See in Reader
24 lines
3.8 KiB
JSON
24 lines
3.8 KiB
JSON
{
|
|
"1": "'Wơơy oh ay, lôôch dik, dayh hlaah hlaah đom Lôôk. Tuôôy gô vlơk hlê kaluh varơuq neq ka oh ay yôôych be e kajoq tawaq ka gô, vii ni jưư ka oh ay jah ieen langưưp.",
|
|
"2": "Dayh vach 'yoo kaluh xo, dayh vach 'yo khơl dơơp varơuq xơk tauq, dayh vach 'yo khơl goch hwaalh hlek kađuuh.",
|
|
"3": "vii kadiih haay đơu laa dro jah goch kađuh- khơl dro ayuôôt laat beng Yaak Plêêk kua Kơy Plêêk, kahnoq vlôh truh Lôôk Wơơt Dêh Jêê-Xuu, ji leh gamưưh aduq xăk xmơk.\n\n\\ts\\*",
|
|
"4": "Ăm long anưq, Kadiih gô neq bơơh vơơ kung e hnoq gamưưh xăk xmơk. Atoh kơyq nưq ăm aneq ot gamưưh xăk xmơk, yôôych gô măn glơh anưq đnooyq.",
|
|
"5": "Gô jah goch kađuh đom hngơy thưq thơơm, 'yuôôr adrơơk tamooy YY-sơơ-raa-êêl, adrơơk tamooi Bêên- jaa-miin, laa manih Hy-Baaq, koot kua manih Hy Baaq; truh gnuun, laa manih Phaa-rii-sii. \n\n\\ts\\*",
|
|
"6": "Truh xuum hlơơu klêêq, gô rôôp toop Tayuup Vaah. Truh varơuq hyioh jăk tyauq gnuun, gô \n leh hnoq leh đnooyq kajoq.",
|
|
"7": "Bơh pa dêq varơuq kajoq lơơy ik đaa dii gô yôôych gô rapa 'yoo đaji lôôh dik vii kơq Lôôk Wơơt Dêh.\n\n\\ts\\*",
|
|
"8": "Dik vlôôh, ju neq gô taboon tôôy thưư varơuq laa lôôh atoh dii varơuq galơơh iaq nưq laa 'yoo xet Lôôk Wơơt Dêh Jêê-xuu, Lôôk gô. Vii Kadraq đơu gô kadiih ka'lăk pa dêq - ji 'yoo oot đaji ka'nhah ka'nhaau - xôq jah Lôôk Wơơt Dêh",
|
|
"9": "ji jah măn đom Kadraq, leh aalq gmưưh varơuq hyioh jăk xing gnuun kua xăk, đơu gmưưh varơuq hyioh jăk xing xuum tuuôq aduq Lôôk Wơơt Dêh - nưq varơuq hyioh jăk Kơy Plêêk kahnii ăm dro tuuôq.",
|
|
"10": "Nưq atoh ju neq gô xung xet Kadraq, kung taay yaak varơuq riirh hlê kua Kadraq ji jah tamuut đom kaluh pơơl dal Kadraq, wiih jêêt daang đaji Kadraq đom varơuq kaxêêt kua Kadraq,",
|
|
"11": "atoh tyauq kaluh aleq nưq gô e hnoq h'mưưq xet varơuq riilh hlê xing khơl kaxêêt. \n\\ts\\*",
|
|
"12": "Leh aalq laa gô heq ik jah kaluh varơuq nưq yôôych, long heq wiih jêêk yuôôr dêq yôôych, bơh gô đong chrơơk xôq tagoa jah varơuq đơu vii anưq gô kung heq jah Lôôk Wơơt Dêh Jêê-Xuu tagoa xok.",
|
|
"13": "'Wơơy oh ay, gô leh ăm laa xăk xamơk gô heq tagoa jah varơuq nưq. Bơh e muuyq varơuq gô dơơp, nưq laa gô ta'wơl tơơr kaluh kajoq măn pi katol ji kalơm truh kaluh varơuq pii ngưưr. ",
|
|
"14": "Gô tamaak muuyq aduq đơu charơơk xôq tagoa jah xadoa athêêp truh varơuq taayh oyh măn tol plêêk kua kơy plêêk đom Lôôk Wơơt Dêh Jêê-Xuu.\n\\ts\\*",
|
|
"15": "Padêq hloay kaluh kơyq kôôt tok đom haay rapa phayh hmưq biit đa neq. Ji atoh oh ay biit đêh hloay truh paq kêê varơuq kajoq, yôôych Kơy Plêêk kung hnoq xlih vlôh varơuq nưq ka oh ay.",
|
|
"16": "Atoh anưq, long e ik truh hiêêuh xet leq yôôych haay kung phayh jưư xok.\n\n\\ts\\*\n\\p",
|
|
"17": "'Wơơy oh ay, vôôch daayh atôlh gô. Dayh 'yoo rooh dro khơl đong tawaak hooy tyauq ramiil đơu oh ay hloq aduq 'wot.",
|
|
"18": "Vii e 'ngưưng dro - khơl dro gô hmưưq hloay nhăk truh tuôôy đnooy dii oh ay, ji jơu neq gô phayh nhiim đơu đnooy - oot riirh đaji dro tachơơl gaay chrăk kua Lôôk Wơơt Dêh.",
|
|
"19": "Lôôch dik kua oot laa varơuq păk kaxêêt. Vii apoop klaak kadiih laa Lôôk kua oot, ji varơuq oot kahnoq vlôh wiih laa varơuq đong xâuq kamưưl. Oot vơ biit truh kaluh varơuq dêêh araak. \n\\ts\\*",
|
|
"20": "Bơh haay laa dong manih tơl plêêk, xing aduq nưq haay takôô Kơy Wơơt Lôôk, laa Lôôk Wơơt Dêh Jêê-Xuu.",
|
|
"21": "Kadraq hnoq tađôôy đơơu xăk xmơk be tolh kua haay jêêt vlôh xăk xmơk jah dơơp jêêk daang xăk xmơk tađnah xaraar kua Kadraq, xing paraat kaalh kua taay yaak đơu Kadraq e \n xôq kuul hloay tuông varơuq.\n\\ts\\*"
|
|
}
|