cor_2020_cua_clt_mrk_book/mrk/1.json

{
  "1": "Kapa teep Hêêl Kaxaay kua Lôôk Wơơt Dêh Jê-xu, Koot Kơy Plêêk.",
  "2": "Đaji heq jah vlơk đom rahlăp hlit Ê-sai: “Dayh 'yo nee, Gô patăk xapok kua Gô hooy kangưưl mot Koot, adro hnoq deep trôôk ku Koot. ",
  "3": "muuyq apok tayh kôt đom wăng we: 'Dayh deep 'miêh trôôk ku Lôôk, dơơp dong hyioh kaluh trôôk ku Kadraq.'\"",
  "4": "Jăng heq truh, dơơp bap-teem đom wăng we ji padooh pato pheep bap-teem ku varơuq wiit xuum truh varơuq ka'lăk kadrôp.",
  "5": "Loch dêh Ju-đê ji tôôy adro aduq Jê-ru-sa-lem gruk truh kung kơy ji oot jah kơy dơơp bap-teem 'lăălq daak Jô-đanh tuôôy 'yo nhonq karôp maroh oot.",
  "6": "Jăng yôôch hlưưp aau bơơn hlôôk laak đaa kunh hnek katêêk kađuh rawiit katêêk kơy, ji xa lêêp dii daak hluut gôk.",
  "7": "Kơy padooh pato đaneq: \"Kơy e taay yaak iaq gô đong truh atêq gô, laa Kơy đơu gô leh xưnq đanq kuul pôôt xôq luuh talơơy kaxôôp ku Kadraq.",
  "8": "Gô dơơp bap-teem ka oh ay bơơn daak, bơh Kadraq hnoq dơơp bap-teem ka oh ay bơơn Kơy Phool Hiel.\"",
  "9": "Varơuq xalih vlôh đom kaluh hngơy nưq, 'ngưq laa Lôôk Jê-xu heq truh xing Na-xaa-reet đom dêh Ga-li-lê, ji Kadraq jah Jăng dơơp bap-teem 'lăăkq daak Jô-đaanh.",
  "10": "Ji vơơ hloay, tuôôy tok klơlh daak, Kadraq hloq kaluh tal plêêk jah luh vlôh ji Kơy Phool Hiel kahrii pôôt tol Kadraq đaji xêêp ka-trơu.",
  "11": "Ji muuyq apok xanoh truh xing plêêk: \"Koot laa Koot xung xiaq ku Gô. Gô thier ahyơơl xuum truh Koot.\"",
  "12": "Vơơ jơ nưq, Kơy Phool Hiel ahluk ahluul Kadraq hooy muut wăng we.",
  "13": "Kadraq măn đom wăng we poot kưưl hngơy, chiuq kamuuych adô aluut. Kadraq măn dii ôô gôk, ji yaak plêêk hơu varơuq Kadraq.",
  "14": "Atêq tuôôy Jăng biq rôp, Lôôk Jê-xu hooy truh Ga-li-lê, padooh pato Hêêr Kaxaay ku Kơy Plêêk,",
  "15": "ji đnooy đaneq: \"Kawah heq xaleep, ji daak dêh ku Kơy Plêêk heq truh jeq. Dayh wiit xuum ji tuuôq aduq Hêêr Kaxaay.\" ",
  "16": "Tuôôy hooy angach tyauq gah tahli Ga-li-lê, Kadraq hloq Si-môôn ji Anh-rêê, oh ku si-môôn,  đong dăk kaxi tol tahlii, vii oot laa khơl rôp kaa.",
  "17": "Lôôk Jê-xu đnooy dii oot: “Dayh hooy tyauq thơy yơu, yôôych thơy hnoq khienq oh ay vlôh jêêk tii hmot lưưyq manih.\"",
  "18": "Vơơ hloay, tuôôy heq ka'lăăkq lưưyq hlê, oot hooy tyauq Kadraq.",
  "19": "Tuôôy hooy athêêp muuyq đoanq đnoyq, Kadraq hloq Ja-kơơ, koot kanơu Xê-bêê-đêê, ji Jăng, oh ku kơy, oot đong kaval lưưyq tol gee.",
  "20": "Vơơ hloay, atêq tuôôy Kadraq tayh oot, yôôych oot dưk hooy tyauq Kadraq, xôq vaq oot laa Xê-bê-đê măn hlê tol gee kung dii toq leq dro dơơp hngơy.",
  "21": "Kadraq muut đom theng Ka-bê-na-um, ji hloay jơ nưq, đom hngơy Sa-baat, tuôôy heq hooy muut hnhư taguumq, Kadraq xarôôp padooh pato. ",
  "22": "Khơl drơơy tưưng hưưng truh apok pato ku Kadraq, vii Kadraq heq pato dayq oot đaji e daa-uuh nưq leh đaji khơl thơy pato ganuun.  ",
  "23": "Hloay jơ nưq, muuyq dro biq gru-xi nhôôp 'miêh đong măn đom hnhư taguumq ku oot, ay nưq vreoq tok,",
