See in Reader
40 lines
5.9 KiB
JSON
40 lines
5.9 KiB
JSON
{
|
||
"1": "Tuôôy Kadraq đong chuh klơlh hnhư hơu, muuyq đom khơl xatyauq Kadraq tơơl dii Kadraq: \"Thơy lơơy, ‘yo hơơ! kaluh talaat phơu kôt xet taleq ji kaluh xơơy panưk kaxaay liep xet dong leq!\"",
|
||
"2": "Lôôk Jê-xu đnooy kung khơl xatyauq nưq: \"Ay hloq kaluh paak hnhư kôt yơơt neq ih? hnoq be măn e muuyq kuk phơu leq măn đneen ik xôq rahloot tol kuk phơu kadrơơy đơu phơu nưq hnoq leh biq pahrưưp hrưưp.\" ",
|
||
"3": "Ji tuôôy Kadraq đong ‘ngôôy tơl đoot Ô-liiu taa hyioh hnhư hơu, Phi-e-rơ, Ja-kơ, Jăng ji Anh-rê vôôch đêh Kadraq:",
|
||
"4": "\"Xiin thơy đnooy ka ‘wot, tuôôy leq kaluh varơuq nưq hnoq xlih vlôh? ji e dơuq hlêêl kajoq tuôôy kaluh varơuq nưq jeq ik jah jêêk?\"",
|
||
"5": "Tuôôy nưq, Lôôk Jê-xu tok apok đnooy dii oot:\" Dayh rơơt rolh, te xôq kơyq jarooy pato oh ay hooy hyaak hyuur.",
|
||
"6": "‘Ngưng dro hnoq truh taayh yal thơy, đnooy đaneq: 'Laa gô neq, 'Ji oot hnoq jarooy 'ngưưng adro hooy hyaak hyuur.",
|
||
"7": "Măn Tuôôy oh ay tameen truh hmot jăk ji hêêl đnooy truh hmot jăk, yôôych te biit yôq; varơuq nưq phayh xlih vlôh, bơh koq aalq laa lôôch dik.",
|
||
"8": "Vii tamooi neq hnoq dưk tok tachơơl hlê tamooi kadrơơy, ji daak neq tachơơl hlê daak hơq. Hnoq e ahrưng vari măn ‘ngưưng aduq, hnoq e 'ngưưng naanq pangoot. Bơh varơuq nưq laa đơơu xarôôp ku kaluh đơơt jiq takoot klaak. ",
|
||
"9": "Mot kadrơơy, kadih oh ay pheq 'yo rơơt. Khơl drơơy hnoq nôôp oh ay ka hnhư xadrah ji ka hnhư taguumq, oh ay hnoq biq tiel đnayh, hnoq dưk kangưưl khơl adro padrok ji khơl vuua vii kơq thơy, đaji muuyq apok xanưk ka oot.",
|
||
"10": "Ji adroyq dik, Hêêl Kaxaay phayh jah padooh taboon ka tôôy daak tamooi.",
|
||
"11": "Tuôôy oot rôôp jarooy oh ay hooy atăq nôôp, te biit truh apok haay pheq đnooy. Lunưq, atoh apok leq jah kahniq ka oh ay đom wat nưq, yôôych dayh đnooy apok nưq; vii oh ay be aalq laa adro đong đnooy, bơh laa Kơy Phool Hiel.",
|
||
"12": "Ay hnoq nôôp oh muut aduq kaxêêt, vaq yôôych nôôp koot. yôôych koot xaau hnoq dưk tok tachơơl hlê vaq miq ji khienq oot biq kaxêêt.",
|
||
"13": "Oh ay hnoq biq tôôy dro ‘yarơ geet vii yal ku thơy. Bơh akơyq kajưk xuum dong truh lôôch dik, dro nưq hnoq jah wơơt.",
|
||
"14": "Mot kadrơơy, tuôôy oh ay hloq varơuq ramêq ku varơuq hruh hreek xlih vlôh kaduq leh duh e ( dro đok pheq hlolh), yôôych khơl leq măn aduq dêh Ju-đê dayh chrơơk duu tok magôk,",
|
||
"15": "măn kơyq măn tol apoo hnhư, te pôôt kung te muut 'lăăp xôq xok paq kêê kaluh kajoq vlôh klơlh hnhư xăk,",
|
||
"16": "Ji akơyq măn magôk manaay, te wiit hlê xuq \ndii kaluh thưưq măn pii atêq xôq xok auu kahliik ku xăk.",
|
||
"17": "Bơh raa ơơh dik hloay ka khơl kadrê đong măn bonq ji khơl drê ăm koot uuq đom kaluh hngơy nưq!",
|
||
"18": "Wiih hlê, dayh xadrook apôôy xôq varơuq nưq leh xlih vlôh muut xiêk kawoaq.",
