See in Reader
57 lines
9.2 KiB
JSON
57 lines
9.2 KiB
JSON
{
|
||
"1": "Varơuq xlih vlôh tuôôy Kadraq đong apôôy ka muuyq aduq hơơq, tuôôy Kadraq apôôy pa'yôôch, muuyq đom khơl xatyauq tơơl dii Kadraq: \"Kuh Lôôk, xiin pato ‘wot apôôy, đaji Jăng kungh heq pato khơl xatyauq kơy.\"",
|
||
"2": "Yôôch Kadraq đnooy dii oot: \"Tuôôy oh ay apôôy, dayh tơơl: Kuh Vaq, apôôy yal Vaq jah hlăng vah. Apôôy daak Vaq jah truh.",
|
||
"3": "Xiin ăm ‘wot koot tuôông xa đuu duh tôôy hngơy ku 'wot koot.",
|
||
"4": "Xiin ka‘lăk kadrôp ‘wot koot truh kadrôp maroh ku 'wot koot, vii ‘wot koot kungh ka‘lăk ka khơl lôôp kadrôp ‘wot koot. Apôôy te jarooy ‘wot koot muut aduq adôô aluut.'\" ",
|
||
"5": "Ji Kadraq đnooy dii oot: \"Akơyq đom oh ay e 'wơơyq, ji tuul mưng truh dii ay nưq, yôôch đnooy kung ay nưq: 'Wơơyq lơơy, xiin ăm gô xapo pe poop tôôp,",
|
||
"6": "Vii muuyq adro 'wơơyq ku gô xing xangưưi truh kung gô, đơu gô be e kajoq xôq adoot ka ay nưq?",
|
||
"7": "Tuôôy manih hơơq tơơl hlê xing pi 'lăp hnhư, ay nưq chăk đnooy:' Te dơơp ngơyq gô. 'Mok heq kađnoot yôôch, ji khơl koot gô đong măn tol ravaak kung dii gô. Gô be hno ik kah ăm ka ay kajoq ik.'",
|
||
"8": "Thơy đnooy dii oh ay, long ju adro nưq be kah xôq xok ka ay hơơq vii laa 'wơơy ku ni, bơh vii kơq varơuq avôôch miêk ku ay hơơq, vii anưq kungh phayh kah, adro neq hno xok ka ay hơơq đu sôôq tôôp ay hơơq duh.",
|
||
"9": "Thơy kungh đnooy dii oh ay, dayh vôôch, yôôych varơuq nưq hno ik kahnoq ka oh ay; dayh axek, yôôych oh ay hno tavơh; dayh pah 'mok, yôôych 'mok hno luh ka oh ay.",
|
||
"10": "Vii atoh akơyq vôôch yôôych jah; akơyq axek yôôych tavơh; ji 'mok hno jah luh ka dro leq pah. ",
|
||
"11": "Khơl vaq leq đom oh ay, tuôôy koot ni vôôch kaa, yôôych adro nưq ăm ni volh tađôôy vii kaa?",
|
||
"12": "Long adro koot vôôch katăp, yôôych adro nưq ăm ni ding dip?",
|
||
"13": "Yôôych anưq, atoh oh ay, ju laa xơuq, heq xet kaluh kadrool toolh xôq ka koot xau oh ay, yôôych Vaq laa Kơy măn tol plêêk hno kahniq Kơy Phool Hiel ka adro vôôch Kadraq 'ngưưng iaq đnooyq ih ?\"",
|
||
"14": "Kadraq vơơ drưyh muuyq kamuuych hôôp. Nưq yôôch, varơuq xlih vlôh tuôôy kamuuych heq vlôh yôôch, adro hôôp đnooy ik, ji manih karôp thier doong hưnh.",
|
||
"15": "Bơh e taleq dro đom sôôq nưq đnooy: Kơy nưq drưyh kamuuych, gmưh Bê-ên-xê-bun, laa lôôk kamuuych.\"",
|
||
"16": "Măn sôôq kadrơơy, vii xôq athưh Kadraq, oot vôôch aduq Kadraq muuyq hlêêl akêh xing plêêk.",
|
||
"17": "Bơh vii heq xet xuum biit ku oot, Kadraq đnooy dii oot: \"Daak leq tuôôy biq aklah kadih tachơơl hlê ni yôôych biq dơơp ka kaxêêt hlơp, ji hnhư tachơơl hlê hnhư yôôych hrưp pôôt.",
|
||
"18": "Atoh Sa-tan kungh biq aklah kadih tachơơl hlê jơq ni, yôôych dơơp aleq daak ku ni măn hlê ik? Vii khơl kơy đnooy gô drưyh kamuuych gmưh Bê-ên-xê-bun.",
|
||
"19": "Atoh đaji gô drưyh kamuuych gmưh Bê-ên-xê-bun, yôôych gmưh akơyq đơu koot xau khơl kơy drưyh kamuuych? Vii anưq, oot hno laa khơl adro xưh xadrah khơl kơy.",
