See in Reader
29 lines
4.0 KiB
JSON
29 lines
4.0 KiB
JSON
{
|
|
"1": "Lơơyh oh ay kua gô, dayh jưư xuum tuuôq đom Lôôk haay, Lôôk wơơt Dêh Gêê-Xuu Lôôk kua varơuq tađnah tađaak, te biin ka muuyq dro leq.",
|
|
"2": "Vii toh anưq e dro hlưk kook vayaang kung tadêê rayoaa kaxaay tamaq muut aduq hnhư tagumq dii oh ay, ji e muuyq dro adrah đom kuôôn aau amoh amơơy kung muut đnooyq.",
|
|
"3": "Atoh oh ay 'yoo manih hlưp kuôn aau goh kaxaay yôôych đnooy: \"Vôôch 'ngôôy măn aduq tơơl neq!\", bơh oh ay wiih đnooy dii dro adrah: \"Ay dưk vlôôh hơ!\", long \" 'Ngôôy aduq jôôk gô ne!\".",
|
|
"4": "yôôych be aalq oh ay đon aklaah rapa hloay mamuuyq nưq aleq? Be aalq aleq oh ay wiih jêêt dro xưh xadrah đom xuum biit xâuq iaq?\n\\ts\\*",
|
|
"5": "Lơơyh oh ay xung xiaq kua gô, vôôch dayh tameng: Be aalq Kơy Plêêk heq rơơlh manih adrah măn leq dêh araak xôq jah jêêk karoh e đom xuum tuuôq ji jah vook xok daak plêêk Kadraq heq tavek dii dro xung xiaq Kadraq?",
|
|
"6": "Nưq đơu oh ay wiih dơơp raơh dro adrah! Be aalq khơl karooh dơơp raơơh oh ay aleq? be aalq oot laa manih hoot oh ay vlôh(tooa)= xưh aleq?",
|
|
"7": "Be aalq oot đnooy raơh yal kaxaay heq jah xôq ka oh ay aleq?\n\\ts\\*",
|
|
"8": "Ajơ anưq, atoh oh ay dơơp yuôôr gnuun kua Vuua tyauq đaji Rahlap Vah pato, aneq: Dayh xung xiaq manih gah gih haay đaji kadiih xak xmơk haay\", yôôych oh ay xa măn jơq.",
|
|
"9": "Bơh atoh oh ay biin dro leq nưq, yôôych oh ay lôp kadrôp, ji oh ay biq gnuun xưh xadraah laa dro lôp kadrôp.\n\\ts\\*",
|
|
"10": "Vii dro leq tameng jưư dêq hloay gnuun đơu wiih gưlh xatôlh long vơơ muuyq varơuq heq, yôôych kung awiih jêêk vii lôp hloay gnuun.",
|
|
"11": "Vii Kơy heq đnooy: \"Te lôp kadrôp puq atrăp!\" kung e đnooy: \"Te păk kaxêêt manih!\". Bơh atoh oh ay leh lôp kadrôp puq atrăp, bơh wiih lôp kadrôp păk kaxêêt manih, yôôych oh ay \n wiih jêêt dro lôp vii gnuun.\n\\ts\\*",
|
|
"12": "Yôôych nưq dayh xa athêêt ji dơơp đa ji khơl hnoq biq gnuun rayơh rayơy xưh xadrah xak.",
|
|
"13": "Bơh varơuq xưh xadrah leh e xuum angơuq ka dro leh xlih vlôh xuum angơuq. Xuum angơuq jay iaq varơuq xưh xadrah!\n\\ts\\*\n\\p",
|
|
"14": "Oh ay di gô lơy, e ik xung liq atoh kơyq nưq đnooy ni e xuum tuuôq bơh leh e varơuq dơơp? Xuum tuuôq nưq e wơơt ik oot be?",
|
|
"15": "Atoh e dro oh ay be e tuôông xa, kuơn aau hlưp tôôy hngơy.",
|
|
"16": "Atoh muuyq dro đom oh ay đnooy đơu oot: \"Dayh hooy đom hrok hrol, dayh kajôôl dong xatôq ji xa dong phiq!\", yôôych đơu leh layq ăm ka oot kaluh tuôông duh ka xak, yôôych e ik xung liq?",
|
|
"17": "Kung đa nưq , xuum tuuôq atoh be e varơuq dơơp ji xuum tuuôq kaxêêt.\n\\ts\\*",
|
|
"18": "Bơh e akơyq nưq đnooy: \"Ay e xuum tuuôq, nưq gô e varơuq dơơp.\" Dayh ăm gô hloq xuum tuuôq be e varơuq dơơp di ay, yôôych gô hnoq ăm ay hloq xuum tuuôq xing varơuq dơơp di gô.",
|
|
"19": "Ay tuuôq e muuyq Kơy Plêêk; ay tuuôq jơq. Bơh kamuuych ni kung tuuôq varơuq nưq ji varaal yôq.",
|
|
"20": "Ne dro vlôô hơq, ay e trôôt xet xuum tuuôq be e varơuq dơơp ji be ik xung liq be?\n\\ts\\",
|
|
"21": "Leh aalq Ap-ra-haam, mo kơy haay, jah tayh hyioh jăk xing varơuq dơơp tuôôy kơy tơơk tưp koot kanơu kơy ji Y-sak tơl paraa hơu ih?",
|
|
"22": "Oh ay hloq xuum tuuôq hooy xatyauq đơu varơuq dơơp di kơy, ji gmưh varơuq dơơp, xuum tuuôq kơy jah saleaq.",
|
|
"23": "Apok Kơy Plêêk neq heq jah jêêt: \"Ap-ra-haam tuuôq Kơy Plêêk, xing nư kơy jah tayh ji hyioh jăk\", yôôych kơy jah tayh ji 'wơơy di Kơy Plêêk.",
|
|
"24": "Oh ay hloq nưq, manih oot jah tayh hyioh jăk xing varơuq dơơp, leh aalq vơ xuum tuuôq heq.\n\\ts\\*",
|
|
"25": "Daang đa nưq, leh aalq Ra-haap oh kadrê xakoah jah tayh hyioh jăk bơh varơuq dơơp tuôôy mư kawyoh tayh khơl xpok ji jarooy oot hooy tyauq trôôk kadrơy ih?",
|
|
"26": "Bơh xak xmơk aklah vlôh phool hnoq kaxêêt, xuum tuuôq aklah vlôh varơuq dơơp kung kaxêêt đa nưq.\n\\ts\\*"
|
|
}
|