|
||
"19": "Vii đom kaluh hngơy nưq hnoq e pơơl dal truh mưk koq hmưq e đanưq kêê xing tuôôy xarôôp panưk pajêêk, laa tuôôy Kơy Plêêk panưk jêêk tôôy parooh dong truh juneq, ji kung hnoq leh dong leq e hlê.",
|
||
"20": "Ji atoh Lôôk leh hrut lêq kaluh hngơy nưq, tôôy xăk xamơk hnoq be jah wơơt. Bơh vii kơq khơl adro jah rơơlh, laa khơl adro Kadraq heq rơơlh, Kadraq goch palêq sôôq hngơy nưq.",
|
||
"21": "Tuôôy nưq, atoh kơyq nưq đnooy dii oh ay: ' 'Yo nee, Lôôk Wơơt Dêh măn đneen! 'yo Hơq, măn kơn hơơ!' yôôych te tuuôq.",
|
||
"22": "Vii lôôk wơơt dêh pa ôôh ji khơl hlit pa ôôh hnoq jah tanhơ tok, yôôych hnoq kahnoq vlôh kaluh dơuq akêh ji pheep akêh xôq, atoh hnoq ik, dơơp ăm hyaak hyuur khơl adro jah rơơlh. ",
|
||
"23": "Bơh oh ay pheq 'yo rơơt! Dayh 'yo nee, thơy heq ăm oh ay xet adroyq tôôy varơuq yôôych.",
|
||
"24": "Long anưưq, muut kaluh hngơy nưq, atêq ka pơơl dal nưq, mot hngơy hnoq biq kamưng jaluk, mot xiêk hnoq leh phaar vlôôh xaraar tađnaah aduq nưq;",
|
||
"25": "kaluh xlơk hnoq xing plêêk klêh pôôt, ji kaluh qwuyen da uh tol plêêk hnoq biq anhưưh hrưưng.",
|
||
"26": "Tuôôy kajơ nưq, khơl drơơy hnoq hloq Koot Manih dii taay yaak ji tađnah tađnaak kôt lơyq kahri truh dituul kaluh đuum kluk.",
|
||
"27": "Atêq nưq, Kadraq hnoq patăk dăt khơl yaak plêêk ji Kadraq hnoq anguk hlê khơl adro jah rơơlh ku Kadraq loch poot panưh vari, xing lôôch vari dong truh lôôch plêêk.",
|
||
"28": "Mot kadrơơy, dayh hok xet apok atoh xing ưưk pok puut. Tuôôy đook ni vlôh rangoch kaxeq ji vlôh hlaa yôôych, oh ay xet đaneq xiêk tôq heq jeq.",
|
||
"29": "Kung đanưq, tuôôy oh ay hloq kaluh varơuq nưq xlih vlôh, oh ay xet đaneq Kadraq đong măn jeq, kangưưl 'mok.",
|
||
"30": "Dong dik, thơy đnooy ka oh ay đaneq, adrơơk neq kajưk dik hnoq be hooy hlơơp dong truh tuôôy leq tôôy varơuq nưq xlih vlôh.",
|
||
"31": "Plêêk ji vari hnoq hooy hlơơp, bơh kaluh apok ku thơy kajưk dik hnoq leh hooy hlơơp. ",
|
||
"32": "Măn truh hngơy nưq long wat nưq, đêh vlôh Vaq, yôôych leh ekơyq xet ik, pheq đnooy yaak plêêk tol plêêk kung leh, ji Koot kung anưq.",
|
||
"33": "Dayh rơơt rolh! Dayh văch prol ji xadrook apôôy, vii oh ay leh xet kawat nưq laa tuôôy leq.",
|
||
"34": "Dang đaji muuyq dro hơq tok trôôk hooy xangưưi hnhư, tuôôy heq hooy klơlh hnhnư ni, ji heq pahnăăp ka tôôy xapok ni qwuyen jưư 'yo varơuq dơơp ku ni, yôôych kơy đnooy patăk adro jưư 'mok đaneq dro nưq kơơn duh prol 'yo;",
|
||
"35": "jo nưq, dayh văch prol, vii oh ay leh xet tuôôy leq kôôch hnhư xuq truh- long muut yôôp klôôy, long tuôôy tuul mưưng; long tuôôy ier rok long muut ka xroq;",
|
||
"36": "e đaneq atêq tuôôy lưưp xanih xuq truh, kôôch rôôp tavơh oh ay đong vik.\n",
|
||
"37": "Bơh Varơuq đơu thơy đnooy dii oh ay, thơy kung đnooy dii tôôy adro: Daayh văch paror!\""
|
||
}
|