See in Reader
41 lines
5.6 KiB
JSON
41 lines
5.6 KiB
JSON
{
|
||
"1": "Tuôôy 'ngơơk tok, Kadraq hloq khơl karoh e tơơk tưp jêêt ku oot muut đom hnhư hơu.",
|
||
"2": "Yôôch Kadraq hloq muuyq mo vlơu adrah hơơq tơơk tưp muut đnư vaar kapah jêêt dee.",
|
||
"3": "Ji Kadraq đnooy: \"Dik, thơy đnooy dii oh ay đaneq mo vlơu adrah neq heq tơơk tưp muut 'ngưưng iaq dêq hloay,",
|
||
"4": "vii manih oot hơơq adrơk tơơk tưp muut kaluh kua lêh xing varơuq rah ku oot. Măn mo neq, xing aduq adrah ku mo, heq tơơk tưp dêq jêêt đơu mo e.\"",
|
||
"5": "Tuôôy taleq dro đong đnooy truh hnhư hơu, đaneq hnhư jah dơơp bơơn kaluh phơu kôt kaxaay ji kaluh tuôông tơơk tưp đom hnhư hơu, yôôych Kadraq dach:",
|
||
"6": "\"Kaluh kajoq đơu oh ay đong hloq, hno truh hngơy đơu muut tuôôy nưq, paq e look phơu leq hno jah xôq choch tol look phơu kadrơơy đơu leh biq pahrưp pôôt.\"",
|
||
"7": "Jơnưq, oot vôôch Kadraq đaneq: \"Nưq yôôych, thơy lơơy, dong leq hno e kaluh varơuq nưq, ji hlêêl raa đaleq tuôôy kaluh varơuq nưq jeq xlih vlôh?\"",
|
||
"8": "Yôôch Kadraq tơơl: \"Dayh rơơch rol xôq oh ay klơlh biq pa ôôh. Vii 'ngưưng dro hno truh taayh yal thơy, đnooy:' Jơq laa Gô,' ji' Hngơy hlơp dêh heq jeq.' Te hooy tyauq oot.",
|
||
"9": "Bơh, tuôôy oh ay tek truh hmot jăk ji pơơl dal, yôôych te varaar yôq, vii kaluh varơuq nưq phayh xlih vlôh adrooyq, bơh, varơuq lôôch dik kooq aalq laa hloay tuôôy nưq.\"",
|
||
"10": "Atêq nưq, Kadraq đnooy dii oot: \"Tamooi neq hno dưk tok tachơơl hlê tamooi kadrơơy, ji daak neq tachơơl dii daak hơơq.",
|
||
"11": "Hno e kaah kaluh đơơt ahrưng vari kôt ji 'ngưưng đơơt pangoot hrah, kung dii 'ngưưng jiq jool đom 'ngưưng aduq. Hno e kaah kaluh varơuq akêh ramêq ji kaluh hlêêl kôt tol plêêk.",
|
||
"12": "Bơh adrooyq kaluh varơuq nưq, manih oot hno palo ti ku oot tol oh ay ji hno rôp toop oh ay, tuôôy rôp pahnap ka kaluh hnhư taguumq ji karuk đom hnhư tuu, rôp jarooy oh ay truh adrooyq kangưưr khơl vuua ji khơl padrok dêh vii kơơq yal thơy.",
|
||
"13": "Varơuq nưq hno jêêk vlôh katuôôy xôq oh ay đnooy vlôh apok xnưk.",
|
||
"14": "Vii anưq, dayh đinq đom xuum oh ay leh ralauq xôq varơuq đnooy waak kadih,",
|
||
"15": "vii thơy hno kahniq ka oh ay apok xarooy ji varơuq khôôt xet đơu dêq hloay khơl tachơơl hlê oh ay be hno tachơơl hlê long pleh ik.",
|
||
"16": "Bơh oh ay kung hno biq rôp pahnap xing miq vaq, oh ay klaak, oh ay ji khơl 'wơơy, yôôch manih oot hno păk kaxêêt taleq adro đom oh ay.",
|
||
"17": "Oh ay hno biq manih oot 'ya rơ vii yal thơy.",
|
||
"18": "Đơu muuyq raq hlôôk tol akoq oh ay kung leh hlơp 'leq.",
|
||
"19": "Đom varơuq wêêt chiuq uônq ku oh ay, oh ay hno jah phool hiel oh ay.",
|
||
