See in Reader
33 lines
4.8 KiB
JSON
33 lines
4.8 KiB
JSON
{
|
|
"1": "Vii anưq, atoh đom Lôôk Wơơt Dêh e varơuq ahmưưk nhăk leq, atoh e varơuq adôô adeng leq xing xuum xung xiaq, atoh e varơuq thôông kôông leq đom Kơy Phool Hiel, atoh e xuum xiaq trôôch ji varơuq angơuq leq,",
|
|
"2": "yôôych dayh dơơp xaleep xuum hlah hlaak ku gô, nưq laa oh ay e kung xuum biit, tuôôy e kung xuum xung xiaq, kung muuyq đom danưng kooy, biit truh kung muuyq trôôk. \n\\ts\\*",
|
|
"3": "Leh dơơp varơuq kajoq vii xuum kamuk long vii katơơk dalơh hư hlơơp, bơh, dii xuum apôôt xăk, 'yo khơl drơơy vadoo iaq xăk,",
|
|
"4": "tôôy muuyq adro leh vơ tabôông truh kwuyên lơơyq ku đêh ni, bơh măn kwuyên lơơyq ku khơl kadrơy đnooyq.\n\\ts\\* ",
|
|
"5": "Dayh e xuum biit đanưq đom oh ay, kungh laa xuum biit đom Lôôk Wơơt Dêh Jê-Xu, \n\\q ",
|
|
"6": "laa Kơy rama vlôh đom long lơuq Kơy Plêêk, heq leh 'yo varơuq duh phayh jư xok laa varơuq xađong dii Kơy Plêêk.",
|
|
"7": "Tađôôy muut đnư, Kadraq heq dơơp kadih ka Kadraq vlôh hoong heeng tuôôy hlưp xok xăk xamơơk manih xapok, jah pa iir vlôh đom long lơuq dang đaji koot manih, ji jah 'yo hloq đom kaphook đaji muuyq koot manih, \n\\q ",
|
|
"8": "Kadraq heq kadih haaq xăk pôôt tuôôy chiuq tameen tyauq dong truh kaxêêt, tabơh kaxêêt tol gaay chrăk.\n\n\\ts\\*\n\\q ",
|
|
"9": "Vii nưq, Kơy Plêêk kungh heq vanê Kadraq tok thier yơơt ji heq kahniq ka Kadraq yal tol tôôy yal,",
|
|
"10": "xôq ka tameen truh yal Lôôk Jê-xu, kaluh takuul tol plêêk, 'laalq vari, pii 'laalq vari, phayh kul pôôt,",
|
|
"11": "ji tôôy kapiek raay xưưng nhonq đaneq Lôôk Wơơt Dêh Jê-xu laa Lôôk, đom tađnah tađnaak thuôôk Kơy Plêêk, laa Vaq.\n\n\\ts\\*\n\\p ",
|
|
"12": "Vii anưq, khơl oh ay xung xiaq ku gô lơơy, tyauq đaji kach oh ay heq hloay tameen apok, tuôôy leh vơơ măn đom varơuq e mot ku gô, đơu juneq kang 'ngưưng iaq đom varơuq leh e mot ku gô, oh ay dayh kưq dơơp tyauq vanong wơơt xok ku oh ay dii varơuq kuh yôq ji padrau.",
|
|
"13": "Vii Kơy Plêêk laa Kơy đong dưk dơơp đom oh ay xôq nhăp trôôch nhăp dơơp tyauq iq kaxaay ku Kadraq.\n\n\\ts\\*",
|
|
"14": "Dayh dơơp tôôy varơuq đơu leh ramooi long takaay tayaat.",
|
|
"15": "xôq oh ay jah jêêk vlôh khơl adro koot leh e aduq đnooy ik ji xarêh xaraat ku Kơy Plêêk, be e hlêêl tachoot măn katuul đom muuyq adrơơk xơk tauq ji vuul wel, đơu aduq nưq oh ay ahnhe tađnah đaji kaluh đeen đom dêh araak,",
|
|
"16": "Dayh jưư kajưk apok varơuq riilh, vii varơuq akhwoe ku gô đom hngơy ku Lôôk Wơơt Dêh nưq laa gô heq leh chrơơk đom hlo hloh, kungh leh dơơp gleh glal kach hlo hloh.\n\n\\ts\\*",
|
|
"17": "Bơh đanưq ju gô biq uuk vahaap vlôh xôq paraa tol kua lêêh ji lêêh vâât ku xuum tuôq oh ay, yôôch gô măn hlah hlaak, ji raa hlah dii dêq hloay oh ay.",
|
|
"18": "Oh ay kungh đanưq, dayh hlah hlaak ji raa hlah dii gô.\n\\ts\\*\n\\p",
|
|
"19": "Đom Lôôk Jê-xu, gô takôô gamưh hnoq dayh patăk Tii-môô-thêê truh hlơq oh ay, xôq gô kung jah ahlmưk nhăk tuôôy xet hêêl aduq ku oh ay. ",
|
|
"20": "Vii gô paq măn ekơyq đêêh e muuyq xuum daang đaji nhuu nưq, dik xuum biit ka oh ay.",
|
|
"21": "Kơyq kung chrơơk tyauq kaluh e iit đêêh ku oot bơh lưưp axek kaluh varơuq e iit ka Lôôk Wơơt Dêh Jê- xu. \n\\ts\\*",
|
|
"22": "Bơh oh ay xet xuum klaak ku nhuu nưq, Vii nhuu nưq heq kung gô dơơp varơuq Hêêl Kaxaay, daang đaji vaq dii koot anưq.",
|
|
"23": "Lunưq gô takôô gamưh hnoq patăk nhuu nưq hooy hloay tuôôy gô xet jah varơuq ku gô hnoq đaleq.",
|
|
"24": "Bơh gô e xuum tuuôq kajưk đom Lôôk đaneq kadih gô kung hnoq meel truh hlơq oh ay.\n\\ts\\*",
|
|
"25": "Gô biit duh phayh atăq hlê Eep-baa-phôô-điich ka oh ay. Nhuu nưq laa dro oh ay, laa 'wơơy kung dơơp varơuq, laa khơl 'wơơy, kung laa xapok xing oh ay ji adro hơu varơuq kaluh varơuq duh ku gô.",
|
|
"26": "Nhuu nưq đong takô tavơh hlê dêq hloay oh ay, ji nhuu nưq kung thier hluu rơu vii oh ay e tameen nhuu nưq jiq.",
|
|
"27": "Vii jơq laa nhuu nưq jiq nănq truh jeq kaxêêt. Bơh Kơy Plêêk heq biit angơuq nhuu nưq, ji leh vơơ nhuu nưq heq aleq, đơu hloay gô đnooyq, xôq gô lehuq hluu rơu kơơn athêêp hluu rơu. \n\n\\ts\\*",
|
|
"28": "Lunưq, jo vii heq pa ưk xuum đơu gô hnoq patăk dăch nhuu nưq hooy, xôq tuôôy oh ay tavơh hlê nhuu nưq, oh ay jah hlah hlaak, ji gô kung đơơ hluu rơu.",
|
|
"29": "Yôôych nưq daayh đonq tiip nhuu nưq đom Lôôk bơơn dêq hloay varơuq hlah hlaak, ji pado khơl adro đaji nhuu nưq.",
|
|
"30": "Jo vii dơơp varơuq Lôôk đơu nhuu nưq jeq kaxêêt. Nhuu nưq heq hôôk kaxêêt xăk riilh nhuu xôq dơơp varơuq gô ji klook hlê varơuq oh ay be ik dơơp ka gô.\n\\ts\\*"
|
|
}
|