cor_2020_cua_clt_mrk_book/mrk/10.json

{
  "1": "Atêq tuôôy dưk tok, Kadraq hooy xing aduq nưq truh dêh Ju-đê ji dêh vari pii hơq daak Jô-đaanh, yôôych manih karôôp gruk mamuuyq truh dii Kadraq yưưk traa. Kadraq laay pato daayq oot đaji Kadraq măn 'ngưưng dơơp.",
  "2": "Tuôôy khơl adro Pha-ri-si truh jeq, oot vôôch Kadraq đaneq ganuun e ăm pheep muuyq adro kanơu ka‘lăăk kadrê long leh, xôq thưưh Kadraq.",
  "3": "Bơh, xôq tơơl hlê, Kadraq đnooy dii oot đaneq: \"Môôi-se heq pato daayq êêp kơy varơuq kajoq?\"",
  "4": "Oot đnooy: \"Môôi-see ăm pheep adro kanơu vlơk hlaa jơyq ka‘lăăk kadrê yôôych xôq kadrê vlôh hooy.\"",
  "5": "Bơh Lôôk Jê-xu đnooy dii oot: \"Vii varơuq găk xuum ku êêp kơy, kơy đơơu vlơk vlôh varơuq ganuun nưq ka êêp kơy.",
  "6": "Mot kadrơơy, xing katuôôy kapa teep ku varơuq panưk pajêêk,' Kadraq heq panưk jêêk oot, muuyq kanơu ji muuyq kadrê.'",
  "7": "Bơyh kơq nưq, adro khơl kanơu hnoq vlôh klơlh miq ji vaq ni,",
  "8": "ji vaar dro hnoq jah jêêk muuyq hlek.' Lunưq, baar leh măn laa vaar đơu laa muuyq hlek.  ",
  "9": "Kơq nưq, varơuq kajoq đơu Kơy Plêêk heq tabich hlê, yôôych koot manih te aklah vlôh.\"",
  "10": "Tuôôy măn đom hnhư, khơl khơl xatyauq laay vôôch Kadraq truh varơuq neq.",
  "11": "Kadraq đnooy dii oot: \"Adro leq ka‘lăăk kadrê ni ji pajêêk muuyq adro kadrơơy, yôôych adro nưq lôôp kadrôp tuuk taak đôôiq dii adro kadrê. ",
  "12": "Ji atoh adro khơl drê, tuôôy heq ka‘lăăk kanơu ni, xok adro kadrơơy, yôôych mư lôôp kadrôp tuup taak.\"\n",
  "13": "Khơl drơơy xagook truh ka Kadraq khơl oh de xôq Kadraq hnoq ik xôq tii tol oot, bơh khơl xatyauq đnooy toah oot.",
  "14": "Lunưq, tuôôy nhonq hloq varơuq nưq, Lôôk Jê-xu jaraq ji đnooy dii oot:\" Dayh xôq kaluh oon oh truh dii thơy, ji te klơl đơơ oot, vii daak plêêk ku Kơy Plêêk thuôk xuq khơl leq dang đaji oot.",
  "15": "Dong dik, thơy đnooy dii oh ay, ado leq leh tiip nhonq daak plêêk ku Kơy Plêêk đaji muuyq oon oh, yôôych ado nưq kajưk dik leh jah muut đom nưq.\" ",
  "16": "Atêq tuôôy khuôôk khơl oh de đom tii kadraq, xôq tii tol oot, Kadraq kahniq vanong.",
  "17": "Tuôôy Kadraq xarôôp dưk hooy, muuyq dro hơq chrơơk truh, ji atêq tuôôy kuul pôôt kangưưl Kadraq, adro nưq vôôch Kadraq: \"Kuh Thơy Xuum Kaxaay, gô duh dơơp kajoq xôq gô hnoq ik jah varơuq riilh đơơy đơơy?\"",
  "18": "Bơh Lôôk Jê-xu đnooy dii ay: \"Aleq ay taayh gô laa xuum kaxaay? Be ekơyq xuum kaxaay đêh vlôh muuyq dro Kơy Plêêk.",
  "19": "Ay heq xet kaluh ganeen:\" te păk kaxêêt manih, te tuup taak, te atôôk, te dơơp xanưk pa ôôh, te hlơk aluut, pheq 'yo vado vaq ji miq haay'.\"",
  "20": "Bơh ay nưq đnooy kung Kadraq: \"Kuh thơy, gô heq đong jưư tôôy varơuq nưq xing tuôôy măn de ku gô.\"",
