cor_2020_cua_clt_mrk_book/mrk/9.json

{
  "1": "Kadraq đnooy dii oot: \"Dong dik, Thơy đnooy dii oh ay đaneq e muuyq sôôq dro đong dưk đneen laa khơl adro kajưk dik leh dalơh hlê varơuq kaxêêt adroyq katuôôy oot 'yo hloq daak dêh ku Kơy Plêêk truh dii taay yaak.\"",
  "2": "Drơơu hngơy atêq, Lôôk Jê-xu xagook Phi-e-rơ, Ja-kơ ji Jăng yôôych jarooy đa đêh oot hooy tok muuyq ngok đoot yơơt, ji Kadraq jah ramaa xăk kangưưl oot. ",
  "3": "Auu Kadraq vlôh jêêk thier raa xaraar tađnah, koo ploat, pheq đnooy leh muuyq dro thơq goch leq tol dêh araak hnoq ik dơơp ăm koo ik lunưq.",
  "4": "Ê-lii kung Môôi-se jah oot 'yo hloq, ji vaar kơy nưq đong athêêk dii Lôôk Jê-xu.",
  "5": "Tuôôy luh apok, Phi-e-rơ tơơl dii Lôôk Jê-xu:\" Ra-bi, dik laa tolh ka haay măn kađneen, 'wot hnoq ik panưk pee poop raap, muuyq ka thơy, muuyq ka Môôi-se ji muuyq ka Ê-lii.\"",
  "6": "( Vii kơy leh xet kơy duh luh apok đnooy kajoq, bơyh oot raay vraal yôq.)",
  "7": "Yôôych muuyq đum kluk pool truh kluum katuh oot, ji apok xanoh ahnaa vlôh xing đum kuk: \"Neq laa Koot xung xiaq ku Gô. Dayh tameen apok Koot nưq.\" ",
  "8": "Dưng hưng, tuôôy 'yo gah gih, oot paq măn hloq paq e kơyq dêh măn dii oot, đêh vlôh muuyq dro Lôôk Jê-xu.",
  "9": "Tuôôy oot hooy xing tol đoot pôôt, Kadraq patăk oot đaneq oot teliq taboon hlê dii kơyq truh kaluh kajoq oot heq hloq, atoh koq lưưp truh kawah Koot Manih xing aduq kaxêêt riilh hlê.",
  "10": " Oot jưư kiinq apok nưq đom khơl oot, tajauq dii mamuuyq 'yo \"xing aduq kaxêêt riilh hlê\" laa đaleq.",
  "11": "Oot koq hlolh dii Kadraq, tơơl đaneq: \"Aleq khơl thơy pato ganuun đnooy laa Ê-lii pheq truh adroyq?\"",
  "12": "Yôôych Kadraq đnooy dii oot: \"Ê-lii jơq laa truh adroyq xôq ralauq hlê tôôy varơuq. Anưq yôôych apok jah vlơk truh Koot Manih đaneq Kadraq pheq chiuq ‘ngưưng varơuq jiq jiêh ji biq 'yo leq raa kajoq laa luleq?",
  "13": "Lunưq, thơy đnooy dii oh ay đaneq Ê-lii heq truh dik yôôych, ji khơl drơơy heq dơơp xet dong leq varơuq oot trôoch dii kơy, dang đaji apok heq jah vlơk truh kơy.\"",
  "14": "Tuôôy truh aduq khơl xatyauq măn hlê, oot hloq muuyq bing manih thier karôp rawiit gah oot ji khơl thơy pato ganuun đong tagêh apok dii khơl xatyauq nưq.",
  "15": "Jơnưq, tuôôy heq hloq Kadraq, dêq bing manih dưng hưng, ji atêq tuôôy chrơơk truh kung Kadraq oot tiip hrok Kadraq.",
  "16": "Kadraq vôôch khơl xatyauq: \" Oh ay đong tagêh dii oot truh varơuq kajoq?\"",
  "17": "Muuyq dro đom bing karôôp tơơl apok Kadraq:  \"Kuh thơy, gô xagook truh ka thơy dro koot kanơu ku gô, biq muuyq kamuuych hôôp nhôôp muut.",
