See in Reader
38 lines
5.6 KiB
JSON
38 lines
5.6 KiB
JSON
{
|
||
"1": "Varơuq xlih vlôh tuôôy Kadraq hooy muut ma hnhư muuyq dro dưk xnưk ku adrơơk Pha-ri-sii đom muuyq hngơy Sa-baat xôq xa kawaal, ji oot đong tavooi 'yo Kadraq.",
|
||
"2": "Ji hơơq, muuyq adro hơơq biq binq pangơlh hruh măn adrooyq kangưưr Kadraq.",
|
||
"3": "Tuôôy tơơl apok, Lôôk Jê-xu đnooy dii khơl thơy pato gnuun ji manih Pha-ri-sii, đaneq: \" E ik pheep payơh jiq đom hngơy Sa-baat long ih?\"",
|
||
"4": "Bơh oot be tơơl. Yôôch tuôôy rôp ti dro jiq, Kadraq payơh ka dro nưq, ji ăm vlôh xuq. ",
|
||
"5": "Kadraq đnooy dii oot: \"Akơyq đom êêp kơy e adro koot kanơu, long muuyq poop ôô boo, biq klêh pôôt jiênq đom hngơy Sa-baat đơu leh hloay jơnưq duuy ni tok?\"",
|
||
"6": "Oot be hno tơơl ik adrooyq kaluh apok neq.",
|
||
"7": "Yôôch Kadraq taboon ka khơl jah mơơy muuyq atoh, vii 'yo hloq đaleq oot heq rơơlh kaluh aduq 'ngôôy kôt yơơt, vii anưq đnooy dii oot đaneq:",
|
||
"8": "\"Tuôôy êêp kơy jah akơyq nưq mơơy truh waal xa pajêêt, te 'ngôôy muut para xa măn aduq tơơl yưk, te-be hno e muuyq adro kôt glơh iaq êêp kơy heq jah adro nưq mơơy,",
|
||
"9": "tuôôy manih heq mơơy oh ay kung ji dro hơơq hooy truh, đnooy dii êêp kơy:' Dayh chuh aduq ka manih neq,' yôôych êêp kơy dik laa phayh nhonq xok aduq lôôch dik kung varơuq kamưưl.",
|
||
"10": "Bơh, tuôôy êêp kơy jah mơơy, dayh hooy, ‘ngôôy muut para xa măn aduq lêq, xôq tuôôy adro heq mơơy êêp kơy truh, oot hno đnooy dii êêp kơy: ‘Wơơyq lơơy, xiin mơơy atok aduq taalh lơq.' Tuôôy nưq, hno e varơuq vadoo deng ka êêp kơy adrooyq kangưưr tôôy manih 'ngôôy kung para dii xăk.",
|
||
"11": "Vii akơyq tơơk xăk tok hno biq taluq pôôt, ji akơyq apôôt xăk hno jah tơơk tok.\"",
|
||
"12": "Atêq nưq, Kadraq kungh đnooy dii adro heq mơơy Kadraq: \"Tuôôy kơy adoot xa hngơy long waal xa klôôy, te mơơy khơl 'wơơy kơy, long oh ay klaak kơy, long oh ay kơy, kungh te mơơy khơl manih plơy plaa karoh e, te-be, oot kungh hno ik mơơy hlê kơy, ji varơuq bla lêh hlê xlih truh ka kơy. ",
|
||
"13": "Bơh, tuôôy kơy adoot kawaal, dayh mơơy khơl manih pangoot hrah, manih talêêt, kwee jôôk, apuul,",
|
||
"14": "yôôych kơy hno jah vanong, vii oot be e xôq bla hlê ka kơy. Vii phoon bla hlê hno jah deng ka kơy đom varơuq riilh hlê ku manih hyioh jăk.\"",
|
||
"15": "Tuôôy muuyq dro đom khơl adro đong 'ngôôy para xa tameen kaluh apok neq, kơy nưq đnooy dii Kadraq: \" Vanong laa adro hno jah xa tôôp đom daak dêh Kơy Plêêk!\"\n",
|
||
"16": "Bơh Kadraq đnooy dii kơy: \" E adro hơơq adoot waal kôt ji mơơy ‘ngưưng manih truh xa.",
|
||
"17": "Truh tuôôy xa, kơy patăk xapok kơy hooy xôq tauq ka khơl manih heq jah mơơy:' Xiin dayh truh vii waal xa juneq đong ralauq 'miêh.'",
