See in Reader
21 lines
3.6 KiB
JSON
21 lines
3.6 KiB
JSON
{
|
|
"1": "Yôôch muuyq đom pơh kơy yaak adrơk pơh poop dooy, hooy truh ji đnooy dii gô, đaneq: \"Truh đneen nee, gô hno ăm ay hloq varơuq xưh xadrah mo xakoah kôt đong 'ngôôi tol 'ngưưng alook daak,",
|
|
"2": "đơu kung dii ni, khơl vuua tol vari heq lôôp kadrôp apuq atrap, măn manih karôp tol vari yôôych vuul weel vii lok apuq atrap ku ni.\"\n\n\\ts\\*",
|
|
"3": "Kơy nưq xagook gô hooy đom Kơy Phool Hiel truh muuyq aduq wăng we, yôôch gô hloq muuyq adro khơl kadrê 'ngôôy tol ôôq phôôm dôôp rưưk, e viik kaluh yal taayh katơk dalơh, e pơh poop akoq ji kưl poop akêê.",
|
|
"4": "Mưư nưq yôôych hlưưp qwuân auu phôôm tiaq ji dôôp rưưk, jah tadii rayoaa dii vayaang, phơu quyq, ji kalook chââu, tol ti ni đong adrơk muuyq dooy bơơn vayaang viik kaluh thưq ramêq ji kaluh varơuq klơơl 'yêq xing varơuq apuq atrap ku ni,",
|
|
"5": "măn tol ngưưr ni jah vlơk muuyq yal xưưng: Ba-by-lôôn kadook kadưp kôt glơh, miq ku biing tale xakoah ji kaluh thưq ramêq ku vari.\"\n\\ts\\*",
|
|
"6": "Yôôch gô hloq mưư nưq đong vuul weel dii vahaap ku khơl vah ji dii vahaap khơl manih dơơp xanưk ku Lôôk Jê-xu, đơu atêq tuôôy 'yo hloq mưư nưq, gô thier akêh dii varơuq dong hưnh paq ik.",
|
|
"7": "Kơy yaak đnooy dii gô: \"Vii aleq ay dong hưnh? Gô hno đnooy ka ay truh varơuq kadook ku khơl kadrê ji ku ôôq đong achoo mưư nưq, 'ngưq laa ôôq e pơh poop akoq ji kưl poop akê.\n\n\\ts\\*",
|
|
"8": "Ôôq đơu ay hloq adrooyq heq e, juneq leh e, đơu laaiq jeq hooy tok xing huuk leh e kaleek, yôôych ni hno hooy truh aduq kaxêêt hlơơp, măn koot manih tol vari, đơu anưng oot leh jah vlơk đom Rahlap Varơuq Riilh xing tuôôy panưk jêêk plêêk vari, hno dong hưnh tuôôy 'yo hloq ôôq vii adrooyq heq e, juneq leh e, yôôch hno truh.\n\n\\ts\\*",
|
|
"9": "Tuôôy xuum biit e varơuq khôôt xet đom varơuq neq: Pơh poop akoq laa pơh ngok đoot, aduq mưư hơơq 'ngôôy tol oot, ji oot laa pơh adro vuua;",
|
|
"10": "dăp vuua heq hrưưp, muuyq vuua đong măn e, ji muuyq vuua kadrơy măn kooq lup truh. Ji tuôôy ni truh, ni vơơ măn hlê đom muuyq kawat lêq.\n\n\\ts\\*",
|
|
"11": "Ôôq adrooyq heq e đơu juneq leh e, yôôych jơq ni laa adro vuua thưq thơơm; đơu ni thuôk axuq pơh vuua hơơq, ji đong hooy truh aduq kaxêêt hlơơp.\n\\ts\\*",
|
|
"12": "Kưl poop akê đơu ay hloq laa kưl adro vuua, khơl adro kooq nhonq jah daak dêh, bơh oot hno nhonq jah qwuyen dơơp vuua đom muuyq wat kung dii ôôq.",
|
|
"13": "Khơl vuua neq e kung muuyq xuum biit, ji oot ăm paraat kalh kung da uuh qwuyen ku oot ka ôôq.",
|
|
"14": "Oot hno tagay tahmot dii Trưưu koot, yôôch Trưưu Koot hno jaay iaq oot vii Kadraq laa Lôôk ku khơl lôôk, Vuua ku khơl vuua - ji kung dii Kadraq laa khơl adro jah tawoyh taayh, jah rơơlh xok, ji muuyq xuum.\"\n\n\\ts\\*",
|
|
"15": "Kơy yaak đnooy dii gô: \"Kaluh alook daak đơu ay hloq, aduq đơu mưư xakoah đong 'ngôôy, laa kaluh tamooi, khơl manih karôp, kaluh daak dêh ji kaluh apok athêêk.\n\n\\ts\\*",
|
|
"16": "Kưl poop akê đơu ay hloq, kung ôôq - oot hno geet yarơơ mưư xakoah nưq, yôôch oot hno dơơp ni biq vrooh xok ji lalôk, oot hno xa luuôt hleek ni, ji hno vuh ka'lăk ni bơơn ôôlh,",
|
|
"17": "vii Kơy Plêêk heq ăm xôq muut xuum oot xôq dơơp iq đinq ku Kadraq, xôq dơơp muuyq iq đinq, ji xôq ăm daak dêh oot ka ôôq dong truh tuôôy kaluh apok ku Kơy Plêêk hno jah jêêk yuôôl dêq hoay.\n\n\\ts\\*",
|
|
"18": "Manih kadrê đơu ay hloq laa theng kôt e qwuyen xakaq tol khơl vuua ku vari.\"\n\n\\ts\\*"
|
|
}
|