See in Reader
33 lines
4.6 KiB
JSON
33 lines
4.6 KiB
JSON
{
|
|
"1": "Nưq, atoh đom Lôôk Wơơt Dêh e varơuq ahmưưk nhăk, atoh e varơuq adôô adeng xing xuum xung xiaq, atoh e varơuq thôông kôông đom Kơy Phool Hiel, atoh e xuum xung xiaq ji varơuq angơuq rơơy,",
|
|
"2": "yôôych oh ay dayh muuuyq xuum biit, e muuyq xuum xung xiaq, muuyq xuum đom Kơy Phool Hiel, ji wiih truh kung muuyq trôôk truh, xôq khienq xuum hlah hlaak ku gô jah glaay xleep. \n\n\\ts\\*",
|
|
"3": "Te dơơp kajoq vii xuum kamuk long katâk katơơk dalơh hư hlơơp. bơh, dii xuum klaak apôôt xuum, dayh 'yo khơl drơơy yơu vadoo iaq xăk.",
|
|
"4": "adro muuyq te vơ xet bit truh varơuq đêh di xăk, bơh măn biit truh varơuq di khơl kadrơy đnooyq.\n\\ts\\* ",
|
|
"5": "Dayh e trôôk xuum biit dang đaji Lôôk Wơơt Dêh Jê-Xu. \n\\q ",
|
|
"6": "Kadraq 'miah e đom long lơuq Kơy Plêêk, bơh wiih leh 'yo varơuq dong xađong ku kadraq dii Kơy Plêêk laa varơuq duh phayh jưư xok.",
|
|
"7": "Bơh, Kadraq dơơp kadih ka Kadraq vlôh hoong heeng tuôôy hlưp xok xăk xamơơk manih xapok, ji jah pa iir vlôh dang đaji koot manih, đom xăk xamơơk đaji koot manih, \n\\q ",
|
|
"8": "Kadraq heq kadih apôôt xăk pôôt ji vlôh jêêk tameen tyauq dong truh kaxêêt, pheq đnooy atoh kaxêêt tol gaay chrăk.\n\n\\ts\\*\n\\q ",
|
|
"9": "Vii nưq, Kơy Plêêk kung vanê Kadraq tok thieer yơơt ji kahniq ka Kadraq yal tol kaluh yal.",
|
|
"10": "Kadraq dơơp anưq xôq đom yal Lôôk Jê-Xu, kaluh takuul ku khơl dro tol plêêk, 'lăălq vari ji pii 'lăălq vari, phayh kul pôôt,",
|
|
"11": "ji tôôy kapiek rapa phayh xưưng nhonq Lôôk Wơơt Dêh Jê-Xu laa Lôôk, tơk tưp tađnah tađaak ka Kơy Lôôk Vaq.\n\n\\ts\\*\n\\p ",
|
|
"12": "Lunưq, wơơyh oh ay xung xiaq, đaji oh ay hloay tamen apok, leh vơơ tuôôy gô e mot, đơu juneq wiih kơơn ieaq đnooyq tuôôy gô wănq mot, yôôych oh ay kung dayh padrau yôq đơu dơơp jêêk varơuq wơơt xok xăk.",
|
|
"13": "Vii kadih Kơy Plêêk đong arơơk xuum đom oh ay, xôq oh ay nhăpq trôôch nhăpq dơơp tyauq iq kaxaay ku Kadraq.\n\n\\ts\\*",
|
|
"14": "Dayh dơơp tôôy varơuq, te phaan naan long takaai tayaat kajoq.",
|
|
"15": "xôq tuôôy katuul muuyq adrơơk jaan bơyq ji vuul wel, oh ay vlôh jêêk koot xau xaleep, xarêh xaraat, leh dơuq xưr ku Kơy Plêêk, măn đnư oh ay hnoq xaraar ahnhe đaji kaluh gooy đeen đom dêh araak.",
|
|
"16": "Dayh rôôp jưư apok varơuq riilh xôq đom hngơy ku Lôôk Wơơt Dêh, gô hnoq ik akwoe đaneq gô heq leh chrơơk đaji hlooh long pơơl daal đaji hlooh.\n\n\\ts\\*",
|
|
"17": "Bơh long gô e biq uuk vlôh đaji kuah lêêh vii chiuq kaxêêt ji hơu varơuq xuum tuuôq oh ay, yôôch gô kung hlah hlaak, ji rapaa hlaah dii dêq hloay oh ay.",
|
|
"18": "Kung anưq, oh ay dayh hlah hlaak, ji rapaa hlah dii gô.\n\\ts\\*\n\\p",
|
|
"19": "Đom Lôôk Jê-xu, gô takôô gamưh hnoq dayh patăk Tii-môô-thêê truh hlơq oh ay, xôq gô kung jah ahlmưk nhăk tuôôy xet hêêl aduq ku oh ay. ",
|
|
"20": "Vii gô paq măn ekơyq đêêh e muuyq xuum daang đaji nhuu nưq, dik xuum biit ka oh ay.",
|
|
"21": "Kơyq kung chrơơk tyauq kaluh e iit đêêh ku oot bơh lưưp axek kaluh varơuq e iit ka Lôôk Wơơt Dêh Jê- xu. \n\\ts\\*",
|
|
"22": "Bơh oh ay xet xuum klaak ku nhuu nưq, Vii nhuu nưq heq kung gô dơơp varơuq Hêêl Kaxaay, daang đaji vaq dii koot anưq.",
|
|
"23": "Lunưq gô takôô gamưh hnoq patăk nhuu nưq hooy hloay tuôôy gô xet jah varơuq ku gô hnoq đaleq.",
|
|
"24": "Bơh gô e xuum tuuôq kajưk đom Lôôk đaneq kadih gô kung hnoq meel truh hlơq oh ay.\n\\ts\\*",
|
|
"25": "Gô biit duh phayh atăq hlê Eep-baa-phôô-điich ka oh ay. Nhuu nưq laa dro oh ay, laa 'wơơy kung dơơp varơuq, laa khơl 'wơơy, kung laa xapok xing oh ay ji adro hơu varơuq kaluh varơuq duh ku gô.",
|
|
"26": "Nhuu nưq đong takô tavơh hlê dêq hloay oh ay, ji nhuu nưq kung thier hluu rơu vii oh ay e tameen nhuu nưq jiq.",
|
|
"27": "Vii jơq laa nhuu nưq jiq nănq truh jeq kaxêêt. Bơh Kơy Plêêk heq biit angơuq nhuu nưq, ji leh vơơ nhuu nưq heq aleq, đơu hloay gô đnooyq, xôq gô lehuq hluu rơu kơơn athêêp hluu rơu. \n\n\\ts\\*",
|
|
"28": "Lunưq, jo vii heq pa ưk xuum đơu gô hnoq patăk dăch nhuu nưq hooy, xôq tuôôy oh ay tavơh hlê nhuu nưq, oh ay jah hlah hlaak, ji gô kung đơơ hluu rơu.",
|
|
"29": "Yôôych nưq daayh đonq tiip nhuu nưq đom Lôôk bơơn dêq hloay varơuq hlah hlaak, ji pado khơl adro đaji nhuu nưq.",
|
|
"30": "Jo vii dơơp varơuq Lôôk đơu nhuu nưq jeq kaxêêt. Nhuu nưq heq hôôk kaxêêt xăk riilh nhuu xôq dơơp varơuq gô ji klook hlê varơuq oh ay be ik dơơp ka gô.\n\\ts\\*"
|
|
}
|