cor_2020_cua_clt_mrk_book/mrk/8.json

{
  "1": "Đom kaluh hngơy nưq, laay e muuyq bing manih thier karôôp, ji be e kajoq xôq xa, atêq katuôôy tayh khơl xatyauq kadraq, Kadraq đnooy dii oot:",
  "2": "\"Thơy biit angơuq bing manih karôôp neq, vii oot kưq măn dii thơy heq pee hngơy yôôych đơu koq lưưp e kajoq xôq xa dêq.",
  "3": "Atoh thơy patăk ka oot hooy xuq hnhư oot dii klaak pa ngoot, yôôych oot hnoq phoch langoch tol trôôk, đơu muuyq sôôq adro đom oot heq truh xing aduq thier raa xangưưi.\"",
  "4": "Khơl xatyauq Kadraq tơơl kung kadraq đaneq: \"Muuyq akơyq nưq aduq neq, măn aduq wăngq vleng neq, hnoq ik xok xing leq đơu ăm bing karôôp đaji neq xa tôôp yu?\"",
  "5": "Kadraq vôôch oot:\" Oh ay e toleq tôôp?\" Oot tơơl: \" Pơơh poop.\"",
  "6": "Kadraq patăk ka manih karôôp ‘ngôôy pôôt vari, ji atêq tuôôy xok pơơh poop tôôp, kuh kwaay, Kadraq pleelh vlôh yôôych palo ka khơl xatyauq kadraq xôq oot hnoq ik xagook wăk dơơp, anưq laa oot adoot vlôh ka manih karôôp. ",
  "7": "Ji oot e toleq poop kaa de, lunưq atêq tuôôy kuh kwaay truh oot, Kadraq dăch oot kung ahlook phơn kaa neq đnoyq.",
  "8": "Manih karôôp xa ji jah phiq phơh, yôôych oot tagoop jah pơơh đêk tôôp taplelh măn rah.",
  "9": "Jơuneq, e kakơh poot ravơu manih. Yôôych Kadraq ăm oot xuq.",
  "10": "jơnưq, atêq tuôôy muut đom gee kung khơl xatyauq kadraq, Kadraq hooy truh dêh Đa-ma-nu-tha.",
  "11": "Khơl adro Pha-ri-si truh đnư ji xarôôp tagê tajauq dii Kadraq, vôôch axek aduq Kadraq, muuyq dơuq akêh xing plêêk, xôq athưh Kadraq.",
  "12": "Atêq tuôôy khơh yơơt đom xuum klaak kadraq, Kadraq tơơl: \" Vii aleq adrơơk neq vôôch axek dơuq akêh? Dong dik, Gô đnooy dii êêp kơy, Be e dơuq akêh leq hnoq jah kahniq ka adrơơk neq...\" ",
  "13": "Yôôych tuôôy heq chuh ka‘lăăk oot, muut hlê đom gee, Kadraq hooy hlê gah piik hơq.",
  "14": "Khơl xatyauq ta‘wol xagook tyauq tôôp,  ji oot be e kajoq dii oot đom gee, đêh vlôh muuyq poop tôôp.",
  "15": "Kadraq đnooy adroyq ka oot đaneq:\" Dayh rơơt rolh! Dayh văch 'yo truh tape ku manih Pha-ri-si ji tape ku Hê-rôôt.\"",
  "16": "Oot tajauq kung mamuuyq đaneq varơuq neq laa vii oot leh e tôôp.",
  "17": "Vii xet đanưq, Lôôk Jê-xu đnooy dii oot:\" Aleq oh ay laay tajauq tayaat vii varơuq oh ay leh e tôôp? Oh ay koq lưưp xet ik, ji kung koq lưưp hlolh ih? E jơq xuum oh ay heq vlôh găk khăk yôôych?",
  "18": "E mot đơu oh ay leh hloq ih? E tôôr đơu oh ay leh tameen ih? Oh ay kung be văch ih? ",
  "19": "Tuôôy thơy plelh dăăp poop tôôp ka dăăp ravơu manih, oh ay heq tôôch jah toleq đêk  atar viik tôôp rah?\" Oot tơơl kung Kadraq: \"Kưưl vaar đêk atar.\"",
  "20": "\"Măn tuôôy pơơh poop tôôp ka poot ravơu manih, oh ay agoop jah toleq đêk atar viik tôôp rah?\" Oot tơơl dii kadraq: \"Pơơh đêk atar.\"",