  "21": "Bơh tuôôy 'yo ay, Lôôk Jê-xu xung xiaq ay, ji Kadraq dăt ay: \"Ay măn thiuq muuyq varơuq; dayh hooy, tek dêq tôôy thưưq ay e, ahlook ăm manih adrah, yôôych ay hnoq e kuah qwuiq măn tol plêêk, ji truh đneen ne, dayh tyauq gô.\"",
  "22": "Bơh maar mot wiih vlôh hluu rơu ka apok nưq, ay nưq jiq xuum ka'lăăk hooy, vii ay 'miêh đong e ‘ngưưng gruh anôp đang đik.",
  "23": "Atêq tuôôy 'yo rawiit gah, Lôôk Jê-xu đnooy dii khơl xatyauq kadraq: \"Dik pơơl xet dong leq \n đôôiq dii khơl adro e 'ngưưng gruh anôôp xôq ik muut đom daak dêh ku Kơy Plêêk!\"",
  "24": "Khơl xatyauq thier akêh truh kaluh apok ku Kadraq, bơh muuyq yưưt traa, tuôôy tơơl apok Lôôk Jê-xu đnooy dii oot đaneq:' Khơl koot lơơy, dik laa pơơl xet dang leq xôq muut đom daak dêh ku Kơy Plêêk!",
  "25": "Đôôiq dii ôô laak đaa chuun hlê trop jarưp, nưq laa varơuq klêq iaq soo dii adro kroh muut đom daak dêh ku Kơy Plêêk.\"",
  "26": "Yôôch oot thier raa xôôl dôôl, đnooy dii Kadraq:\" Anưq yôôych kơyq hnoq ik jah wơt?\"",
  "27": " ‘Yo muut oot, Lôôk Jê-xu đnooy: \"Varơuq dơơp leh ik dii koot manih, bơh be aalq dii Kơy Plêêk. Vii dii Kơy Plêêk, tôôy varơuq raay hnoq ik.\"",
  "28": "Phi-e-rơ tok apok tơơl dii Kadraq: \"Thơy 'yo nee, 'wot gô heq ka‘lăăk tôôy thưưq đơu tyauq  thơy.\"",
  "29": "Lôôk Jê-xu tơơl: \"Dong dik, thơy đnooy dii oh ay, be e adro leq ka'lăăk hnhư waah, ay oh, oh ay, vaq miq, koot xau, vari hluôôt vii kơq thơy ji Hêêr Kaxaay,",
  "30": "đơu leh nhơnq jaah gôp hreet yưk jơu neq đom tuôôy đơơy neq: xuq hnhư 'mok ay ooh,ay ooh miq, koot, vari ruôông kung dii varơuq  rôp toop, ji varơuq riirh đơơy đơơy đom tuôôy đơơy hlơu truh.",
  "31": "Bơh ‘ngưưng dro adrooyq hnoq wiih jêêk  atêq, ji adro atêq hnoq tok adrooyq.\"",
  "32": "Jơu neq, oot đong taal trôôk hooy tok truh  Jê-ruu-saa-leem, ji Lôôk jê-xuu đong hooy adrooyq oot. Oot biq ka drăch, măn khơl adro hooy tyaauq atêq yôôch varaar yôq Atêq tuôôy jarooy kưl vaar dro xatyauq đêh vlôôh, Kadraq wiih pa xarôp đnooy dii oot truh kalul varơuq jeq xaliih truh ka Kadraq, ",
  "33": " aneq: \"'yo nee, haay đong hooy tok truh Jê-ruu-saa-leem, ji Koot Manih hnoq biq rôp ăm khơl thơy dok dơơp kôt ji khơl thơy pato gnuun, yôôch oot hnoq ataq ăm păk kaxêêt  Kadraq ji ataq Kadraq ka tamooy kadrơy.",
  "34": "Oot hnoq tache chok Kadraq, xadriirh kaxôôh Kadraq, tiier dook Kadraq, ji păk kaxêê Kadraq, bơh atêq pe hngơy Kadraq hnoq riirh hlê.\"",
  "35": "Ja-kơơ ji Jăng, vaar koot kanơu kua Xê-bêê-đêê, truh tavơơh Kadraq, đnoy dii Kadraq: \"Kuh thơy, ‘wot ưng ik aneq long varơuq kajoq 'wot apôôy vôôch thơy, thơy hnoq dơơp ăm ka 'wot .\"",