|
||
"20": "Bơh, atoh gô drưyh kamuuych gmưh lôk ti ku Kơy Plêêk, yôôych daak ku Kơy Plêêk heq truh dii khơl kơy.",
|
||
"21": "Tuôôy muuyq adro paraat kalh jah ăm 'ngưưng xieh maak dưk 'yo hnhư ni, yôôych gruh anôp ku adro nưq jah măn hlê,",
|
||
"22": "bơh tuôôy muuyq adro kalh iaq ay nưq truh hmot, yôôych adro nưq jay iaq ay nưq, vroh xok xieh maak ku ay, laa thưq đơu ay nưq gmưh muut, yôôch adro nưq ahlook gruh anôôp atôk jah xing ay nưq. ",
|
||
"23": "Adro leq tuôôy be măn dii gô laa tachơơl hlê gô, ji adro leq tuôôy be anguk hlê kung gô yôôych hyaak hlơp.",
|
||
"24": "Tuôôy kamuuych 'moh heq vlôh klơlh muuyq dro, ni hooy dalơh kaluh aduq hriek kateh axek khiim aduq padơy. Ji tuôôy be axek ik, ni dach: Gô hno wiit xuq ma hnhư gô, laa aduq đơu gô heq vlôh klơlh.'",
|
||
"25": "Atêq tuôôy xuq truh, ni hloq hnhư heq jah rahin deep xarêh xaraat ji adeep tanưn tanap.",
|
||
"26": "Tuôôy nưq, ni hooy ji pago tyauq pơh kamuuych kadrơy xơk iaq ni kung muut riilh đom hnhư neq. Ji đơơy riilh tuôôy atêq ku adro nưq jêêt vlôh ra ơh iaq tuôôy kapatep.\"",
|
||
"27": "Varơuq xlih vlôh tuôôy Kadraq đong đnooy kaluh apok neq, muuyq adro kadrê hơơq xing katuul karôp manih e apok tơơl, mo đnooy dii Kadraq: \"Vanong ka klaak heq paiir vlôh thơy ji tôh đơu thơy heq uq.\"",
|
||
"28": "Bơh Kadraq tơơl: \" dong dik yôôych, vanong ka akơyq tameen apok Kơy Plêêk ji tameen jư tyauq.\"",
|
||
"29": "Tuôôy karôp manih đong tưưuq hlê 'ngưưng iaq, Kadraq xarôp đnooy: Adrơơk neq laa muuyq adrơơk xơk tauq. Ni axek khiim muuyq hlêêl akêh, đơu hno be e hlêêl akêh leq jah kahniq ka ni vơ e hlêêl akêh ku Jô-na.",
|
||
"30": "Vii Jô-na heq jêêt vlôh hlêêl akêh đaleq ka manih theng Ni-ni-vee, yôôych Koot Manih kungh hno laa hlêêl akêh đanưq ka adrơơk neq.",
|
||
"31": "Đom hngơy xưh xadrah, Mo vuua Pi Naam hno dưk tok kung dii manih ku adrơơk neq, ji tauq vlôh kadrôp oot, vii mo heq truh xing aduq lôôch dik ku vari xôq tameen apok khôôt xet ku vuua Sa-la-môôn, ji 'yo hơơq, muuyq Kơy kôt glơh iaq Sa-lô-môôn măn đnen.",
|
||
"32": "Đom hngơy xưh xadrah, manih theng Ni-ni-vee hno dưk tok kung dii adrơơk neq ji hno tauq vlôh kadrôp ni, vii oot heq wiit xuum adrooyq apok padoh taboon ku Jô-na, ji 'yo neq, muuyq Kơy măn kôt glơh iaq Jô-na măn đnen.",
|
||
"33": "Atêq tuôôy atak đeen, leh e akơyq xôq ni măn aduq kađoq, kung be măn ‘laalq ton ronh, bơh măn tol jôôk đeen xôq khơl drơy tawaak muut hno ik hloq xaraar tađnah.",
|
||
"34": "xaar đeen ku xăk xmơk laa klong mot ku oh ay. Tuôôy mot oh ay laa toolh, dêq xăk xmơk oh ay kungh jah glaay xaraar tađnah. Bơh tuôôy ni xauq, xăk xmơk oh ay kungh glaay kamưng jaluk.",
|
||
"35": "Vii anưq, dayh rơơych rol, te be xaraar tađnah đom oh ay laa kamưng jaluk.",
|
||
"36": "Nưq atoh dêq xăk xamơk oh ay glaay xaraar tađnah, be e aduq leq kamưng jaluk, yôôych ni hno dêq hloay tađnah, đaji tuôôy xaar đeen ahnhe tađnah oh ay.\"",