|
||
"18": "Ji dêq hloay oot laay tong adro muuyq đnooy tawaq. Adro adrooyq dik đnooy dii kơy:' Gô heq root muuyq aloq ruônq, ji gô e varơuq duh hooy 'yo ni. Xiin kơy ăm gô leh hooy ik.'",
|
||
"19": "Adro kadrơy đnooy:' Gô heq root kưl poop ôô boo, ji jeq hooy athưh paraat ni. Xiin kơy ăm gô leh hooy ik.",
|
||
"20": "Adro kadrơơy đnooyq đnooy:' Gô heq xok kadrê, ji vii anưq gô be hno hooy ik.'",
|
||
"21": "Adro xapok xuq, taboon hlê kaluh varơuq nưq ka kôôch ni. Jơneq, atêq tuôôy tôq jaraq, adro kôôch hnhư heq đnooy dii xapok ni:' Dayh dayh hooy vlôh kaluh trôôk kôt ji trôôk dee đom theng, đơu jarooy xuq đnen khơl manih adrah, tan tâk, apuul ji khơl talêêt.'",
|
||
"22": "Xapok tơơl: \"Kôôch lơy, 'wot heq dơơp varơuq kơy đnooy, bơh kung măn aduq rah.'",
|
||
"23": "Kôôch đnooy dii xapok: Dayh hooy vlôh tyauq ma trôôk kôt ji kaluh paga, yôôch rôp oot muut, dơơp aleq dong viit ma hnhư ku gô.",
|
||
"24": "Vii gô đnooy dii ay đaneq be e akơyq đom khơl manih jah mơơy hơơq hno jah muut xa waal ku gô.\"'",
|
||
"25": "Tuôôy nưq, biin manih karôp thier 'ngưưng đong hooy tyauq Kadraq, ji tuôôy wiih xăk hlê, Kadraq đnooy dii oot:",
|
||
"26": "\"Atoh akơyq truh kung gô đơu leh 'yarơ miq vaq, kadrê koot, oh ay kanau, oh ay kadrê ni, ji hloay varơuq riilh ku ni đnooyq, yôôych adro nưq be ik laa khơl xatyauq ku gô.",
|
||
"27": "Atoh akơyq be hlôôy gaay chrăk ni ji tyauq atêq gô, yôôych adro nưq be ik laa khơl xatyauq ku gô.",
|
||
"28": "Vii manih leq đom oh ay xung dơơp muuyq poop hnhư yơơt, đơu adrooyq dik be ‘ngôôy pôôt ta jauq 'yo e đu jêêt - ni e đu xôq dơơp pa'yôôch long be?",
|
||
"29": "Xôq te-be, atêq tuôôy ay nưq heq xơơy kahnier đơu leh ik pa'yôôch, dêq hloay khơl adro leq 'yo hloq dik laa e apok xagier raơh ka ay nưq.",
|
||
"30": "đnooy đaneq:' Adro neq xarôp dơơp varơuq xơơy đơu leh ik dơơp pa'yôôych.",
|
||
"31": "Long e vuaa leq, tuôôy jeq hooy vlôh hmot jăk dii vuaa kadrơơy tol aduq hmot jăk, đơu leh ‘ngôôy pôôt, adrooyq dêq tajauq hlê đaneq atoh vuua e kưl ravơu kuun, yôôych hno ik tahmot dii biin kuun đong truh tachơơl hlê kung vuua dii vaar kưl ravơu kuun be?",
|
||
"32": "Atoh laa leh ik, yôôych đom tuôôy vuua hơơq đon măn xangưưi, vuua neq patăk xapok hooy vôôch dơơp hoa.",
|
||
"33": "Vii anưq, dang đaji đanưq, akơyq đom oh ay đơu be ka'lăk dêq tôôy varơuq oh ay e yôôych be ik laa khơl xatyauq ku gô.",
|
||
"34": "Voh yôôych adrek tơơl, bơh atoh voh kungh biq hlơp phak, yôôych ni hno jah nhemq ka phak dii thưq kajoq?",
|
||
"35": "Ni be e iich ka vari kungh be xôq dơơp phon. Oot kưq tavih ka'lăk ni vlôh pi gôk. Akơyq e tôôr xôq tameen, dayh tameen."
|
||
}
|