"20": "Bơh atoh tuôôy leq oh ay hloq theng Jê-ru-sa-leem biq wy rawiit xing kaluh biin kuun, yôôych tuôôy nưq dayh xet đaneq varơuq dơơp pahrưp theng neq heq jeq yôôch.",
|
||
"21": "Tuôôy nưq, akơyq đom dêh Ju-đê, dayh xadăk tok ma gôk, akơyq măn đom theng, dayh vlôh hooy, ji akơyq măn pi gôk, te muut đom theng.",
|
||
"22": "Vii neq laa kaluh hngơy bla kadrôp xôq kaluh apok heq vlơk jah jêêk yuôôl.",
|
||
"23": "Bơh, ra ơh ka khơl drê đong măn bonq ji khơl miq đong ăm oh uq đom kaluh hngơy nưq! vii hno e pơơl dal kôt đom dêh, ji varơuq tôq jaraq kahrôq pôôt tamooi neq.",
|
||
"24": "Oot hno biq gưlh kaxêêt 'laalq plaa xieh ji oot biq rôp hooy truh kaluh daak dêh, ji theng Jê-ru-sa-lem hno biq kaluh tamooi kadrơy joaq jaloon dong truh tuôôy đơu katuôôy ku kaluh tamooi kadrơơy jah sleap.\n\n",
|
||
"25": "Hno e kaluh hlêêl akêh tol mot hngơy, xiêk kung kaluh xlok, ji varơuq hlu rơu ku kaluh tamooi măn 'laalq vari đom varơuq xôôl dôôl vii hnưm ook ku daak tahli ji kapuh rangaq tahlii thier kôt.",
|
||
"26": "Manih oot phoch rangok vii varaal hwaal ji takôô kaluh varơuq ra ơh jeq kahrôq pôôt koot manih tol vari, vii kaluh da uh kwuyen tol plêêk hno gruung.",
|
||
"27": "Atêq nưq, oot hno jah hloq Koot Manih kahrii pôôt đom kluk kung dii taay yaak ji tađnah tađnaak kôt glơh.",
|
||
"28": "Bơh tuôôy kaluh varơuq nưq xarôp xlih vlôh, dayh dưk tok ji 'ngơơk yơơt akoq êêp, vii varơuq wơơt ku oh ay đong truh jeq.\"",
|
||
"29": "Kadraq taboon ka oot muuyq atoh: \"Dayh 'yo ưk pok puut ji dêq hloay kaluh ưk kadrơơy.",
|
||
"30": "Tuôôy leq ni vơơ muh xamok vlôh, oh ay xet, tuôôy 'yo hloq kadih, đaneq xiêk tôq heq jeq yôôch.",
|
||
"31": "Kung đanưq, tuôôy oh ay hloq kaluh varơuq neq xlih vlôh, oh ay phayh xet đaneq daak ku Kơy Plêêk heq jeq.",
|
||
"32": "Dong dik, thơy đnooy dii oh ay đaneq adrơơk neq kajưk dik hno leh kaxêêt hlơp dong truh tuôôy kaluh varơuq hơơq xlih vlôh.",
|
||
"33": "Plêêk ji vari hno hooy hlơp, bơh kaluh apok ku thơy kajưk dik hno leh hlơu hlơp ‘leq.",
|
||
"34": "Bơh dayh rơơch rol dii kadih xăk, xôq xuum oh ay klơlh biq dơơp ka parêq parơh đom varơuq xa hôôch, vul weel ji kaluh varơuq lo biit đơơi riilh, phayh đnooy hngơy nưq hno leh xanih kaôôp pôôt tol oh ay",
|
||
"35": "đaji rayalh lolh, vii varơuq nưq hno xlih truh ka koot manih riilh tol loch dêq araak vari.",
|
||
"36": "Bơh dayh kah parol đom kaluh kawah, apôôy xôq ka oh ay e đuu paraat xôq dalơh dêq hloay kaluh varơuq jeq xlih vlôh nưq, ji xôq dưk adrooyq kangưưr Koot Manih.\"",
|
||
"37": "Nưq laa muut ka hngơy, Kadraq pato dayq đom hnhư hơu, măn tuôôy rayôôp klôôy, atêq tuôôy hooy tok ma đoot taayh laa Ô-liu, Kadraq padơơy ơơl ka klôôy.",
|
||
"38": "Ji manih oot truh dii Kadraq muut ka xaroq meel xôq tameen Kadraq đom hnhư hơu."
|
||
}
|