See in Reader
31 lines
4.8 KiB
JSON
31 lines
4.8 KiB
JSON
{
|
||
"1": "Tuôôy wiit muut hlê đom theng Ka-bê-na-uum atêq toleq hngơy, manih karôôp tameng xet đaneq Kadraq đong măn đom hnhư.",
|
||
"2": "Ji 'ngưưng adro heq anguk hlê pheq đnooy paq măn e duq đnoyq, hloay kaduq 'mok vlôh muut kung leh, măn Kadraq pato hêêl kaxaay ka oot.",
|
||
"3": "Muuyq sôôq adro truh kung Kadraq, xagook tyauq muuyq dro talêêt, jah xakôôk xing poot dro.",
|
||
"4": "Jo leh ik truh jeq Kadraq vii kơq manih karôôp, oot tơq apoo đơơ klip aduq Kadraq măn, ji atêq tuôôy dơơp vlôh kawaah hoong, oot raduuk pôôt chanưng đơu dro talêêt đong vik.",
|
||
"5": "Tuôôy heq hloq xuum tuuôq ku oot, Lôôk Jê-xu đnooy dii dro talêêt: \"Nee koot, kadrôp maroh koot heq jah ka'lăk!\"",
|
||
"6": "Bơh toleq thơy pato ganuun đong 'ngôôy măn đnư biit đom xuum oot: ",
|
||
"7": "“Aleq dro neq laay đnooy đanưq? Kơy nưq dik katơk dalơh! Kơyq e qwuyen ka'lăk kadrôk đêh vlôh muuyq dro Kơy Plêêk?\" ",
|
||
"8": "Jơ nưq, vii Lôôk Jê-xu heq xet đom xuum klaak Kadraq đaneq oot đong kadih biit ravơq đanưq, Kadraq đnooy dii oot: \"Aleq êêp kơy laay biit kaluh varơuq nưq đom xuum?",
|
||
"9": "Varơuq leq laa klêq iaq xôq đnooy dii dro talêêt, Kadrôp Marooh ay heq jah ka'lăăk!' long đnooy 'dayh dưk tok, kabiin chanưng ay tok ji tawaak hooy!'? ",
|
||
"10": "Bơh xôq khơl kơy xet đaneq Koot Manih tol vari neq e thââmh qwuyen ka‘lăăk kadrôk\", Kadraq đnooy dii dro talêêt: ",
|
||
"11": " \" Gô dăt ay dayh dưk tok, kabiin chanưng ku ay tok, ji hooy xuq hnhư ay.\"",
|
||
"12": "Anưq laa atêq tuôôy dưk kah yôôych vơơ hloay kabiin chanưng tok, ay nưq hooy vlôh kangưưl tôôy dro, pheq dơơp dro leq dro nưq raay akêh ji yuuôt laat Kơy Plêêk, đnooy đaneq:\" Haay koq hmưq hloq varơuq đanưq.\"",
|
||
"13": "Kadraq laay hooy vlôh gah tahli, ji dêq bing tamooi truh dii Kadraq, yôôych Kadraq pato daayq oot.",
|
||
"14": "Đong tuôôy hooy dalơh hlê, Kadraq hloq Lê-vi, koot kanơu ku A-phêê, đong 'ngôôy aduq xok xơơu, yôôych Kadraq dăt kơy: \"Dayh tyauq thơy!\" Atêq tuôôy dưk tok, kơy tyauq Kadraq.",
|
||
"15": "Varơuq xlih vlôh tuôôy Kadraq đong xa waal aduq hnhư kơy, 'ngưưng dro xok xơơu kung đaji adro e kadrôp kung 'ngôôy xa dii Lôôk Jê-xu ji khơl xatyauq Kadraq, vii 'ngưưng dro kung heq tyauq Kadraq.",
|
||
"16": "Tuôôy khơl thơy pato ganuun bing ja Pha-ri-si hloq đaneq Kadraq 'ngôôy xa dii khơl dro e kadrôp ji khơl xok xơơu, oot đnooy dii khơl xatyauq Kadraq: \"Aleq Kơy nưq xa kung dii bing xok xơơu ji adro e kadrôp ?\"",
|
||
"17": "Atêq tuôôy tameen apok nưq, Lôôk Jê-xu đnooy dii oot: \"Manih kaalh paraat leh e duh truh thơy jarơơu; bơh laa manih tavơh jiêh. Gô leh truh xôq taayh tawooyh manih hyioh jăk, đơu laa adro e kadrôp.\"",
|
||
"18": "Măn Khơl xatyauq ku Jăng ji manih Pha-ri-si đong deek xa, oot kung truh ji vôôch Kadraq: \"Vii kakơq kajoq đơu khơl xatyauq ku Jăng ji khơl xatyauq ku manih Pha-ri-si deek xa, bơh khơl xatyauq ku thơy leh deek xa?\"",
|
||
"19": "Lôôk Jê-xu đnooy dii oot:\"Khơl adro jưư lêêh pajêêk be ik deek xa đom tuôôy ok đong măn dii oot, jơq be? Tabơh dong leq oot e ok măn dii oot, yôôych oot hnoq leh deek xa ik.",
|
||
"20": "Bơh kaluh hngơy hnoq truh, laa tuôôy đơu ok heq biq xagook hooy klơh oot, yôôych tuôôy nưq, oot hnoq deek xa đom kaluh hngơy nưq. ",
|
||
"21": "Leh ekơyq kavaal muuyq apek vaayh đơơu muut pop auu duut, bơh atoh đaji e kơyq dơơp anưq, yôôych dơơp taa hyaak phoon apek kavaal aduq pop aau, aduq vaayh đơơu dii vaayh duut, yôôych hêêl hyaak măn xâuq iaq vlôh e. ",
|
||
"22": "Leh ekơyq tađnưk lok đơơu đom bơu kađuh duut, bơh atoh đaji e kơyq dơơp anưq, yôôych lok hnoq dơơp chaar vadah bơu kađuh, yôôych dêq lok hloay bơu kađuh raay biq hưư, tađôôy muut đnư, lok đơơu măn đom bơu kađuh đơơu.\"",
|
||
"23": "Varơuq xlih vlôh muut hngơy Pa-dơơy, tuôôy Kadraq hooy dalơh hlê toleq aloq vaa, khơl xatyauq Kadraq xarôôp prăch raak vaa awaay đom tuôôy hooy trôôk.",
|
||
"24": "Manih Pha-ri-si đnooy kung Kadraq: \" 'Yo hơơ, aleq khơl oot dơơp varơuq leh ik dơơp đom hngơy Sa-baat?\" ",
|
||
"25": "Kadraq dăt oot: \"Êêp kơy koq hmưq đok varơuq Đa-vik - vuua ji khơl manih kung hooy dii kơy - heq dơơp tuôôy vuua e kơơn duh ji biq pangoot ih?",
|
||
"26": "Đaleq đơu kơy heq hooy muut hnhư Kơy Plêêk đom đơơy thơy tơk tưp kôt A-bia-thaa, ji xa tôôp tơk tưp, laa tôôp leh ik pheep xa, đêh vlôh khơl thơy tơk tưp, ji kơy kung ahlook ka khơl adro đong măn kung dii kơy?\"",
|
||
"27": "Kadraq đnooy dii oot: \"Hngơy Sa-baat jah dơơp vlôh vii koot manih, nưq leh aalq koot manih vii hngơy Sa-baat.",
|
||
"28": "Vii anưq, Koot Manih laa Lôôk, hloay ka ku hngơy Sa-baat.\""
|
||
}
|