See in Reader
40 lines
5.7 KiB
JSON
40 lines
5.7 KiB
JSON
{
|
||
"1": "Khơl adro Pha-ri-si kung toleq thơy pato ganuun, heq truh xing Jê-ru-sa-leem, đong tưưuq hlê rawiit gah Kadraq.",
|
||
"2": "Vii heq 'yo hloq muuyq sôôq khơl xatyaauq ku Kadraq, tuôôy oot xa tôôp dii plaa tii klơl yêq, nưq laa koq a'nhaau.",
|
||
"3": "( Jo manih Pha-ri-si kung đaji dêq hloay manih Jo Thaaiq raay leh xa waal atoh koq 'nhaau tii oot rơơt roolh, vii tameen jưư apok pato ku vaq kơy;",
|
||
"4": "ji thưưq xagook xing tabôôt xa xuq, oot leh xa atoh koq paxa rêh, Ji măn 'ngưưng thưưq kadrơơy đơu oot heq vook xok xôq dơơp tyauq: varơuq a'nhaau dooy dơơt, goq vuung, ji kaluh vlong tađnưk bơơn đôông.)",
|
||
"5": "Khơl manih Pha-ri-si ji thơy pato ganuun 'yo vôôch Kadraq: \"Vii aleq khơl xatyauq ku thơy leh riilh tyauq apok pato ku vaq kơy, đơu laay xa tôôp bơơh tii koq 'nhaau?\"",
|
||
"6": "Bơh tuôôy tơơl apok oot, Kadraq đnooy đaneq: \"Ê-saai đnooy hlit thier jơq truh khơl adro xuum pa ôôh êêp kơy. Đaji e vlơk luneq: \"Tamooi neq vnê ayuuôt gô măn ka veer kapiek bơh xuum klaak ku oot yôôych xangưưi klơlh gô .",
|
||
"7": "Măn oot ayuuôt laat gô đaji hloh, tuôôy pato daayq kaluh ganuun ku koot manih đaji kaluh ganeen.'",
|
||
"8": "Dơơyh ka‘lăăk apok pato ku Kơy Plêêk, êêp kơy jưư tyaauq apok pato ku koot manih.\"",
|
||
"9": "Ji Kadraq đnooy ka oot: \" Êêp kơy dik rơơt chôôiq ka'lăăk apok pato ku Kơy Plêêk xôq tameen jưư apok pato ku êêp! ",
|
||
"10": "Vii Môôi-se pato:' Dayh vnê vado vaq haay kung miq haay,' ji' Dro leq axaap vaq long miq - dro nưq pheq chiuq ka varơuq dơơp bơơn varơuq kaxêêt.'",
|
||
"11": "Bơh êêp kơy đnooy: 'Atoh muuyq adro đnooy dii vaq long miq ni: \"long varơuq đơu vaq miq xưnq dik jah lo văch xing koot laa Ko-baan (nưq laa ' kuah lêêh tưp Kơy Plêêk')\",",
|
||
"12": "yôôych êêp kơy leh ăm pheep adro nưq dơơp paq kêê varơuq kajoq ka vaq long miq ku ni đnoyq,",
|
||
"13": "dơơp apok ku Kơy Plêêk vlôh raa be ik xung liq bơơn apok pato ku êêp kơy đơu êêp kơy heq pato hlê, ji êêp kơy dơơp 'ngưưng varơuq dang đaji lunưq.\"",
|
||
"14": "Ji atêq tuôôy laay tayh manih karôp truh, Kadraq đnooy dii oot: \" Dêq hloay oh ay dayh tameen gô ji dayh hlolh:",
|
||
"15": "Be e kajoq xing pi gôk muuyq adro muut đom dro nưq đơu hnoq ik dơơp klơl yêq dro nưq; bơh kaluh varơuq xing pi'lăăp vlôh klơlh xăk đơơu laa kaluh varơuq dơơp klơl yêq khơl drơơy.\"",
|
||
"16": "( Atoh kơyq e tôôr xôq tameen, dayh tameen.)",
|
||
"17": "Tuôôy Kadraq hooy muut hnhư, xangưư klơlh bing karôp, khơl xatyauq Kadraq vôôch Kadraq truh apok atoh.",
|
||
"18": "Kadraq đnooy dii oot: \"Luneq đơu oh ay kung leh e varơuq hlulh hlolh ih? Oh ay leh nhonq hloq đaneq tôôy thưư xing pi gôk muut đom muuyq adro leh ik dơơp klơl yêq dro nưq ik ih?",