  "36": "Yôôch Kadraq đnooy kung oot: \"Ay ooh xung thơy dơơp kajoq ka ay ooh?\"",
  "37": "Nưq laa oot tơơl dii Kadraq: \"xiin tol xôq 'wot aleq ka 'wot e hnoq 'ngôôy đom aduq tađnaah tađaat kua thơy, muuyq adro pii akooh  thơy ji muuyq adro pii akeng thơy.\"",
  "38": "Bơh Lôôk Jê-xuu dăch oot: \"Oh ay be xet haay đong vôôch varơuq kajoq. Oh ay e hnoq hôôych dooy đơu thơy hôôych, long chiuq bap-teem đaji pheep bap-teem đơu thơy chiuq leh?\"",
  "39": "Oot tơơl dii Kadraq: \"Wot e hnoq.\" Yôôch Lôôk Jê-xuu dnooy dii oot: \"Dooy đơu thơy hôôych,  ooh ay hnoq hôôych, ji pheep bap-teem đơu thơy chiuq, oh ay hnoq chiuq. ",
  "40": "Bơh xôq ‘ngôôy pii akoh long pii aken kua thơy yôôch leh jo thơy ralauq xôq, bơh deng ka ado heq jaah raa lauq ‘miêh.\"  ",
  "41": "Tuôôy tameng varơuq neq, kưl dro xatyauq hơq tôq jaraq dii Ja-kơơ ji Jăng.",
  "42": " Atêt tuôôy taayh oot truh, Lôôk Jê-xuu đnooy dii oot: \"Oh ay xet aneq khơl adro jaah vanê  dưk xnưk khơl tamooy kadrơơy yôôych rôp toop manih karôp, ji khơl adro e padrok kôt kua oot yôôch varơuq dơơp qwuyên xôq rôp jư khơl drơyt.",
  "43": "Bơh kaluh vaơuq leh aalq laa đa nưq đom tul oh ay. Wiih hlê, manih leq xung wiih jêêk kôt ka tul oh ay  hnoq jơ laa manih dưk dơơp kua ay ooh, ",
  "44": "ji manih leq xung laa akoq tul đom oh ay hnoq  phayh laa dơơp xpok ka tôôy drơơy.",
  "45": "Vii Koot Manih ta bơh heq leh truh xôq jaah dơơp varơuq, bơh laa xôq dơơp varơuq ji ataaq xăk riirh ni dơơp hlêêl wơơt thii ka 'ngưưng dro.\"",
  "46": " Oot hooy muut theng Jê-rii-kôô. ji đom tuôôy Kadraq đong chuh hooy xiing  Jê-rii-kôô kung khơl xa tyaauq ni ji biing tamoy karôp, yôôch  Ba-tii-mêê, koot kanơu kua Ti-mêê, laa muuyq adro xa xiin apul đong 'ngôôy gaah trôôk.",
  "47": "Tuôôy tameng xet aneq nưq laa Lôôk Jê-xuu manih Na-xaa-reet, ay xa rôp laa kôt ji đnooy: \"Ôô Jê-xuu, Koot vuua Đa-viik, xiin biit angơuq   gô!\"",
  "48": "‘Ngưng dro trek mok ay neq xôq ay niinq hnhep, Bơh ay laa thiêr kôt iaq đnooyq: \"Koot vuua Đa-viik, xiin biit angơuq gô!\"",
  "49": "Atêq tuôôy dưk twaak, Lôôk Jê-xuu đnooy: \"Daayh taayh ay nưq.\" oot taayh dro puul nưq,   dăch ay: \"Daayh iêên langưưp! Dưk tok yơu! Thơy đong taayh ay.\"",
  "50": "Yôôch tuôôy qwel aau kahliik ni hlê muuyq panưh, dưk tok kaah, ay truh kung Lôôk Jê-xuu.",
  "51": "Ee đuu dii ay, Lôôk Jê-xu đnooy: \"Ay xung gô dơơp kajoq ka ay?\" Nưq laa adro apuul tơơl kung Kadraq: \" Raa-bii, nưq laa gô e hnoq 'yo hloq.\"",
  "52": "Nưq laa Lôôk Jê-xuu đnooy dii ay: \"Hooy hooy. Xuum tuuôq kua ay heq payơh ka ay. \"Nưq yôôch, ay 'yo hloq ik yôôch ay hooy tyaauq kadraq taal trôôk.",
  "53": "manih apuul jah tađnah mot hloay, ji hooy tyauq Lôôk Jê-sus tol trôôk."
}