cor_2020_cua_clt_php_book/php/1.json

{
  "1": "Phao-lôô ji Ti-mô-thêê, xapok ku Lôôk Wơơt Dêh Jê-xu, ataq ka dêq hloay khơl manih jah rơơlh vlôh đom Lôôk Wơơt Dêh Jê-Xu, laa khơl manih tuôq măn aduq theng Phi-liip, kung dii  khơl xakaq 'yo ji khơl dơơp varơuq.",
  "2": "Apôôy vanong kaxaay ji varơuq hrok hrol xing Kơy Plêêk, laa Vaq ji Lôôk haay, laa Lôôk Wơơt Dêh Jê-xu, măn tol oh ay.\n\n\\ts\\*\n\\p",
  "3": "Gô kuh kway Kơy Plêêk ku gô đom tôôy xuum văch truh oh ay,",
  "4": "đom tôôy apok apôôy ku gô ka dêq hloay oh ay, hloay tơơk tưp apok apôôy dii xuum hlah hlaak,",
  "5": "Vii kơq varơuq kông adơơp ku oh ay đom Hêêl Kaxaay xing hngơy kapa tep dong truh juneq;",
  "6": "vii tuôq kajưk truh jơq varơuq neq, đaneq Kơy heq xarôôp dơơp varơuq kaxaay đom oh ay hno dơơp xaleep dong truh hngơy ku Lôôk Wơơt Dêh Jê-xu;\n\n\\ts\\*",
  "7": "Đôôyq dii gô, dik laa varơuq jơq đanq xôq biit đanưq truh dêq hloay oh ay, vii gô jư oh ay đom xuum gô, dêq hloay oh ay raay laa khơl kung dơơp varơuq dii gô đom vanong kaxaay, kaah đom talơy looy toy ku gô, kung dii đom varơuq đnooy bin ji dơơp varơuq xanưk ka Hêêl Kaxaay.",
  "8": "Vii Kơy Plêêk laa Kơy dơơp xanưk ku gô, đaleq gô thier trôôch dêq hloay oh ay bơơn xuum klaak xung xiaq ku Lôôk Wơơt Dêh Jê-xu.\n\\ts\\*",
  "9": "Ji varơuq gô apôôy nưq laa xuum xung xiaq ku oh ay viik glay pa ik, kưq athêêp atok 'ngưưng iaq đom hlolh xet kung tôôy varơuq hlolh xet jaruq iaq,",
  "10": "xôq oh ay hno ik xet varơuq leq laa toolh nhưk, xôq ka oh ay jah xarêh xaraat ji leh aduq đnooy ik dong truh hngơy ku Lôôk Wơơt Dêh,",
  "11": "jah viik glaay raak plaay ku varơuq hyioh jăk gmưh Lôôk Wơơt Dêh Jê-Xu, hươnq truh varơuq  tađnah tađnaak ji varơuq kacheeu ayuuôt Kơy Plêêk.\n\n\\ts\\*\n\\p",
  "12": "Oh ay lơơy, gô xung oh ay xet đaneq kaluh kajoq xalih truh dii gô dong dik heq xalih vlôh vii varơuq athêêp tok ku Hêêl Kaxaay.",
  "13": "Đanưq, varơuq looy tooy kal ku gô đom Lôôk Wơơt Dêh heq jêêk vlôh rooh dêq măn đom katuul dêq hloay biin kuun jư 'yo hnhư padrok kung tôôy khơl kadrơơy, ",
  "14": "ji phoon 'ngưưng oh ay, gmưh varơuq looy toy kal ku gô, heq kajưk tuôq aduq Lôôk, kang dêq xuum xôq padoh taboon apok Lôôk kach leh kamo yôq.\n\n\\ts\\*",
  "15": "Ju đanưq muuyq sôôq adro padoh taboon Lôôk wơơt Dêh vii 'yarơơ ji tayaat, bơh kung e dro padoh taboon dii xuum kaxaay,  ",