  "24": "đaneq: \"Kuh Jê-xu Na-xa-reet, 'wot e apiq kajoq truh Kadraq? jơq be Kadraq truh xôq păk kaxêêt 'wot? Gô xet Kadraq laa kơyq - Kơy  Vah ku Kơy Plêêk!\"",
  "25": " Lôôk Jê-xu twoah ni, đaneq: \"Dayh nheep yơu ji vlôh klơlh dro neq!\"",
  "26": "Yôôych atêq katuôôy gru-xu damưq gưlh ay nưq pôôt, ji alo kôt apok, yôôych ni vlôh klơlh ay nưq. ",
  "27": "Tôôy adro 'yô vraal, pheq dơơp tajauq athêêk dii mamuuyq đaneq: \"Varơuq neq laa aleq? muuyq pato dayq đơơu tyauq daa-uuh! \nPheq đnooy kơy nưq đnooy dăt ka gru-xi ji oot tameen apok kơy nưq.\"",
  "28": "Yôôych hêêl nưq truh kadraq vơơ hloay pahlêêl avlôh loch aduq truh dêq dêh gah gih ga-li-lê.",
  "29": "Vơơ hloay, tuôôy chuh klơlh hnhư taguumq, oot muut đom hnhư Si-môôn ji Anh-rê, kung dii Jơ-kơ ji Jăng.",
  "30": "Tuôôy nưq, miq kadrê ku Si-môôn đong biq jiq tangeet vik tol ravaak, ji oot vơơ đnooy dii Kadraq truh mo.",
  "31": "Tuôôy truh jeq, rôp xok tii mo, Kadraq rôôk mo kah, ji jiq tangeet yơơh klơlh mo, yôôych mo xarôôp hơu varơuq oot.",
  "32": "Anưq yôôych, truh rayôôp klôôy, atêq tuôôy   mot hngơy heq lôôp, khơl drơơy xagook truh ka Kadraq dêq hloay dro leq tavơh binq ji khơl adro biq kamuuych nhôôp. ",
  "33": "Dêq theng heq anguk hlê măn ka 'mok.",
  "34": "Kadraq paa yơơh 'ngưưng dro biq jiq jiêh dii đuu thưư  binq tăk, ji adruyh 'ngưưng kamuuych, đơu Kadraq leh ăm pheep kaluh kamuuych tok apok vii oot xet Kadraq. ",
  "35": "Muut ka xaroq meel, tuôôy dêh măn thier kamưưng, atêq tuôôy kadrach kaah, Kadraq vlôh pi gôk, hooy truh muuyq aduq wăng vleng, ji ka aduq nưq, Kadraq apôôy.",
  "36": "Si-môôn ji khơl adro măn dii Kadraq hooy axek Kadraq,",
  "37": "ji oot axek hloq Kadraq, yôôych tơơl dii Kadraq đaneq; \"Tôôy adro đong axek thơy.\" ",
  "38": "Kadraq dăt oot: “Haay dayh hooy aduq kadrơơy, đom kaluh palơơy palaa gah gih, xôq thơy kung padooh pato kađnư đnoyq, vii thơy heq truh laa bơyh varơuq neq.\"",
  "39": "Kadraq hooy truh loch dêq hloay dêh Ga-li-lê, padoh pato đom kaluh hnhư taguumq ku manih karôôp ji druyh kamuuych.",
  "40": "Tuôôy nưq, muuyq dro tavơh jiq paruuh truh kung Kadraq, apôôy vôôch Kadraq ji kuul pôôt, đnooy dii Kadraq, đaneq:\" Atoh thơy trôôch, thơy e qwuyen khienq gô jah xarêh.\"",
  "41": "Ji vii arơơk xuum biit angơuq, tuôôy tơk tii kadraq vlôh, Kadraq vêq muut ay, ji đnooy dii ay:\" Gô trôôch. Dayh xarêh yơu.\"",
  "42": "Vơơ hloay jiq paruuh hlơơp klơlh ay ji ay jah xarêh.",
  "43": "Atêq tuôôy găk xarooy đnooy adroyq ka ay, Kadraq vơơ hloay ăm ay nưq hooy.",
  "44": "Kadraq dăt ay nưq: \"Dayh rơơt rolh, ay te liq đnooy kajoq dii paq kêê dro leq, bơh dayh hooy, kahnoq xăk dii thơy tơk tưp ji dayh tơk tưp kaluh kuah lêêh vii varơuq jah xarêh ku ay, laa varơuq đơu Môôi-se heq pato dayq, đaji muuyq apok xanưk ka oot.\"",
  "45": "Lunưq, atêq tuôôy hooy klơlh, ay nưq xarôôp đnooy vlôh ka 'ngưưng dro ji đnooy hêêl neq loch aduq, pheq dơơp Kadraq be ik muut đom muuyq palơơy plaa leq trôôk kahnoq xăk ik đnoyq, đơu Kadraq măn pi gôk aduq kaluh duq wăng vleng, ji manih karôôp xing tôôy aduq măn đong truh dii Kadraq.",
  "None": "<strong>Maak</strong>"
}