See in Reader
33 lines
4.5 KiB
JSON
33 lines
4.5 KiB
JSON
{
|
|
"1": "Nưq, atoh đom Kơy Krist e varơuq rôôk tok, atoh e varơuq adôô bơh xung xiaq, atoh e varơuq 'ngôôy hlê đơu mamuuyq đom Yaak Kơy Plêêk, atoh e xuum xung xiaq ji varơuq be huq ka oh ay,",
|
|
"2": "yôôych oh ay dayh tyauq muuuyq xuum, tyuaq muuyq xuum xung xiaq, taguumq muuyq đom Yaak Kơy Plêêk, ji wih kon muuyq xuum biit, xôq dơơp hlah hlaak di gô jah sleep. \n\n\\ts\\*",
|
|
"3": "Te dơơp varơuq ka joq vii xuum kamuk long tyauq tơơk dalơh. Bơh đa nưq, dayh apôôt xak, dayh 'yoo khơl drơy yơu glơh iaq ka xak.",
|
|
"4": "Tôôy dro đom oh ay te xet truh ka xak đêh đêh, bơh phayh biit truh ka khơl drơy rơy.\n\n\\ts\\*",
|
|
"5": "Dayh e xuum biit daang ji Kơy Jê-xu Krist.\n\\q ",
|
|
"6": "Nưq đom Kadraq e long lơuq Kơy Plêêk, bơh lay leh 'yoo xak xađong đơu Kơy Plêêk ji varơuq duh phayh vook xok.",
|
|
"7": "Wih hlê nưq, Kadraq tưq dơơp ka xak vlôh hoon tuôôy hlưp xok xak xmơk daang ji dro xpok, yôôych jah pa iir vlôh đa ji koot manih, đom xak xmơk đa ji koot manih, \n\\q ",
|
|
"8": "Kadraq heq apôôt xak kadih ji tameen tyauq dong truh tuôôy kaxêêt, long e kaxêêt tơl gaay chrăk.\n\n\\ts\\*\n\\q ",
|
|
"9": "Yôôych nưq, Kơy Plêêk heq tơơk Kadraq tok thier yơơt ji kahniq ăm ka Kadraq yal kôôt glơh iaq kaluh yal.",
|
|
"10": "Kadraq dơơp đa nưq xôq đom yal Lôôk Jê-xu, kaluh takuul di khơl tơl plêêk, 'laalq vri ji đom vri, phayh kul pôôt,",
|
|
"11": "ji kaluh huuy kung phayh taayh Kơy Jê-xu Krist ji Lôôk, tơơt tưp tađnah tađaak ka Kơy Vaq Plêêk.\n\n\\ts\\*\n\\p ",
|
|
"12": "Yôôych nưq, 'wơy oh ay xung xiaq, đa ji oh ay hloay tameen apok, leh aalq tuôôy gô e mot heq, bơh ju neq măn glơh iaq nưq đnooyq tuôôy gô be e mot, yôôych oh ay kung dayh padrau yôq đơu dơơp ik varơuq wơơt xaloot xak.",
|
|
"13": "nưq ji Kơy Plêêk đong arơơk xuum đom oh ay, xôq oh ay vơ trôôt vơ dơơp tyauq iq kaxaay di Kadraq.\n\n\\ts\\*",
|
|
"14": "Dayh dơơp kaluh varơuq, te chônq nenq long tayaat ka joq.",
|
|
"15": "xôq tuôôy katul muuyq adrơơk xơk tauq ji xa agưưt vuul wel, oh ay vlôh jêêk koot xau kaxaay tamaq, paxarêh, be e aduq leq đnooyq ik di Kơy Plêêk, ka đnư oh ay hnoq ahnhe tađnah đaji kaluh jarit tađnah đom dêh araak neq.",
|
|
"16": "Dayh adrơk ka jưk apok Kơy Plêêk xôq đom hngơy di Kơy Krist, gô đơu ik kahnoq aneq gô heq leh chrơk hloh long dơơp ka'lăk kôông.\n\n\\ts\\*",
|
|
"17": "Bơh long gô phayh xok vahaap xôq klit tơl kuua lêh ji tơơk tưp xuum tuuôq oh ay, nưq gô kung hlah xuum, ji hlah hlaak đơu dêq hloay oh ay.",
|
|
"18": "Kung anưq, oh ay dayh hlah hlaak, ji kung hlah hlaak đơu gô.\n\\ts\\*\n\\p",
|
|
"19": "Đom Lôôk Jê-xu, gô trôôn hnoq dayh patăk Ti-môô-thêê truh hlơq oh ay, xôq gô kung jah ahyơơl xuum tuôôy xet hêêl di oh ay.",
|
|
"20": "Vii gô paq măn e kơyq e muuyq xuum đa ji Ti-môô-thêê, dêq xuum biit truh oh ay.",
|
|
"21": "Kơyq kung axek tyauq kaluh kaxaay tamaq đêh di xak nưq be axek kaluh varơuq kuua Kơy Jê-xu Krist.\n\\ts\\*",
|
|
"22": "Bơh oh ay xet varơuq muuyq xuum di Ti-môô-thêê, vii Ti-môô-thêê heq ji gô dơơp varơuq Hêêl Kaxaay, daang ji vaq đơu koot.",
|
|
"23": "Đa nưq gô biit e hnoq patăk ay nưq hooy meel hloay tuôôy gô xet jah varơuq dơơp di gô hnoq đa leq.",
|
|
"24": "Bơh gô e xuum tuuôq ka jưk đom Lôôk aneq neq gô kung hnoq dayh truh hlơq oh ay.\n\\ts\\*",
|
|
"25": "Gô biit phayh duh hooy ataq Eep-baa-lôô-điich hlê ka oh ay. Ay nưq ji oh ay gô, dro dơơp varơuq đơu gô, ji chiên huữ, kung ji xpok xing oh ay baalq ji manih ăm đuu kaluh varơuq duh e ka gô.",
|
|
"26": "Bơh Ay nưq trôôt tavơh hlê dêq hloay oh ay, ji ay nưq kung thier hlu xuum vii oh ay tek hêêl ni jiq.",
|
|
"27": "Bơh jơq ay nưq jiq xung kaxêêt. Nưq Kơy Plêêk heq angơuq ay nưq, ji leh aalq vơ muuyq dro ay nưq heq, măn gô đnooyq, xôq gô be huq hlu xuum măn hlu xuum đnooyq.\n\n\\ts\\*",
|
|
"28": "Đa nưq, nưq bơh thier trôôt tavơh oh ay gô đơu patăk ay nưq hooy, xôq tuôôy oh ay tavơh hlê ay nưq, oh ay jah hlah hlaak, yôôych gô kung axich hlu xuum.",
|
|
"29": "Yôôych nưq dayh kawoyh taayh ay nưq đom Lôôk ji dêq xuum hlah hlaak, ji phayh e xuum ka khơl đa ji ay nưq.",
|
|
"30": "Nưq jo dơơp varơuq Lôôk muuyq xich traa ay nưq piaa kaxêêt. Ay nưq paq yôq kaxêêt ka xak xôq dơơp varơuq gô ji dơơp kaluh varơuq oh ay leh ik dơơp ka gô.\n\n\\ts\\*"
|
|
}
|