  "21": "Ji Kadraq đnooy ka oot: \" Dơơp luleq đơu oh ay măn koq hlolh?\"",
  "22": "Oot hooy truh Bêêt-saai-đaa, ji khơl drơơy xagook truh ka Kadraq muuyq adro apuul, yôôych oot apôôy vôôch Kadraq xôq Kadraq  hnoq ik vêq muut ay nưq.",
  "23": "Rôôp tii dro apuul, Kadraq jarooy ay nưq vlôh pi gôk plơơy. Atêq tuôôy kaxôôh daak dieu tol mot ay, xôq tii kadraq tol ay, Kadraq vôôch ay:\" Ay e hloq paq kêê thưư kajoq be?\"",
  "24": "'ngơơk 'yo tok, ay tơơl:\" Gô hloq khơl drơơy đơu oot 'yo daang kaluh ưưk gaay đong hooy.\" ",
  "25": "Atêq nưq, muuyq yưưt traa, Kadraq xôq tii tol mot ay, yôôych ay 'yo anhinq, mot jah yơơh hlê ji ay 'yo hloq tôôy thưưq roh hloay.",
  "26": "Kadraq dăt ay hooy xuq hnhư ni, pato dăt:\" Te duh muut đom plơơy.\"",
  "27": "Lôôk Jê-xu kung khơl xatyauq kadraq hooy muut kaluh plơơy plaa ku xê-xa-rê Phi-liip, ji tol trôôk hooy, Kadraq vôôch khơl xatyauq kadraq đnooy dii oot đaneq: \"Khơl drơơy đnooy thơy laa kơyq?\" ",
  "28": "Yôôych oot đnooy dii Kadraq, tơơl đaneq: \"Jăng Bap-tiik, sôôq kadrơơy laa' Ê-lii.' măn sôôq đêh đnoyq laa: 'Muuyq đom khơl hnhư hliit.\"'",
  "29": "Kadraq vôôch oot: \"Măn oh ay đnooy thơy laa kơyq?\" Yôôych tuôôy tơơl apok, Phi-e-rơ tơơl kung Kadraq: \"Thơy laa Lôôk Wơt Dêh.\"",
  "30": "Kadraq đnooy adroyq ka oot đaneq oot leh duh đnooy dii kơyq truh Kadraq.",
  "31": "Ji Kadraq xarôôp pato oot đaneq Koot Manih pheq chiuq ‘ngưưng varơuq jiq jiêh, biq ka'lăăk vlôh xing khơl draq lơơk, khơl thơy dok dơơp kôt kung khơl thơy pato ganuun, ji biq păk kaxêêt, yôôych riilh hlê atêq pee hngơy. ",
  "32": "Kadraq heq đnooy apok neq trôôk roh rang. Phi-e-rơơ, atêq tuôôy jarooy Kadraq đêh vlôh, xarôôp trek kưq Kadraq. ",
  "33": "Bơh, tuôôy heq wiih hlê ‘yo khơl xatyauq kadraq, Kadraq toah Phi-e-rơ đaneq:\" Sa-tan hơq, dayh chuh vlôh pi têq gô! Vii ay leh xôq xuum ay biit truh varơuq ku Kơy Plêêk, đơu vơơ truh varơuq koot manih.\"",
  "34": "Atêq tuôôy tayh bing karôôp kung khơl xatyauq kadraq, Kadraq đnooy dii oot:\" Atoh kơyq trôôch tyauq atêq gô, dro nưq pheq chôôiq ka'lăăk xăk xamơk, hlôôy gaay chrăk ni ji tyauq gô.",
  "35": "Bơh long kơyq trôôch wơt xăk riilh ni, yôôych hnoq dơơp hlơơp ni, măn dro leq vii kơq gô ji Hêêl Kaxaay hnoq chiuq hlơơp xăk riilh ni, yôôych hnoq wơt jah ni.",
  "36": "Vii e iit kajoq ka adro jah dêq dêh araak đơu laay hlơơp phool hiel ni? ",
  "37": "Dro nưq hnoq ik xok kajoq đaji tuôông tađôôi hlê dii phool hliel ni?",
  "38": "Atoh akơyq kamưưl truh gô ji apok ku gô đom adrơơk apuq atrăp ji kadrôp maroh neq, yôôych Koot Manih kung hnoq kamưưl truh adro nưq tuôôy Kadraq truh đom tađnah tađnaak ku Vaq Kadraq kung dii khơl kơy yaak vah.\""
}