See in Reader
33 lines
4.8 KiB
JSON
33 lines
4.8 KiB
JSON
{
|
|
"1": "Nưq, atoh đom Lôôk Wơơt Dêh e varơuq ahluk ahluul, atoh e varơuq adôô adeng xing xuum xung xiaq, atoh e thơơl tưưuq anguk đom yaak plêêk, atoh e xuum xung xiaq ji varơuq be huq,",
|
|
"2": "yôôych oh ay dayh tyauq muuuyq xuum, e muuy xuum xung xiaq, taguumq muuyq đom Yaak Plêêk, ji wiih truh kung xuum biit, xôq khieenq hlah hlaak kua gô jah viik sleep. \n\n\\ts\\*",
|
|
"3": "Te dơơp kajoq vii xuum ka muk long thooyq katơơk dalơh leh yuôôr. Tađôôy muut đnưq, dii xăk xamơk wiit xuum, dayh 'yoo khơl drơy yơu galơh iaq kaxăk.",
|
|
"4": "Te vơ biit rơơy truh lơơy vôô kua đêh xăk, đơu aalq biit truh lơơy vôô kua khơl drơy đnooyq.\n\n\\ts\\* ",
|
|
"5": "Dayh e trôôk xuum biit daang đaji Lôôk Wơơt Dêh Jêê-Xuu. \n\\q ",
|
|
"6": " Kadraq 'miiah rama truh đom long lơuq Kơy Plêêk, bơh wiih leh 'yoo varơuq dong xađong kua xăk dii Kơy Plêêk laa varơuq duh phayh jưư xok.",
|
|
"7": "Tađôôy muut đnưq, Kadraq kadiih dơơp ăm kaxăk vlôh hoong heeng tuôôy hlưp xok xăk xamơk dro xapok, ji jah paiir vlôh daang đaji koot manih, đom xăk xamơk đaji koot manih, \n\\q ",
|
|
"8": "Kadraq heq kadiih apôôt xăk pôôt ji wiih jêêk tameen tyauq dong truh kaxêêt, long vơơ kaxêêt tơl gaay chrăk.\n\n\\ts\\*\n\\q ",
|
|
"9": "Vii nưq, Kơy Plêêk kung vanê Kadraq tok thier yơơt ji kahnii ăm Kadraq yal glơh iaq kaluh yal.",
|
|
"10": "Kadraq dơơp anưq xôq đom yal Lôôk Jêê-Xuu, kaluh takuul takieel kua khơl dro tơl plêêk, 'laalq varii ji pii 'laalq vrii, phayh kul pôôt,",
|
|
"11": "ji kaluh kapieet rapa phayh xưưng nhonq Lôôk Wơơt Dêh Jêê-Xuu laa Lôôk, tơơt tưp tađnah tađaak ka Kơy Vaq Plêêk.\n\n\\ts\\*\n\\p ",
|
|
"12": "Yôôych nưq, 'wơyh oh ay xung xiaq, đaji oh ay hloay tamen apok, leh vơơ tuôôy gô e mot, đơu ju neq wiih kang glơh đnooyq tuôôy gô wănq mot, yôôych oh ay kung dayh padrau yôq đơu dơơp jêêk varơuq wơơt xaloot xăk.",
|
|
"13": "Vii kadiih Kơy Plêêk đong arơơk xuum đom oh ay, xôq oh ay nhăpq trôôt nhăpq dơơp tyauq iq kaxaay kua Kadraq.\n\n\\ts\\*",
|
|
"14": "Dayh dơơp tôôy varơuq, te phaan nanq long takaay tayaat kajoq.",
|
|
"15": "xôq tuôôy katul muuyq adrơơk jaan bơyq ji vuul wel, oh ay wiih jêêk koot xau kaxaay tamaq, xarêh xaraat, leh dơuq xưr kua Kơy Plêêk, măn đnư oh ay hnoq xaraar ahnhe đaji kaluh gooy đeen đom dêh araak.",
|
|
"16": "Dayh nămq jưư apok varơuq riirh xôq đom hngơơy kua Lôôk Wơơt Dêh, gô e hnoq vanê aneq xăk heq leh chrơơk long hlooh hloh pơơl daal ka'lăk kôông.\n\n\\ts\\*",
|
|
"17": "Bơh long aleq gô e biq kahrôôq vlôh đaji kua lêêh vii kaxêêt hlơơp ji dơơp varơơuq xuum tuôôq oh ay, yôôch gô kung hlah hlaak, ji rapaa hlaah dii dêq hloay oh ay.",
|
|
"18": "Kung anưq, oh ay dayh hlah hlaak, ji rapaa hlah dii gô.\n\\ts\\*\n\\p",
|
|
"19": "Đom Lôôk Jêê-xuu, gô đon takô hnoq dayh patăk Tii-môô-thêê truh hlơq oh ay, xôq gô kung jah ahluk ahluul tuôôy xet xuum tuôôq kua di oh ay.",
|
|
"20": "Vii gô leh măn kơyq đêêh e muuyq xuum daang đaji nhuu nưq, dik xuum biit ka oh ay.",
|
|
"21": "Kơyq kung tyauq xatyauq kaluh lơơy vôô \n đêêh kua xăk long leh axek kaluh xarơuq jêêk truh Lôôk Wơơt Dêh Jêê Xuu. \n\\ts\\*",
|
|
"22": "Bơh oh ay xet muuyq xuum kua nhuu nưq, Vii nhuu nưq heq kung gô dơơp varơuq Hêêl Kaxaay, daang đaji vaq dii koot anưq.",
|
|
"23": "Ăm atoh gô ta kô hnoq patăk nhuu nưq hooy meel tuôôy gô xet jah varơuq taboon kua gô hnoq đa leq.",
|
|
"24": "Bơh gô e xuum tuuôq kajưk đom Lôôk aneq kadiih gô kung hnoq meel truh hlơq oh ay.\n\\ts\\*",
|
|
"25": "Gô biit duh phayh gơơyh blaa hlê Eep-baa-phôô-điich wiih ăm oh ay. Nhuu nưq laa dro oh ay, laa wơơy dơơp varơuq, laa khơơl wơơy, kung laa xpok xing oh ay ji manih xăm adơơp kaluh varơuq duh kua gô.",
|
|
"26": "Nhuu nưq đong takô tavơh hlê dêq hloay oh ay, ji nhuu nưq kung thier hluu rơu vii oh ay e tamen nhu nưq jiq.",
|
|
"27": "vii jơq laa nhuu nưq jiq nănq truh jeq kaxêêt. Bơh Kơy Plêêk heq biit angơuq nhuu nưq, ji leh vơơ nhuu nưq heq aleq, đơu hloay gô đnooyq, xôq gô lehuq hluu rơu kang athêêp hluu rơu. \n\n\\ts\\*",
|
|
"28": "Ăm nưq kadiih vii, thieer pơơl wơơl đơu gô hnoq patăk dăch nhuu nưq hooy, xôq tuôôy oh ay tavơh hlê nhuu nưq, oh ay jah hlah hlaak, ji gô kung axich hluu rơu.",
|
|
"29": "Yôôych nưq daayh vôôch hrok nhuu nưq đom Lôôk beng dêq hloay varơuq hlaah hlaak, ji vanê ayuôôt kaluuh khơl đaji nhuu nưq.",
|
|
"30": "Kadiih vii dơơp kông varơuq Lôôk đơu nhu nưq jeq kaxêêt. Nhuu nưq heq liêêu manq riirh nhuu xôq xăm adoot gô ji buu hlê rapa oh ay leh hnoq dơơp ka gô.\n\\ts\\*"
|
|
}
|