|
||
"37": "Nưq yôôch, tuôôy Kadraq đnooy pa'yôôch, muuyq adro Pha-ri-sii mơơy Kadraq aleq ka Kadraq hno ik xa kawaal achung dii kơy. Tuôôy heq hooy truh, Kadraq 'ngôôy muut para xa.",
|
||
"38": "Tuôôy hloq anưq, manih Pha-ri-sii thier doong hưnh vii Kadraq be dơơp varơuq 'nhaau ti adrooyq dik kawaal xa.",
|
||
"39": "Bơh Lôôk đnooy dii kơy: \"Jơneq, manih Pha-ri-sii êêp kơy ‘nhaau xarêh pi gôk klok ji dooy, măn pi ‘lăp êêp kơy yôôych glaay varơuq xa tôk ji xơk tauq.",
|
||
"40": "Khơl adro vlô hơơq! Leh aalq Kơy heq dơơp vlôh pi gôk kungh dơơp vlôh pi ‘lăp ih?",
|
||
"41": "Ju anưq, dayh ahlook ăm kaluh kajoq măn pi 'lăp đaji varơuq ăm hloh, ji 'yo neq, kaluh varơuq laa xarêh xaraat ka êêp kơy.",
|
||
"42": "Bơh ra ơh ka manih Pha-ri-si êêp kơy, vii êêp kơy tơơk tưp muuyq phoon kưl bak haa, kaxeq thơơm ji 'ngưưng kaxeq kadrơy đom hluôôt, đơu êêp kơy ka'lăk hlơp varơuq hyioh jăk ji xuum xung xiaq Kơy Plêêk. Bơh duh phayh dơơp kaluh varơuq neq, ji be ik ka'lăk hlơp kaluh varơuq hơơq. ",
|
||
"43": "Ra ơh ka manih Pha-ri-si êêp kơy, vii êêp kơy xiaq trôôch aduq 'ngôôy yơơt yưk đom hnhư taguumq ji kaluh apok vôôch hlơq aduq tabôôt xa.",
|
||
"44": "Ra ơơh ka êêp kơy, vii êêp kơy dang đaji xanưưng danuh, ji khơl drơy leh xet tuôôy joaq jalon tok taayh.\" ",
|
||
"45": "Atêq nưq, xôq tơơl hlê,muuyq dro đom khơl thơy pato gnuun đnooy dii Kadraq: \"Thơy lơơy, Thơy kungh đnooy raơh ka ‘wot tuôôy đnooy đanưq.\"",
|
||
"46": "Bơh Kadraq dach: \"Ra ơh ka thơy pato ganuun êêp kơy đnooyq! Vii êêp kơy xôq ka khơl drơy ưng parêq phayh pơq, măn kadih xăk êêp kơy be bôk muuyq lôk ti êêp muut pơq parêq nưq.",
|
||
"47": "Ra ơh ka êêp kơy, vii êêp kơy dơơp xanưưng ka khơl kơy hlit, măn mo kơy êêp kơy heq păk kaxêêt oot!",
|
||
"48": "Đanưq, êêp kơy dơơp xanưk ji kung trôôch varơuq dơơp ku mo kơy êêp, vii oot heq păk kaxêêt khơl kơy hlit, măn êêp kơy xơơy xanưưng.",
|
||
"49": "Kungh vii anưq, varơuq khôôt xet ku Kơy Plêêk xnoh: Gô hno patăk khơl kơy hlit ji khơl jah rơơlh truh dii oot, bơh oot hno păk kaxêêt ji rôp toop 'ngưưng adro đom khơl kơy nưq.'",
|
||
"50": "xôq vahaap ku dêq hloay khơl kơy hlit heq hoot vlôh xing tuôôy patep panưk jêêk phayh biq vôôch hlê aduq adrơơk neq,",
|
||
"51": "xing vahaap ku A-bêên dong truh vahaap ku Xa-cha-ri, laa adro heq biq păk kaxêêt aduq katuul para hơu ji hnhư hơu. Jơq, gô đnooy dii êêp kơy, vahaap nưq hno jah vôôch hlê xing adrơơk neq.",
|
||
"52": "Ra ơh ka thơy pato ganuun êêp kơy, vii êêp kơy varoh xok gaay kaal ku varơuq hlolh xet, jơq êêp kơy leh muut, đơu êêp kơy klol hlê khơl drơy muut.\"",
|
||
"53": "Atêq tuôôy Kadraq vlôh klơlh aduq nưq, khơl thơy pato ganuun ji manih Pha-ri-sii xarôp tachơơl hlê Kadraq đanq đik ji tayaat dii Kadraq truh ‘ngưưng varơuq, ",
|
||
"54": "axek trôôk xôq anok rayaalh Kadraq truh apok đnooy vlôh xing huuy Kadraq."
|
||
}
|