cor_2020_cua_clt_jas_book/jas/2.json

{
  "1": "Wơơy oh ay ku gô, dayh jưư xuum tuuôq đom Lôôk haay, Lôôk wơơt Dêh Jê-Xu Lôôk ku varơuq tađnah tađnaak, te biin ka muuyq dro leq.",
  "2": "Vii toh anưq e dro hlưk kook vayaang kung qwuơn aau karooh e muut aduq hnhư tagumq dii oh ay, ji e muuyq dro adrah đom qwuơn aau bmoh bmơơy kung muut đnooyq.",
  "3": "Atoh oh ay 'yo manih hlưp qwuơn aau karooh e yôôych đnooy: \"dayh 'ngôôy măn aduq tơơl neq!\", bơh oh ay wiih đnooy dii dro adrah: \"Ay dưk vlôôh ahơ!\", long \" 'Ngôôy aduq jôôk gô neq!\".",
  "4": "yôôych be aalq oh ay đon aklaah rapa hloay mamuuyq nưq aleq? Be aalq aleq oh ay wiih jêêt dro xưh xadrah đom xuum biit xâuq iaq?\n\\ts\\*",
  "5": "Lơơyh oh ay xung xiaq kua gô, vôôch dayh tameng: Be aalq Kơy Plêêk heq rơơlh manih adrah măn leq dêh araak xôq jah jêêk karoh e đom xuum tuuôq ji jah vook xok daak plêêk Kadraq heq tavek dii dro xung xiaq Kadraq?",
  "6": "Nưq đơu oh ay wiih dơơp raơh dro adrah! Be aalq khơl karooh dơơp raơơh oh ay aleq? be aalq oot laa manih hoot oh ay vlôh(tooa)= xưh  aleq?",
  "7": "Be aalq oot đnooy raơh yal kaxaay heq jah xôq ka oh ay  aleq?\n\\ts\\*",
  "8": "Ajơ anưq, atoh oh ay dơơp yuôôr gnuun kua Vuua tyauq đaji Rahlap Vah pato, aneq: Dayh xung xiaq manih gah gih haay đaji kadiih xak xmơk haay\", yôôych oh ay xa măn jơq.",
  "9": "Bơh atoh oh ay biin dro leq nưq, yôôych oh ay  lôp kadrôp, ji oh ay biq gnuun xưh xadraah laa dro lôp kadrôp.\n\\ts\\*",
  "10": "Vii dro leq tameng jưư dêq hloay gnuun đơu wiih gưlh xatôlh long vơơ muuyq varơuq heq, yôôych kung awiih jêêk vii lôp hloay gnuun.",
  "11": "Vii Kơy heq đnooy: \"Te lôp kadrôp puq atrăp!\" kung e đnooy: \"Te păk kaxêêt manih!\". Bơh atoh oh ay leh lôp kadrôp puq atrăp, bơh wiih lôp kadrôp păk kaxêêt manih, yôôych oh ay \n wiih jêêt dro lôp vii gnuun.\n\\ts\\*",
  "12": "Anưq atoh dayh đnooy athêêt ji dong dơơp đaji kaluh khơl hnoq biq gnuun rayơh rayơy xưh xadraah.",
  "13": "Vii varơuq xưh xadrah jah dơơp xatyaauq leh e biit angơuq dii dro leh kahnoq xuum biit angơuq. Xuum biit angơuq jay iaq varơuq xưh xadrah!\n\\ts\\*\n\\p",
  "14": "Lơơyh oh ay kua gô, e dong lơơy jii atoh kơyq nưq đnooy ni e xuum tuuôq bơh wiih leh e varơuq dơơp? Xuum tuuôq nưq e wơơt ik oot be?",
  "15": "Atoh aneq e dro oh ay long ay oh thiêêuq tuông xa, đôô hlưp tôôy hngơy.",
  "16": "Atoh aneq muuyq dro đom oh ay đnooy dii oot: \"Dayh hooy đom hrok hrol, dayh jiưư xatôq ji xa phiq!\", đơu be ăm  oot kaluh tuôông duh xa ăm ka xak, yôôych e lơơy kajoq?",
  "17": "Kung đaji nưq, xuum tuuôq atoh leh e varơuq dơơp yôôch kadiih ni kaxêêt.\n\\ts\\*",
  "18": "Bơh e hnoq akơyq nưq đnooy: \"Ay e xuum tuuôq, măn gô e varơuq dơơp.\" Dayh ăm gô hloq xuum tuuôq leh e varơuq dơơp kua ay, yôôych gô hnoq ăm ay hloq xuum tuuôq xing varơuq dơơp kua gô.",
  "19": "Ay tuuôq e muuyq Kơy Plêêk; ay tuuôq jơq. Bơh đơu vơơ kamuut kung tuuôq varơuq nưq ji padrau yôq.",
  "20": "Ne dro vlôô khưưrh, ay e xung xet xuum tuuôq leh e varơuq dơơp laa paq xung leh?\n\\ts\\",
  "21": "Be aalq AAp-raa-haam, mo kơy haay, jah xưưng hyioh jăk xing varơuq dơơp tuôôy kơy tơơk tưp koot kanơu kơy laa Y-saak tơl paraa hơu aleq?",
  "22": "Oh ay hloq anưq xuum tuuôq xatyauq hloay dii varơuq dơơp kua kơy, ji gmưh varơuq dơơp, xuum tuuôq kơy jah paa yôôych.",
  "23": "Apok raa hlap neq heq ik jah jêêt: \"AAp-raa-haam tuuôq Kơy Plêêk, gakưh kađnư kơy jah takê laa hyioh jăk\",ji kơy jah taayh laa 'wơơy kua Kơy Plêêk.",
  "24": "Oh ay hloq nưq, manih drơy jah xưưng hyioh jăk xing varơuq dơơp, leh vơơ xing xuum tuuôq đơu heq.\n\\ts\\*",
  "25": "Daang anưq đaji nưq, be aalq mư kadrê Raa-haap jah xưưng hyioh jăk xing varơuq dơơp tuôôy mư vôôch hrok kaluh khơl jah rơơrh ji jarooy oot hooy kơơn trôôk kadrơy aleq?",
  "26": "Vii xăk xmơk aklah khooyh phool hieel yôôch kaxêêt, xuum tuuôq aklah khooyh varơuq dơơp kung kaxêêt đaji nưq.\n\\ts\\*"
}