cor_2020_cua_clt_jas_book/jas/2.json

{
  "1": "'Wơơy oh ay ku gô, te jư xuum tuôq aduq Lôôk haay, laa Lôôk Wơơt Dêh Jê-xu tađnah tađnaak, đom varơuq biin ka muuyq dro leq.",
  "2": "Vii toh e muuyq dro hlưk kook vayaang kung qwuơn aau kaxaay muut đom hnhư tagumq ku oh ay, đơu e muuyq dro adrah đom qwuơn aau bmoh bmơơy kungh muut đnooyq,",
  "3": "bơh oh ay tabôông truh manih hlưp qwuơn aau kaxaay ji đnooy: \"Xiin kơy 'ngôôy aduq tơơl neq!\", ji đôôyq dii manih adrah, oh ay đnooy: \"Ay dưk vlôh ka hơơq!\", long \"dayh 'ngôôy gah aduq jôôk gô!\".",
  "4": "yôôych be aalq oh ay heq 'yo aklah ma muuyq đom katuul jơq kadih oh ay ji jêêk vlôh khơl xưh xadrah đom kaluh varơuq biit xâuq ih?\n\\ts\\*",
  "5": "Wơơy oh ay xung xiaq ku gô, dayh tameen: Be aalq Kơy Plêêk heq rơơlh manih adrah đom dêh araak xôq jêêk vlôh manih karoh e đom xuum tuôq ji manih nhonq jah daak plêêk đơu Kadraq heq tavek dii khơl xung xiaq Kadraq ih?",
  "6": "Nưq đơu oh ay heq dơơp ra ơơh khơl adrah! Be aalq khơl karoh ragơy rôp toop oh ay ji oot ragơy ahwaa oh ay vlôh hnhư xadrah ih?",
  "7": "Be aalq oot ragơy đnooy ra ơơh yal kaxaay leep heq jah xôq tol oh ay ih?\n\\ts\\*",
  "8": "Bơh, atoh oh ay dơơp xaleap ganuun ku Vuua tyauq đaji Rahlap Vah: Dayh xung xiaq manih gah gih haay đaji kadih xăk xamơk haay\", yôôych oh ay dơơp varơuq jơq.",
  "9": "Bơh atoh oh ay biin dro leq nưq, yôôych oh ay  lôôp kadrôp, ji biq ganuun xưh xadrah đaji khơl lôôp kadrôp.\n\\ts\\*",
  "10": "Vii dro leq hno ik tameen jư dêq hloay ganuun bơh vơ gưlh lôôp muuyq varơuq heq, yôôych dro nưq yuôôl vlôh dro gưlh lôôp dêq hloay.",
  "11": "Vii Kơy heq xnoh: \"Te apuq atrăp!\" kungh heq xnoh: \"Te păk kaxêêt manih!\". Bơh atoh oh ay leh apuq atrăp, đơu laayq păk kaxêêt manih, yôôych oh ay jêêk vlôh dro gưlh lôôp ganuun.\n\\ts\\*",
  "12": "Lunưq dayh đnooy athêêk ji dơơp đaji kaluh khơl hno biq xưh xadrah xing ganuun ku varơuq rayơh rayơơy.",
  "13": "Vii varơuq xưh xadrah leh e biit angơuq adro leh kahnoq xuum biit angơuq. Xuum biit angơuq jay iaq varơuq xưh xadrah!\n\\ts\\*\n\\p",
  "14": "Wơơy oh ay ku gô, e iich kajoq atoh akơyq nưq đnooy ni e xuum tuôq bơh laayq leh e varơuq dơơp? Xuum tuôq nưq leh ik wơơt adro nưq, jơq be?",
  "15": "Atoh lơ e muuyq dro oh ay kanau long ay oh kadrê vơ măn e xăk vok ji thiuq tuông xa tôôy hngơy.",
  "16": "bơh muuyq dro đom oh ay đnooy dii oot: \"Dayh hooy đom hrok hrol, phayh jư ka xatôq ji xa dong phiq!\", đơu oh ay be ăm ka oot kaluh vâât xăk xamơk duh jung, yôôych e iich kajoq?",
  "17": "Kung lunưq, xuum tuuôq atoh leh e varơuq dơơp yôôch kadih ni kaxêêt.\n\\ts\\*",
  "18": "Bơh kung e kơyq nưq đnooy: \"Ay e xuum tuuôq, măn gô e varơuq dơơp.\"Dayh ăm gô hloq xuum tuuôq leh e varơuq dơơp ku ay, yôôych gô hnoq ăm ay hloq xuum tuuôq xing varơuq dơơp ku gô.",
  "19": "Ay tuuôq e muuyq Kơy Plêêk; ay tuuôq jơq. Bơh pheq đnooy kamuuych kung tuuôq varơuq nưq ji padrau yôq.",
  "20": "Ne dro vlôô apop, ay e trôôch xet xuum tuuôq leh e varơuq dơơp laa paq ik xung be?\n\\ts\\",
  "21": "Be aalq Aap-raa-haam, mo kơy haay, jah xưng hyioh jăk xing varơuq dơơp tuôôy kơy tơơk tưp koot kanơu kơy laa Y-saak tơl paraa hơu ih? ",
  "22": "Oh ay hloq đaneq xuum tuuôq xatyauq hloay dii varơuq dơơp ku kơy, ji gamưh varơuq dơơp, xuum tuuôq kơy jah xaleep.",
  "23": "Apok Rahlăăp Vah neq heq jah jêêk: \"Aap-raa-haam tuuôq Kơy Plêêk, gamưh kađnư kơy jah 'yo laa hyioh jăk\", ji kơy jah taayh laa 'wơơy ku Kơy Plêêk.",
  "24": "Oh ay hloq nưq, khơl drơơy jah xưưng hyioh jăk xing varơuq dơơp, leh vơơ xing xuum tuuôq đơu heq.\n\\ts\\*",
  "25": "Dang đanưq, be aalq mư kadrê Raa-haap jah xưưng hyioh jăk xing varơuq dơơp tuôôy mư vôôch hrok khơl jah patăk ji jarooy oot hooy kơơn trôôk kadrơy ih?",
  "26": "Vii xăk xamơơk aklah khơlh phool hiel yôôch kaxêêt, xuum tuuôq aklah khơlh varơuq dơơp kung kaxêêt đanưq.\n\\ts\\*"
}