See in Reader
44 lines
6.2 KiB
JSON
44 lines
6.2 KiB
JSON
{
|
||
"1": "Muuyq yưk traa, Kadraq xarôôp pato daayq pi gah tahlii, ji muuyq bing manih thier karôôp taguumq hlê rawiit gah Kadraq. Vii anưq, Kadraq heq tawaak muuyq muuyq pop gee tol tahlii xôq 'ngôôy aduq nưq, măn dêq hloay bing manih măn tol gah tahlii.",
|
||
"2": "Kadraq pato oot 'ngưưng varơuq bơơn apok atoh, ji đom varơuq pato daayq ku kadraq, Kadraq đnooy dii oot:",
|
||
"3": "\"Dayh tameen nee! Hơq, muuyq dro dơơp nôông hooy vlôh praay adrek.",
|
||
"4": "Varơuq xlih vlôh tuôôy manih praay adrek, muuyq sôôq kalook klêh gah trôôk ji kaluh xêêp truh xa dêq sôôq nưq.",
|
||
"5": " Sôôq kalook kadrơơy klêh tol aduq phơu kaloong, laa aduq leh e toleq vari dik, ji ni vlok tok hloay jơnưq, vii leh chaah jaruq muut vari.",
|
||
"6": "Tuôôy mot hngơy vlok tok, ưưk biq tôq huur vuh, ji vii leh e rayaah, lunưq oot biq yauq kateh.",
|
||
"7": "Sôôq kadrơơy klêh muut katuul pôôp jaliê. jaliê jalôk vlok tok qwat qwek ni, ji ni leh vlôh raak plaay kajoq ik.",
|
||
"8": "Kaluh kalook kadrơơy đnoyq klêh tol vari dik, dong kalook xagook truh raak plaay, tuôôy vlok tok yôôych jah kôt tok, ji ni raak plaay vlôh pe kưưl, vlôh drơơu kưưl, ji vlôh muuyq hreek.\" ",
|
||
"9": "Ji Kadraq đnooy: \"Akơyq e tôôr xôq tameen, dayh tameen.\"",
|
||
"10": "Tuôôy Kadraq măn đêh muuyq dro, khơl adro măn rawiit Kadraq kung kưưl vaar dro jah rơơlh vôôch Kadraq truh kaluh apok atoh nưq.",
|
||
"11": "Kadraq đnooy dii oot: \"Varơuq kadook truh daak dêh ku Kơy Plêêk heq jah kahniq ka oh ay, bơh dii khơl adro kadrơơy, tôôy thưq raay laa bơơn apok atoh,",
|
||
"12": "xôq tuôôy ‘yo, yôôych oot măn hnoq ik ‘yo, đơu leh hloq ik, tuôôy tameen, yôôch oot măn hnoq tameen, đơu leh hlolh ik, long eh, oot wiit xuum hlê ji kadrôp jah ka'lăăk ka oot.\"",
|
||
"13": "Kadraq đnooy dii oot: \" Oh ay leh hlolh apok atoh neq ih? Anưq yôôych dơơp aleq oh ay hlolh dêq hloay kaluh apok atoh?",
|
||
"14": "Manih praay kalook nưq praay hêêl kaxaay.",
|
||
"15": "Măn đneen laa khơl adro pi gah trôôk aduq đơu hêêl kaxaay jah praay vlôh, đơu tuôôy oot tameen hêêl kaxaay nưq, Kamuuych vơơ hloay truh ji vrooh xok hêêl kaxaay heq jah praay aduq oot.",
|
||
"16": "Kung anưq, neq laa khơl adro aduq phơu kaloong tuôôy jah praay, nưq laa adro đơu tuôôy oot tameen hêêl kaxaay, vơơ nhonq xok hêêl kaxaay dii xuum hlah,",
|
||
"17": "đơu oot leh e rayaah đom xăk đơu vơơ laa đa đơơ. Anưq laa tuôôy pơơl daal long rôôp toop xlih vlôh vii kơq hêêl kaxaay, oot vơơ xatôôlh gưưlh .",
|
||
"18": "Sôôq kadrơơy laa khơl adro katuul pôôp jaliê jah praay hêêl kaxaay. Nưq laa khơl adro tameen hêêl kaxaay,",
|
||
"19": "đơu kaluh varơuq tabôông truh đơơy neq ji biit apau ku varơuq kroh e, kung xuum hmưch trôôch 'ngưưng varơuq kadrơơy xleh muut, qwat hach hêêl kaxaay ji ni vlôh leh raak plaay. ",
|
||
"20": "Ji neq laa khơl adro tol vari kaxaay jah praay hêêl kaxaay, nưq laa khơl adro tameen hêêl kaxaay ji nhonq xok, yôôych vlôh raak tagăp plaay, vlôh pee kưưl, vlôh drơơu kưưl, ji vlôh muuyq hreek.\" ",