|
||
"19": "Vii ni leh hooy muut đom xuum manih, đơu laa muut klaak, yôôych biq ka'lăăk vlôh đom hnhư kaxooh ( iq laa tôôy tuôông xa raay xarêh xaraat.) ",
|
||
"20": "Bơh Kadraq đnooy đaneq: \"Varơuq vlôh klơh xăk đơơu laa thưư dơơp klơl yêq khơl drơơy. ",
|
||
"21": "Vii măn pi'lăăp, avlôh xing xuum klaak koot manih, xanh vlôh kaluh biit xơk, apuq atrăp, atôk vroh, păk kaxêêt manih,",
|
||
"22": "tapơq bơơyq, hmưch goa, xơk tauq, pa ôh aluut, paa rưưng, kalook mot 'yarơ, karoay axaap, tơơk dalơh, tavơ xơ.",
|
||
"23": "Tôôy varơuq xơk neq xing pi'lăăp đơu vlôh ji oot dơơp klơl yêq khơl drơơy.\" ",
|
||
"24": "Yôôych tuôôy heq dưk tok khơlh đnư, Kadraq hooy truh dêh Ti-rơơ ji Si-đôôn. ji tuôôy heq muut đom muuyq kôôch hnhư, Kadraq leh trôôch kơyq xet, đơu leh ik kadu xăk ik.",
|
||
"25": "Bơh vơơ jơnư, muuyq khơl kadrê hơq, laa adro e koot kadrê de ku mư biq ka-muuych nhôp, vii heq tameen truh Kadraq, lunưq tuôôy truh, mư kuul xăk pôôt aduq jôôk Kadraq.",
|
||
"26": "Tuôôy nưq, khơl kadrê nưq laa manih Hi-laap, ưk Si-rô-phê-ni-xi, ji mư apôôy vôôch Kadraq xôq Kadraq druyh ka-muuych vlôh klơlh koot kadrê ni.",
|
||
"27": "Kadraq đnooy dii mư: \"Adrooq dik, pheq xôq koot xaau jah xa dong phiq hămq, vii dik laa leh xaay tuôôy xok tôôp ku koot xaau ji avih ka xo koot.\" ",
|
||
"28": "Bơh mư tơơl hlê ji tơơl kung Kadraq:\" Jơq anưq, kuh Lôôk, ji toleq xo koot măn 'lăăpq para xa xing kaluh kapleh tôôp ku koot xaau.\"",
|
||
"29": "Nưq laa Kadraq dăt mư: \"Vii apok neq, mư dayh xuq yơu. Kamuuych heq vlôh klơh \nkoot kadrê ku mư.\"",
|
||
"30": "Tuôôy hooy xuq truh hnhư ni, mư hloq dro de vik tol ravaak, ji kamuuych heq vlôh klơlh.",
|
||
"31": "Ji muuyq yưk traa, atêq tuôôy chuh klơlh dêh Ti-rơơ, Kadraq hooy dalơh hlê theng Si-đôôn truh tahlii Ga-li-lê, truh katuul dêh Đê-ka-bô-lơ.",
|
||
"32": "Khơl drơơy xagook truh ka Kadraq muuyq dro klơk ji hôôp, Yôôych oot apôôy vôôch Kadraq, hlơu ka Kadraq xôq tii tol ay nưq.",
|
||
"33": "Tuôôy heq kadih ni xagook dro nưq vlôh bing karôp, Kadraq xôq kaluh lôk tii kadraq muut vaar troop tôôr ay, ji tuôôy kaxôh daak dieu yôôych, Kadraq para muut kapiet ay.",
|
||
"34": "Ji ‘ngơơk mot tok plêêk, Kadraq khơơh yơơt, yôôych đnooy dii ay: \"Eep-pha-ta,\" ( iq laa: \" Dayh luh vlôh!\").",
|
||
"35": "Anưq laa tôôr ay nưq jah luh vlôh, pơơl hwơơl aduq kapiet ay jah tơq dơơyh, ji ay xarôôp đnooy ik hloay.",
|
||
"36": "Kadraq kôômq oot xôq oot leh đnooy dii kơyq. Bơh Kadraq kơơn kôômq oot toleq, oot laay kơơn taboon hêêl nưq vlôh 'ngưưng iaq tonư. ",
|
||
"37": "Khơl drơơy thier raa akêh, đnooy đaneq:\" Kơy nưq heq dơơp tôôy varơuq dik tolh hloay. Pheq đnooy, kơy nưq khienq ka adro klơk tameen ik ji adro hôôp đnooy ik.\""
|
||
}
|