cor_2020_cua_clt_php_book/php/1.json

{
  "1": "Phao-lôô ji Ti-mô-thêê, xapok ku Lôôk Wơơt Dêh Jê-xu, ataq ka dêq hloay khơl manih jah rơơlh vlôh đom Lôôk Wơơt Dêh Jê-Xu, laa khơl manih tuôq măn aduq theng Phi-liip, kung dii  khơl xakaq 'yo ji khơl dơơp varơuq.",
  "2": "Apôôy vanong kaxaay ji varơuq hrok hrol xing Kơy Plêêk, laa Vaq ji Lôôk haay, laa Lôôk Wơơt Dêh Jê-xu, măn tol oh ay.\n\n\\ts\\*\n\\p",
  "3": "Gô kuh kway Kơy Plêêk ku gô đom tôôy xuum văch truh oh ay,",
  "4": "đom tôôy apok apôôy ku gô ka dêq hloay oh ay, hloay tơơk tưp apok apôôy dii xuum hlah hlaak,",
  "5": "Vii kơq varơuq kông adơơp ku oh ay đom Hêêl Kaxaay xing hngơy kapa tep dong truh juneq;",
  "6": "vii tuôq kajưk truh jơq varơuq neq, đaneq Kơy heq xarôôp dơơp varơuq kaxaay đom oh ay hno dơơp xaleep dong truh hngơy ku Lôôk Wơơt Dêh Jê-xu;\n\n\\ts\\*",
  "7": "Đôôyq dii gô, dik laa varơuq jơq đanq xôq biit đanưq truh dêq hloay oh ay, vii gô jư oh ay đom xuum gô, dêq hloay oh ay raay laa khơl kung dơơp varơuq dii gô đom vanong kaxaay, kaah đom talơy looy toy ku gô, kung dii đom varơuq đnooy bin ji dơơp varơuq xanưk ka Hêêl Kaxaay.",
  "8": "Vii Kơy Plêêk laa Kơy dơơp xanưk ku gô, đaleq gô thier trôôch dêq hloay oh ay bơơn xuum klaak xung xiaq ku Lôôk Wơơt Dêh Jê-xu.\n\\ts\\*",
  "9": "Ji varơuq gô apôôy nưq laa xuum xung xiaq ku oh ay viik glay pa ik, kưq athêêp atok 'ngưưng iaq đom hlolh xet kung tôôy varơuq hlolh xet iaq đnooyq,",
  "10": "xôq oh ay atoh xet varơuq tơơl dik, gamưh đnưq oh ay vlôh jêêk hyioh jăk ji leh aduq đnooy ik dong truh hngơy ku Lôôk Wơơt Dêh,",
  "11": "jah viik glaay raak plaay kua varơuq hyioh jăk gamưh Lôôk Wơơt Dêh Jê-Xu, tawaay varơuq  tađnah tađnaak ji varơuq kacheeu ayuuôt axuq ka Kơy Plêêk.\n\n\\ts\\*\n\\p",
  "12": "Bơh, gô trôôch oh ay xet đaneq, oh ay lơơy, kaluh kajoq heq xalih truh ka gô dik heq dơơp  tapa ranưưy varơuq ranưưh athêêp Hêêl Kaxaay.",
  "13": "Đanưq varơuq kaal looy tooy ku gô vii Lôôk Wơơt Dêh jah xet truh rooh dêq đom dêq hloay bơơy kuun jưư 'yo hnhư padrok ji khơl kadrơơy. ",
  "14": "Gamưh gô chiuq kaal looy tooy đanưq đơu dêq hloay oh ay wiih kơơn athêêp tuuôq kajưk aduq Lôôk, hôôk kôôk padoh taboon apok Lôôk leh kamo yôq kajoq.\n\n\\ts\\*",
  "15": "Dik e muuyq sôôq adro pheq đnooy padooh taboon Lôôk wơơt Dêh vii 'yarơ ji tayaat, bơh kung e dro padooh taboon dii xuum kaxaay.  ",
