See in Reader
23 lines
3.3 KiB
JSON
23 lines
3.3 KiB
JSON
{
|
|
"1": "Măn oh ay laa khơl karooh, dayh nhiim tarok ji taayh aloo vii kaluh pơơl hwơơl xaliih pôôt tol oh ay.",
|
|
"2": "Garuuh anôôp oh ay heq biq raoom oop, măn kuôôn aau yôôych biq kamoor mooq xa.",
|
|
"3": "Vayaang, ji jêêt kua oh ay heq biq kaxaak, ji varơuq kaxaak kua oot hnoq dơơp xanưk tachơơl hlê oh ay. Ni hnoq vuuh hloay xăk xamơk oh ay daang đaji ôôlh. Oh ay heq tagop xôq garuuh anôôp haay ka tuôôy hngơy lôôt dik.\n\\ts\\*",
|
|
"4": "Hơq, jêêt kông kua adro dơơp xapoo- kajơ pơơl daal kua khơl thơq gooch đơu oh ay heq jưư hlê - đong taayh atok, ji apok taayh kua khơl thơq gooch nưq heq truh tôôl Lôôk kaluh bing kuun.",
|
|
"5": "Oh ay heq riirh xa agưưt tol vari ji dơơp tyauq xăk xamơk. Oh ay heq paah heq xuum ni ka hngơy păkkaxêêt hlek.",
|
|
"6": "Oh ay heq rôp drôp ji păk kaxêêt manih hyioh jăk đơu oot leh tachơơl tangưưr hlê.\n\\ts\\*\n\\p",
|
|
"7": "Anưq atoh, lơơyh oh ay, dayh atuq xuum dong truh tuôôy Lôôk truh. Hơq, manih khơl haay takôô raak play tơơl daal xing vari senh vlôh. Oot atuq xuum takô kôô dong truh tuôôy vari nhơnq jah jich adrooyq muua ji lôôch muua.",
|
|
"8": "Kung anưq, oh ay phayh atuq xuum. Dayh khieenq xuum haay kaalh paraat, Vii varơuq truh hlê kua Lôôk heq jeq.\n\\ts\\*",
|
|
"9": "Lơơyh oh ay, te mok mooy mamuuyq, xôq oh ay khooyh biq xưh xadrah. Hơq, dro xưh xadrah đong dưk măn ka'mok.",
|
|
"10": "'Wơơyh oh ay , dayh dơơp atôôlh chiuq pơơl ji atuq xuum kua khơl kơy hlit, kaluh manih taayh yal Lôôk pato daay.",
|
|
"11": "Ne, haay taayh kaluh manih wiit xuum laa \"e vanong\". Oh ay heq tamen đnooy truh dong varơuq tuq xuum kua Joop, ji oh ay xet muyq varơuq kua Lôôk, kung đaji Kadraq biit angơuq. (ranưưh ranơơy đaa leq đnooy)\n\\ts\\*\n\\p",
|
|
"12": "Ataalh dêq padêq hloay, 'wơơyh oh ay kua gô,te hmưq,te pato plêêk, kung te pato varii long paq kêê varơơuq kajoq đêh đơu tavaroq.Tađôôy muut đnư, e yôôych đnooy e, leh yôôych đnooyq leh, xôq oh ay khooyh biq xưh xadraah. \n\\ts\\*\n\\p",
|
|
"13": "E dro leq đom oh ay đong chiuq parêq parơh be? Dro nưq dayh apôôy, E kơyq hlah hlaak be? Dro nưq dayh ayuôôt laat.",
|
|
"14": "Đom oh ay e kơyq jiq jiêh be? Dro nưq dayh mưưy khơl kadraq lơơk đom Tayuup Vah truh apôôy ka ni. Oot phayh taayh yal Lôôk para jơu ka dro nưq.",
|
|
"15": "Apok apôôy kua xuum tuuôq hnoq paxêêk yơh manih jiq, Lôôk hnoq rôôk dro nưq kaah. Atoh dro nưq e lôp kadrôp, Kơy Plêêk hnoq thaa ka'lăk ka. \n\\ts\\*",
|
|
"16": "Nưq, dayh xưng karôp dii mamuuyq ji apôôy ka mamuuyq xôq oh ay e hnoq jah paxêêk yơơh. Apok apôôy kua manih hyioh jăk thieer hnoq yuôôr. (hnoq yuôôr)",
|
|
"17": "ÊÊ-Lii ji manih daang đaji haay. Kơy apôôy dêq xuum vôôch ka plêêk te jich, yôôych plêêk leh jich đom dêh hloay pe xanưưm drơu xiêk.",
|
|
"18": "Yôôych ÊÊ-Lii wiih apôôy, yôôch plêêk ăm jich, ji var yuôôr raak plaay.\n\\ts\\*\n\\p",
|
|
"19": "'Wơơy oh ay kua gô, atoh e kơyq đom oh ay lưp tawaak khooyh dong dik bơh e khơl jarooy oot xuq hlê,",
|
|
"20": "yôôych dro nưq phayh xet aneq kơyq jarooy pajarooy adro lôôp kadrôp khooyh trôôk hyaak hyuur hnoq wơơt phol hieel dro nưq khooyh kaxêêt, ji hnoq kariik galôp thieer 'ngưưng karôp."
|
|
}
|