xuum ni, đaneq: \\q2 ‘Gô 'ngôôy đaji muuyq mo vuua, \n\\q\ngô leh aalq laa mo valơu, \n\\q2\nji gô hno be e hmưq dơơp varơuq nhim aloo.’\n\\q",
  "8": "Vii kơq nưq, đom muuyq hngơy, kaluh pơơl dal ku ni hno ka ôôp truh: \n\\q2\nkaxêêt hlơơp, aloo nhim, pangoot hrah, \n\\q\nji ni hno biq vuh ka'lăk bơơn ôôlh, \n\\q2\nvii Lôôk laa Kơy Plêêk, Kơy xưh xadrah ni, laa Kơy Taay Yaak.\"\n\\ts\\*\n\\m",
  "9": "Khơl vuua tol vari, laa khơl adro lôôp kadrôp apuq atrap ji riilh xa agưt dii ni, hno nhim aloo ji aloo ook truh ni tuôôy oot hloq 'nhuuy vuh jaq ni,",
  "10": "Tuôôy dưk kach xangưưi vii varaar 'yôq varơuq hmot dook ku ni, đnooy: : \\q “Ra ơơh, ra ơơh \n\\q2\nka theng kôt, Ba-by-lôôn, theng thier paraat kalh! \n\\q\nVii đom muuyq wat, varơuq xưh xadrah may heq truh.”\n\n\\ts\\*\n\\m",
  "11": "Yôôch khơl tabôôt xa tol vari nhim ook ji hlu rơu ka ni, vii paq măn akơyq root kaluh đôô ku oot đnooyq -",
  "12": "đôô bơơn vayaang, baak, phơu quyq, ngok chââu, vaayh laanh miim, vaayh tiaq, luuaq laa, vaayh dôôp lơơkq, ji kaluh thưq gaay kahlơu, kaluh đôô bơơn ngaa ôôq kông, kaluh đôô bơơn gaay thier quyq, bơơn đôông, bơơn mam, bơơn kââmh thach,",
  "13": "kung quêq, bôôt pa nhưưm, 'nhuuy kahlơu, jarơơu paraa, kahlơu, lok, jơu, bôôt qwaay miim, vaa aqwaay, kapiêu boo, trưưu kưưu, ôô ahleh ji xee, kung xapok ji phool hiel khơl drơơy.\n\n\\ts\\*",
  "14": "\"Raak plaay ku ni, varơuq ươk trôôch ku phool hiel, heq chuh xangưưi klơlh ni, kaluh varơuq karoh e ji tađnah tađnưưn heq biq hlơp klơlh ni, ji oot hno be hlơu jah axek hloq đnooyq.\"\n\n\\ts\\*",
  "15": "Khơl tabôôt xa ku kaluh thưq đôô neq, laa khơl adro heq jêêk vlôh karoh e, hno dưk xing xangưưi klơlh ni, aloo nhim ji hlu rơu vii yôq varơuq jiq jiêh ku ni,\n\\m",
  "16": "đaneq: \\q “ Paraa ơơh, paraa ơơh ka theng kôt\n\\q2 \nhmưq hlưưp vaayh laanh miim, \n\\q3 \nvaayh tiaq, vaayh dôôp rưưk, \n\\q2 \nji jah tadi rayoaa bơơn vayaang, \n\\q3 \nphơu quiq, ngok chââu,\n\\q2",
  "17": "vii đom muuyq wat, varơuq karoh e kôt glơh đanưq biq vuh ka'lăk.\n\\p\ntôôy khơl chrơơk taau, tôôy manih hooy taau truh aduq leq nưq, khơl dơơp varơuq đom taau, kung khơl adro riilh bơơn varơuq hooy tahlii raay dưk xing xangưưi,\n\n\\ts\\*\n\\m",
  "18": "ji aloo ook tuôôy 'yo hloq 'nhuuy vuh jaq ku ni, đaneq: \"Theng leq đaji theng kôt nưq?\"",
  "19": "Oot paraai thuul vari tok akoq oot ji alo ook, nhiim tarook, hlu rơu, đaneq: \\q “ Paraa ơơh, paraa ơơh theng kôt, \n\\q2 \naduq đơu tôôy manih đom ni e taau gee \n\\q2\ntol tahlii heq jêêk vlôh karoh e gmưh gruh anôôp ni, \n\\q \nvii đom muuyq wat, ni heq biq pahyaak hlơơp.”\n\\q",
  "20": "(“Dayh hlah hlaak truh ni, lơơy plêêk, \n\\q2\nkung khơl vah, khơl jah rơơlh ji hnhư hlit, \n\\q\nvii Kơy Plêêk heq đnooy vlôh varơuq xưh xadrah ku oh ay đôôiq dii ni!”)\n\n\\ts\\*\n\\p",
  "21": "Yôôch muuyq kơy yaak paraat kalh tơơk kuk phơu dang đaji apal kôt ji taweek pôôt tahlii, đnooy: \\q\n“Tyauq kach neq, theng kôt Ba-by-lôôn \\qq2\nhno biq taweek kalh pôôt, \\q2\nji hno paq măn jah 'yo hloq đnooyq,\n\\q",
  "22": "hnưưm manih varayh varo haak, agưt nhaak, \n\\q3 \nadro klôôp taliaq, ji manih klôôp keen hno leh hlơu tameen tek aduq may đnooyq,\n\\q2 \ntôôy adro thơơq rơơt ti hno paq măn jah axek hloq aduq may đnooyq,  \n\\q2\nhnưưm apal hno leh hlơu tameen tek aduq may đnooyq,\n\n\\ts\\*\n\\q",
  "23": "Xaraar tađnah đeen\n\\q2\nhno paq măn a'nhee tađnah aduq may đnooyq, \n\\q2\napok ok ji amưưy hno paq hlơu tameen tek aduq may đnooyq, \n\\q\nvii khơl tabôôt xa ku may laa khơl adro e qwuyen kôt tol vari, \n\\q2\nvii tôôy daak dêh heq biq pa ôôh aluut xing đơơp pheep ku may.\n\\q",
  "24": "Vahaap ku khơl hlit kung khơl vah,\n\\q2\nji ku dêq hloay khơl adro heq biq păk kaxêêt tol vari heq jah axek hloq aduq ni.\"\n\n\\ts\\*"
}