  "16": "laa khơl adro vii xuum xung xiaq, xet đaneq gô jah pahnap xôq đnooy bing Hêêl Kaxaay,",
  "17": "bơh khơl adro vii xuum hmưưch trôôch kamuk, oot padoh taboon Lôôk Wơơt Dêh kach leh dong dik, biit athêêp tok pơơl dal muut đom varơuq looy toy kal ku gô.\n\\ts\\*",
  "18": "Nưq yôôych aleq? Ju laa vii kach leq - long laa dơơp bôô long laa hyioh dik - yôôych Lôôk Wơơt Dêh jah padoh taboon, ji gô hlah hlaak truh varơuq nưq. Bơh, gô kungh hno jah dơơp ka hlah hlaak,",
  "19": "Vii gô xet đaneq varơuq neq hno tawaay varơuq wơơt xok truh ka gô, gmưh apok apôôy ku oh ay ji varơuq waak xing Kơy Phool Hiel ku Lôôk Wơơt Dêh Jê-Xu,\n\\ts\\*",
  "20": "tyauq đaji varơuq hlah hlaak takôô ji xuum kôô gmưh ku gô, nưq laa gô hno leh biq dơơp dong kamưưl đom dêq hloay varơuq kajoq, bơh kôk kalh đom tôôy varơuq, xôq tuôôy neq kungh đaji pa kêê tuôôy leq, Lôôk Wơơt Dêh hno jah vanê atok aduq xăk xamơk gô, ju laa riilh long kaxêêt.  ",
  "21": "Vii đôôyq dii gô, riilh laa Lôôk Wơơt Dêh, ji kaxêêt laa varơuq e iich.\n\\ts\\*",
  "22": "Bơh atoh gô phayh riilh đom xăk xamơơk, yôôych varơuq nưq e iq laa varơuq chiuq pơơl gô hnoq măn vlôh plaay. lunưq gô leh xet phayh rơơlh varơuq leq.",
  "23": "Vii gô biq ahneen katuul vaar panưh. Gô thier trôôch vlôh hooy xôq jah măn dii Lôôk Wơơt Dêh, laa varơuq kaxaay iaq thier 'ngưưng.",
  "24": "Bơh gô kưq măn hlê đom xăk xamơơk wih laa varơuq duh dik iaq ka oh ay.\n\\ts\\*",
  "25": "Vii tuuôq kajưk đa nưq, đơu gô xet gô hnoq kưq riilh ji măn đnooyq dii dêq hloay oh ay, xôq wăk oh ay kôt tok ji hlah hlaak đom xuum tuuôq.",
  "26": "Đa nưq, oh ay hnoq e athêêp kakơq xôq \nakwoe truh gô đom Lôôk Wơơt Dêh Jê-xu tuôôy gô tavơh hlê oh ay.  ",
  "27": "Vơ e varơuq oh ay phayh riilh aleq dong taxưnq dii Hêêl Kaxaay ku Lôôk Wơơt Dêh, xôq long gô truh hlơơq oh ay long leh e kađnư, yôôych gô kung jah tameng oh ay dưk kajưk, muuyq xuum muuyq trôôk dưk tok vii xuum tuuôq ku Hêêl Kaxaay.\n\\ts\\*",
  "28": "Kung te vraal yôq kangưưl khơl adro tachơơl hlê truh paq kêê varơuq kajoq. 'Ngeq laa dâuq hlêêl xôq oot hloq oot hnoq biq păk kaxêêt, măn oh ay hnoq jah wơơt - ji 'ngưq laa xing Kơy Plêêk.  ",
  "29": "Vii kơq Lôôk Wơơt Dêh, oh ay jah kahniq vanong xôq leh vơ tuuôq Kadraq, bơh kung chiuq pơơl vii Kadraq,",
  "30": "Tuôôy tawaak muut kung varơuq tadơơp đơu oh ay heq hloq aduq gô, ji juneq măn tameen e aduq gô.\n\n\\ts\\*"
}