See in Reader
33 lines
4.7 KiB
JSON
33 lines
4.7 KiB
JSON
{
|
|
"1": "Phao-lô baalq Ti-mô-thêê, xpok di Lôôk Wơơt Dêh Jê-xu, ataq ka dêq hloay oh ay xatyauq đom Lôôk Wơơt Dêh Jê-xu đom theng Phi-lip, đơu ji khơl xakaq 'yoo ji oh ay dơơp varơuq.",
|
|
"2": "Apôôy vanong kaxaay ji varơuq hrok hrol jah kahniq ăm ka oh ay xing Kơy Plêêk, Vaq haay, ji Lôôk Jê-xu Christ.\n\n\\ts\\*\n\\p",
|
|
"3": "Gô kuh kway Kơy Plêêk di gô tôôy yưk vach truh oh ay,",
|
|
"4": "đom tong apok apôôy ka dêq hloay oh ay, gô 'ngưưng apôôy đom varơuq hlah hlaat",
|
|
"5": "Nưq varơuq wak dơơp di oh ay đom varơuq padoh taboon Hêêl Kaxaay xing xarôp truh ju neq.",
|
|
"6": "Gô tuuôq chăk aneq Kơy heq xarôp dơơp varơuq kaxaay đom oh ay hnoq dơơp yôôych dong truh hngơy di Lôôk Jê-xu Christ.\n\n\\ts\\*",
|
|
"7": "Tyauq nưq, varơuq biit truh đa nưq ka dêq hloay oh ay bơh jơq, vii gô e oh ay măn đom xuum. Oh ay nưq kơyq kung ji manih dơơp varơuq di gô đom vanong kaxaay, long tuôôy gô e măn đom varơuq rôp karuk baalq đom apok đnooy bin ji varơuq dơơp xnưk ka Hêêl Kaxaay.",
|
|
"8": "Bơh Kơy Plêêk ji apok xnưk di gô, gô dik trôôt jah tavơh dêq hloay oh ay đom xung xiaq di Lôôk Wơơt Dêh Jê-xu.\n\\ts\\*",
|
|
"9": "Đa nưq varơuq gô apôôy ji vôôch ăm xuum xung xiaq di oh ay hngơy leq kung jah athêêp đnooyq đom hiêuh xet baalq ji kaluh varơuq 'yoo xet,",
|
|
"10": "xôq oh ay 'yoo xet varơuq tơơl yưk, xing nưq oh ay vlôh xarêh ji be e aduq đnooy ik pa truh hngơy di Lôôk Wơơt Dêh,",
|
|
"11": "jah glơh glaay raak play di varơuq hyioh jăk xing Lôôk Wơơt Dêh Jê-xu, dơơp tađnah yal ji varơuq ado vnê Kơy Plêêk.\n\n\\ts\\*\n\\p",
|
|
"12": "Bơh, gô xung oh ay xet aneq, oh ay lơy, ưưng ka joq heq xlih truh ka gô dik heq dơơp tabla vlôh ranưh varơuq dơơp kôôt Hêêl Kaxaay.",
|
|
"13": "Đa nưq varơuq kal talơy looy tooy di gô vi Lôôk Jê-xu Christ jah xet truh hlolh dong dik đom khơl kuun dưk 'yoo hnhư khơl xưh xadrah đơu ji khơl ka drơy.",
|
|
"14": "Bơh 'ngưưng dro đom oh ay xet gô biq kal looy tooy đơu e xuum tuuôq thier kôôt đom Kơy Christ, hôôk padoh taboon apok Kơy Plêêk be yôq ka joq.\n\n\\ts\\*",
|
|
"15": "Dik e taleq dro vii xuum 'ya rơ ji takaai tayat đơu padoh taboon Kơy Christ, bơh kung e manih xok xuum kaxaay đơu padoh taboon.",
|
|
"16": "Kaluh khơl neq dơơp vii xuum xung xiaq xet aneq gô jah dưk tok xôq bin Hêêl Kaxaay.",
|
|
"17": "Bơh măn khơl hơq, oot padoh taboon Kơy Christ vi xuum kamuk ji leh don dik. Oot biit hnoq dơơp gô athêêp pơơl dal đom hnhư karuk.\n\n\\ts\\*",
|
|
"18": "Nưp aleq? Long ji đa leq đnooyq - Long dơơp bôô, long dong dik - bơh Lôôk Wơơt Dêh kung jah padoh taboon, yôôych nưq ji varơuq gô hlah hlaat, ji hnoq măn hlah hlaat đnooyq,",
|
|
"19": "Vi gô xet varơuq neq hnoq jah hlê varơuq wơơt ka gô, e apok apôôy di oh ay ji varơuq wak xing Yaak Kơy Plêêk di Lôôk Wơơt Dêh Jê-xu.\n\\ts\\*",
|
|
"20": "Xuum takôô ji biit e di gô neq, nưq ji hnoq leh e varơuq gô kamưưl, nưq gô hnoq athêêt tưq jo, dong leq kung đa nưq, bơh gô riilh long kaxêêt, Lôôk Wơơt Dêh Jê-xu hnoq jah ado vnê đom xak gô.",
|
|
"21": "Vi Kơy Christ ji varơuq riilh di gô, yôôych varơuq kaxêêt nưq ji varơuq yuôôl ka gô.\n\n\\ts\\*",
|
|
"22": "Bơh atoh gô măn riilh đom xak neq, nưq varơuq dơơp gô kung măn vlôh raak play. Yôôych gô be xet duh rơơlh xok varơuq leq.",
|
|
"23": "Bơh gô biq katep var panưh, Gô thier trôôch vlôh hooy xôq jah ,măn đơu Lôôk Wơơt Dêh, ji varơuq yơu iaq thier 'ngưưng.",
|
|
"24": "Bơh gô măn hlê đom xak xmơk ji varơuq duh yơu iaq ka oh ay.\n\\ts\\*",
|
|
"25": "Vii tuuôq kajưk đa nưq, yôôych gô xet gô hnoq măn riilh ji hnoq măn đnooyq ji dêq hloay oh ay, xôq wak oh ay kôôt tok baalq hlah hlaat đom xuum tuuôq.",
|
|
"26": "Đa nưq, oh ay hnoq kaang e kơq xôq kahnoq vlôh gô đom Lôôk Wơơt Dêh Jê-xu tuôôy gô tavơh hlê oh ay.",
|
|
"27": "Vơ e varơuq oh ay phayh riilh aleq dong jơq ji Hêêl Kaxaay di Lôôk Wơơt Dêh, xôq long gô truh hlơq oh ay long leh e mot, yôôych gô kung jah tameen oh ay dưk ka jưk, tyauq muuyq xuum dưk tok vi xuum tuuôq di Hêêl Kaxaay.\n\n\\ts\\*",
|
|
"28": "Kung te varal adrooyq kajoq dêq ka khơl tachơơl. 'Ngeq ji hlêêl xôq oot hloq oot hnoq biq păk kaxêêt, bơh oh ay hnoq jah wơơt - nưq 'ngưq ji xing Kơy Plêêk. ",
|
|
"29": "Nưq e xing Kơy Christ, oh ay jah kahniq ăm vanong xôq leh alq vơ tuuôq muuyq dro Kadraq heq, bơh kung chiuq pơơl hwơơl vi Kadraq,",
|
|
"30": "Tuôôy wak muut muuyq tahmot jăk bơh oh ay heq hloq aduq gô, yôôych ju neq măn tameen e aduq gô.\n\n\\ts\\*"
|
|
}
|