  "16": "Khơl adro bing yưk vaar neq dơơp anưq vii xuum xung xiaq, xet đaneq gô jah tawaay muut đnen xôq bing ka Hêêl Kaxaay.",
  "17": "Bơh khơl adro hơq, yôôych padooh taboon Lôôk Wơơt Dêh vii xuum hmưưch kamuk ji leh dong dik. Oot biit hnoq dơơp gô athêêp pơơl ra ơh đom hnhư karuk\n\\ts\\*",
  "18": "Nưp yôôych aleq? Long laa đa leq- jo varơuq dơơp bơơyq long hyioh dik - yôôych Lôôk Wơơt Dêh kung jah padooh taboon, ji gô hlaah laa vii anưq! yôôych, ji gô hnoq kưq hlaah hlaak.",
  "19": "Vii gô xet varơuq neq hnoq tawaay hlê varơuq  \nwơơt xok ka gô, gamưh apok apôôy ku oh ay ji varơuq tajưp wăk xing Kơy Phool Hiel ku \nLôôk Wơơt Dêh Jê-Xu.\n\\ts\\*",
  "20": "Xuum takôô dong dik kung đaji takôô gamưh kajưk ku gô, nưq laa hnoq leh e varơuq gô kamưưl, đơu gô hnoq hloay hloay hôôk kôôk, xôq đaji tôôy tuôôy, Lôôk Wơơt Dêh hnoq jah vanê atok đom xăk xamơơk gô, tabơh long gô riilh long kaxêêt.  ",
  "21": "Vii đôôiq dii gô, riilh laa Lôôk Wơơt Dêh, ji kaxêêt laa jah e iit.\n\\ts\\*",
  "22": "Bơh atoh gô phayh riilh đom xăk xamơơk, yôôych varơuq nưq e iq laa varơuq chiuq pơơl gô hnoq măn vlôh plaay. lunưq gô leh xet phayh rơơlh varơuq leq.",
  "23": "Vii gô biq ahneen katuul vaar panưh. Gô thier trôôch vlôh hooy xôq jah măn dii Lôôk Wơơt Dêh, laa varơuq kaxaay iaq thier 'ngưưng.",
  "24": "Bơh gô kưq măn hlê đom xăk xamơơk wih laa varơuq duh dik iaq ka oh ay.\n\\ts\\*",
  "25": "Vii tuuôq kajưk đa nưq, đơu gô xet gô hnoq kưq riilh ji măn đnooyq dii dêq hloay oh ay, xôq wăk oh ay kôt tok ji hlah hlaak đom xuum tuuôq.",
  "26": "Đa nưq, oh ay hnoq e athêêp kakơq xôq \nakwoe truh gô đom Lôôk Wơơt Dêh Jê-xu tuôôy gô tavơh hlê oh ay.  ",
  "27": "Vơ e varơuq oh ay phayh riilh aleq dong taxưnq dii Hêêl Kaxaay ku Lôôk Wơơt Dêh, xôq long gô truh hlơơq oh ay long leh e kađnư, yôôych gô kung jah tameng oh ay dưk kajưk, muuyq xuum muuyq trôôk dưk tok vii xuum tuuôq ku Hêêl Kaxaay.\n\\ts\\*",
  "28": "Kung te vraal yôq kangưưl khơl adro tachơơl hlê truh paq kêê varơuq kajoq. 'Ngeq laa dâuq hlêêl xôq oot hloq oot hnoq biq păk kaxêêt, măn oh ay hnoq jah wơơt - ji 'ngưq laa xing Kơy Plêêk.  ",
  "29": "Vii kơq Lôôk Wơơt Dêh, oh ay jah kahniq vanong xôq leh vơ tuuôq Kadraq, bơh kung chiuq pơơl vii Kadraq,",
  "30": "Tuôôy tawaak muut kung varơuq tadơơp đơu oh ay heq hloq aduq gô, ji juneq măn tameen e aduq gô.\n\n\\ts\\*"
}