  "18": "Long aduq leq ni hnoq ik klooyq hlê koot gô, yôôych ni jât amik dro ôôn pôôt, yôôych ôôn vlôh daak kamuh huuy, takiik kaneen, ji găk guulq, gô heq vôôch khơl xatyauq thơy xôq oot druuyh vlôh ni, đơu oot leh đuu kaalh.\"",
  "19": "Tuôôy nưq, tuôôy tơơl hlê oot đaneq, Kadraq đnooy:\" Adrơơk leh tuuôq hơq, gô hnoq măn dii êêp dong truh dong leq? Gô hnoq chiuq uunq khơl êêp dong truh dong leq? Dayh xagook oh de truh ka gô.\"",
  "20": "Oot xagook oh de truh ka Kadraq, ji tuôôy  hloq Kadraq, kamuuych jơnưq khienq ôôn tok ajơ kojưt, yôôych tuôôy gưlh pôôt vari, ôôn vik vlien, vlôh kamuh huuy.",
  "21": "Kadraq vôôch vaq ku ôôn: \"Heq toleq yưk xing tuôôy varơuq neq xalih vlôh dii ôôn?\" Kơy tơơl: \"Xing tuôôy măn de.",
  "22": "Ni kưq 'ngưưng qwel ôôn, ajơ yôôych muut ôôlh, ajơ yôôych pôôt daak, xôq păk kaxêêt ôôn. Bơh atoh Thơy hnoq ik dơơp kajoq, vii biit angơuq 'wot, xiin thơy wăk 'wot.\"",
  "23": "Tuôôy nưq, Lôôk Jê-xu đnooy dii kơy:'\" Atoh thơy hnoq ik' ưư? Tôôy varơuq laa hnoq ik đôôiq dii adro tuuôq.\"",
  "24": "Jơnưq, atêq tuôôy alo tok, vaq ku ôôn tơơl:\" Gô tuuôq! Xiin thơy wơt rơơy katuôôy be tuuôq ku gô!\"",
  "25": "Yôôych tuôôy hloq bing karôôp đong chrơơk truh aduq oot, Lôôk Jê-xu toah gru-xi, patăk ka ni:\" Gru-xi hôôp ji klơk hơq, gô patăk dăt ka maay pheq vlôh klơlh oh de ji paq ik nhôôp muut ni đnoyq.\"",
  "26": "Atêq tuôôy laa kôt ji dơơp ka oh de kojưt rađiit miit, ni huch vlôh klơlh ji oh de vlôh jêêk dang đaji adro kaxêêt, pheq đnooy 'ngưưng dro đnooy đaneq:\" Oh de kaxêêt yôôych.\"",
  "27": "Bơh tuôôy rôôp xok tii ôôn, Lôôk Jê-xu rôôk ôôn kah, ji ôôn dưk tok. ",
  "28": "Atêq tuôôy Kadraq heq hooy muut hnhư yôôych, khơl xatyauq Kadraq vôôch đêh Kadraq đaneq: \"Aleq ‘wot leh ik druyh vlôh ik kamuuych nưq?",
  "29": "Kadraq tơơl kung oot:\" Kaluh kamuuych neq, be ekơyq hnoq ik adruyh ik atoh leh bơyh varơuq apôôy ji varơuq deek xa.\"",
  "30": "Ji xing aduq nưq chuh hooy, oot dalơh hlê dêh Ga-lii-lêê, đơu Kadraq leh trôôch xôq kơyq xet,",
  "31": "Vii Kadraq đong pato dayq khơl xatyauq kadraq, ji đnooy kung oot đaneq: \"Koot Manih jeq biq nôôp muut tii khơl drơơy, oot hnoq păk kaxêêt Kadraq. Tuôôy heq biq păk kaxêêt, Kadraq hnoq riilh hlê atêq pee hngơy.\" ",
  "32": "Bơh oot leh hlolh apok neq, ji yôq pheq vôôch Kadraq.",
  "33": "Oot hooy truh theng Ka-bê-na-uum, ji tuôôy heq muut đom hnhư, Kadraq vôôch oot: \"Oh ay 'miêh tajauq athêêk varơuq kajoq tol trôôk hooy?\"",
  "34": "Bơh oot niinq hnep, Vii oot heq tagêh apok dii mamuuyq tol trôôk hooy 'yo akơyq laa kôt dik. ",