|
||
"21": "Kadraq đnooy ka oot: \"Đeen ataak tok leh aalq xôq ik xôq 'lăălq xaluk long 'lăălq chanưng jơq be? Be aalq xôq ni ik xôq tol jôôk đeen ih?",
|
||
"22": "Vii be e varơuq leq laa kadook paduu atoh be laaq laa xôq jah tauq vlôh, kung leh e varơuq kajoq heq xlih vlôh trôôk paduu kadip đơu leh aalq laa xôq jarooy truh aduq kahnoq vlôh,",
|
||
"23": "Atoh kơyq e tôôr xôq tameen, dayh tameen.\" ",
|
||
"24": "Yôôch Kadraq đnooy dii oot: \"Dayh rơơt rol varơuq oh ay temeen. Oh ay hlơk wolh tyauq toq leq, yôôch toq nưq hnoq jah hlơk wolh ka oh ay ji ni hnoq jah hnook athêêp ka oh ay đnoyq.",
|
||
"25": "Vii dro leq e yôôych ni hnoq jah kahniq ăm dro nưq, măn dro leh e, yôôych pheq đnooy kajoq đơu dro nưq e, hnoq biq xok hooy klơlh ni.\"",
|
||
"26": "Kadraq taboon: \"Daak dêh ku Kơy Plêêk laa luneq: dang đaji muuyq dro hơq praay adrek tol vari,",
|
||
"27": "ay nưq vik long prol, klôôy long hngơy, kalook adrek vlok muuh ji kôt tok luleq - kadih ay leh xet. ",
|
||
"28": "Vari vlôh raak tagăp plaay tyauq trôôk ku ni: adroyq dik laa ưưk hlaa, atêq nưq truh raak vaa, yôôych kalook vôôk prêq aduq raak nưq. ",
|
||
"29": "Yôôych tuôôy xiêk vaa dôôp drêêk, ay vơơ paloo plaa lahaayq vii xiêk varoot goch heq truh.\"",
|
||
"30": "Ji Kadraq đnooy: \"Haay hnoq ik atoh 'yo daak dêh ku Kơy Plêêk đaji luleq, long haay hnoq ik padooh vlôh daak dêh nưq bơơn apok atoh kajoq?",
|
||
"31": "Dang đaji muuyq kalook avơy, laa kalook đơu tuôôy jah praay pôôt vari, 'miêh laa de dik đom dêq hloay kaluh kalook tol vari,",
|
||
"32": "đơu tuôôy heq jah praay yôôych, ni vlok tok ji vlôh jêêk kôt yơơt iaq tôôy kaluh kaxeq đom hluôôt, ji ni pachaah vlôh kaluh đook kôt, pheq đnooy xêêp plêêk hnoq ik dơơp tapuu 'lăălq yôôp ni.\"",
|
||
"33": "Dii 'ngưưng apok atoh đanưq, Kadraq padooh hêêl kaxaay ka oot, 'yo tyauq kakơh oot hnoq ik tameen ik;",
|
||
"34": "bơh Kadraq be padooh kajoq ka oot đơu leh e apok atoh, lunưq tuôôy măn đêh, Kadraq padooh hlolh tôôy varơuq ka khơl xatyauq Kadraq. ",
|
||
"35": "Đom hngơy nưq, tuôôy mot hngơy heq wih gach, Kadraq đnooy dii oot: \"Haay duh tapa hlê kơơn gah pi hơq.\"",
|
||
"36": "Ji atêq tuôôy chuh klơlh bing tamooi, oot jarooy Kadraq kung hooy dii oot, vii Kadraq 'miêh đong măn tol gee. Kung e kaluh gee kadrơơy xatyauq Kadraq.",
|
||
"37": "Muuyq đơơt khiel kaxuh thier kôt puuh tok ji ralaaq kưq kapuh muut gee pheq đnooy gee jeq biq viik daak.",
|
||
"38": "Măn kadih Kadraq đong măn pii atêq gee, ganưq angôôlh vik. Oot paah yơk Kadraq ji tơơl kung Kadraq: \"Thơy lơơy, thơy leh biit laa haay jeq kaxêêt ih?\"",
|
||
"39": "Atêq tuôôy kadrach kah, Kadraq toah khiel ji xanoh dii tahli:\" Dayh hnheep yơu! Dayh langưưp yơu!\" Anưq laa, khiel dưk kapuh, ji e varơuq ien hnheep dêq hloay.",
|
||
"40": "Kadraq dăt oot: \"Aleq oh ay yôq? Oh ay măn koq e xuum tuuôq ih?\"",
|
||
"41": "Oot biq kadrach vraar dii xuum yôq paal paq ik ji oot đnooy dii mamuuyq:' Anưq yôôych Dro neq laa kơyq, vii pheq đnooy khiel ji tahli pheq tameen apok Kadraq?\""
|
||
}
|