  "35": "Ji atêq tuôôy 'ngôôy pôôt, Kadraq tayh kưưl vaar dro jah rơơlh anguk hlê ji đnooy dii oot: \"Atoh kơyq xung dơơp akoq, adro nưq pheq laa adro lôôch đom dêq hloay ji laa xapok ka tôôy dro.\"",
  "36": "Rơơlh xok muuyq oh de, Kadraq xôq beq de măn katuul oot, yôôych atêq tuôôy kwuôôt oh de tol tii, Kadraq đnooy dii oot:",
  "37": "\"Adro leq tayh yal thơy tiip muuyq đom khơl oh de đaji luneq yôôych dro nưq tiip thơy, ji long kơyq tiip thơy yôôych dro nưq leh vơơ tiip thơy, đơu măn tiip Kơy patăk dăk thơy.\"",
  "38": "Jăng đnooy dii Kadraq: \"Kuh thơy, ‘wot heq hloq muuyq dro nưq taayh yal Thơy druyh kamuuych ji ‘wot heq klol dro nưq hlê, vii dro nưq leh tyauq haay.\" ",
  "39": "Bơh Lôôk Jê-xu tơơl: \"Te klơl adro nưq, vii leh e kơyq laa adro tayh yal thơy dơơp pheep akêh yôôych hnoq ik ka atêq nưq karoay axaap thơy. ",
  "40": "Bơh kơyq leh aalq laa tachơơl dii haay nưq laa muuyq trôôk dii haay.",
  "41": "Vii adro leq taayh yal thơy ăm oh ay muuyq cheet daak vii oh ay thuôk xuq Lôôk Wơt Dêh, dong dik thơy đnooy dii oh ay đaneq adro nưq kajưk dik leh hlơơp phoon kadrool ni . ",
  "42": "Măn dro leq dơơp xatôôlh gưưlh ka muuyq đom khơl dro de neq laa khơl dro tuuôq gamưh aduq thơy, yôôych be tơơn iaq đôôiq dii dro nưq, varơuq tolh iaq laa ni biq veek muuyq apaal phơu kôt rawiit ranong ni, yôôych biq week pôôt tahlii.",
  "43": "Atoh pala tii oh ay hnoq ik dơơp ka oh ay gưưlh lôôp, dayh dol ni ka'lăăk. Varơuq tolh iaq ka oh ay laa dii jiq tâk đơu muut aduq varơuq riilh, măn iaq laa e vaar plaa tii đơu pheq hooy muut ôôlh kruk, đom ôôlh be hmưq poch.",
  "44": "( duq xadrôôk oot leh kaxêêt, ji ôôlh leh biq jôôp apoch)",
  "45": "Atoh plaa jôôk oh ay hnoq ik dơơp ka oh ay gưưlh lôôp, dayh dol ni ka'lăăk. Varơuq tolh iaq ka oh ay laa dii jôôk atuul đơu muut đom aduq varơuq riilh, măn iaq laa e vaar jôôk đơu biq week muut ôôlh kruk.",
  "46": "  ( aduq xadrôôk oot leh kaxêêt, ji ôôlh leh biq apoch) ",
  "47": " Atoh mot oh ay hnoq ik dơơp ka oh ay gưưlh lôôp, dayh glek ni vlôh. Varơuq tolh iaq ka oh ay laa dii muuyq mot đơu muut đom daak plêêk ku Kơy Plêêk, măn iaq laa e vaar mot đơu biq week muut ôôlh kruk,",
  "48": "aduq xadrôôk oot leh kaxêêt ji ôôlh leh biq apoch.",
  "49": "Vii tôôy adro hnoq biq ưm voh bơơn ôôlh.",
  "50": "Voh laa tolh kaxaay, bơh atoh voh wiih vlôh hlơơp phaak, oh ay hnoq pa nhưưm muut ni dii bôôt nhưưm kajoq? Oh ay pheq e voh đom xăk, ji riilh tagu dii mamuuyq.\"",
  "51": "êêp phayh e voh đom xuum êêp, xa măn phayh ik ji mamuuyq."
}