See in Reader
55 lines
10 KiB
JSON
55 lines
10 KiB
JSON
{
|
|
"1": "Jơu neq, măn đom Tayuup Vaah aduq An-tii-ôôt, e khơl hnhư kơy hlit ji thơy pato: Ba-naa-baa, Si-mêê-ôôn jaah taayh laa Ni-jêê, Lu-sii-uut manih Sy-reen; Ma-naa-heem, ooh vach kua vuua kôô hơu Hê-rôôt, ji Sau-lơơ.",
|
|
"2": "ajơ nưq, đong tuôôy oot tưưuq hơu Lôôk ji deek xa, yôôych Lôôk Phool Hiêêl đnooy: \"Phayh xôq đêêh Ba-naa-baa ji Sau-lơơ vlôôh ka Gô, vii kông varơuq đơu Gô heq kawooyh taayh oot.\"",
|
|
"3": "Jo anưq, atêq tuôôy deek xa, xadrook apôôy ji tol tii tal vaarq dro nưq, oot xôq ăm hoy.\n\\ts\\*\n\\p",
|
|
"4": "Nưq, atêq tuôôy jaah patăk hooy xing Kơy Phool Hiêêl vaarq adro pôôt truh Sê-lơơ-xii; ji xing nưư oot hooy gee truh Chip-rơơ. ",
|
|
"5": "Ajơ heq truh aduq Sa-laa-miin, oot padooh taboon hêêl kaxay kua Kơy Plêêk đom kaluh hnhư hơu kua manih Jo-Thaayq. Jơu neq, oot kung e jăng đaji muuyq dro xa tyaauq.\n\n\\ts\\*",
|
|
"6": "Xatyauq nưq, atêq tuôôy rapaah hlê hloay ngok truh duq Ba-phôô, oot tavơơh muuyq dro nưq, muuyq thơy pajơu, kơy hlit jiaah manih Jo-Thaayq, anơng ni laa Ba-jêê-suu,",
|
|
"7": "đơu adro neq măn dii qwaang padrok dêh Sê-juut Phaau-luut - muuyq dro khôôt xet. Tuôôy heq ăm mưưy Ba-naa-baa ji Sau-lơơ, qwaang akhiim axet xôq tameng dong apok kua Kơy Plêêk.",
|
|
"8": "Bơh \"thơy pajơu\" Ê-liy-maa (vii anơng ni jaah jich vlôôh đaa nưq), taa chơơl oot, axet trôôk ngưưr qwaang padrok dêh khooyh xuum tuôq.\n\\ts\\*",
|
|
"9": "EE Sau-lơơ, kung taayh laa Phao-lôô, jaah viik galaay kơy Phool Hiêêl, ajơ 'yo trưưng trưưng muut ka ni,",
|
|
"10": "ji đnooy: \"Ne dro viik galaay tôôy varơuq alưưk paôh ji đuu thưư jian xơk, koot kua kamuuy xơuq, adro tachơơl kua kaluh varơuq hyioh jăk, kơy hnoq be padơơy xalôh xalek trôôk hooy hyioh jăk kua Lôôk ưư?\n\\ts\\*",
|
|
"11": "Jơu neq, dayh 'yo yơu, tii kua Lôôk tachơơl dii kơy ji kơy hnoq biq apul, leh 'yo hloq mot hngơy đom muuyq kawah tuôôy.\" Nưq laa vơơ jơ nưq, varơuq apul jaluk klôôy xateek kahri tol ni, ji ni rawit hooy rawit hlê axek manih rôp tii jarooy ni.",
|
|
"12": "Ajơ neq, tuôôy heq dưk xanưk varơuq đơơu xliih vlôôh, qwaang jư 'yo tuôq, vii biq tưưng hưưng adrooyq pato dayq kua Lôôk.\n\n\\ts\\*\n\\p",
|
|
"13": "Jơu neq, atêq tuôôy pôôt gee xing Ba-phôô, khơl dro rapa hooy kung Phao-lôô hooy truh Bet-jêê jêêk Bam-phii-lii. Bơh vii wiih atoor khooyh oot, Jăng wiit xuq aduq Jê-ruu-saa-leem.",
|
|
"14": "EE oot, atêq tuôôy chuuh khooyh Bet-jêê, yôôych kahluh truh An-tii-ôôt jêêk Bi-sii-đii, ji tuôôy heq hooy muut hnhư hơu đom hngơy Sa-baat, oot 'ngôôy tưưuq.",
|
|
"15": "Atêq varơuq vơơ đok ga nuun ji khơl kơy hlit, khơl jư 'yo hnhư hơu patăk manih truh dii oot, đnooy aneq: \"Tơơl khơl 'wơy, kaluh manih ooh ay, atoh apok kơy ahmuk ahluul leq deng ka manih karôp măn aduq khơl wơy, yôôych xiin dayh padoh yơu.\"\n\\ts\\*",
|
|
"16": "Nưq yôôych, atêq tuôôy dưk tok ji awoyh tii avlôôh hlêêl, Phaau-lôô đnooy: \"Tơơl khơl wơy, khơl manih Y-sơơ-raa-êên ji, khơl kơyq kuh yôq Kơy Plêêk, xing dayh tameng.",
|
|
"17": "Kơy Plêêk kua tamooy Y-sơơ-raa-êên neq heq rơơrh mo kơy haay, khieenq oot jơu karooh đom kawaah kaplaah măn hlê tol vari Ay-kăp, ji toq plaa tii tơơk yơơt, Kadraq jarooy oot vlôôh khooyh đnư.",
|
|
"18": "Đom kawaah tuôôy kaplaah poot kưl xanưm Kadraq chiuq atuq oot aduq wănq we.\n\\ts\\*",
|
|
"19": " Ji atêq tuôôy păk kaxêêt pơơh adro tamooy đom dêh Ka-naa-aan, Kadraq kahni dêh kua oot ăm oot dơơp hluôôt vari,",
|
|
"20": "đom kaplah poot hreek dăp kưl xanưm. Atêq kaluh varơuq nưq, Kadraq heq kahni ka oot kaluh padrok xadrah ăm truh tuôôy kơy hlit Sa-muu-êên.\n\n\\ts\\*",
|
|
"21": "Xing tuôôy nưq kon hơ, manih karôp apôôy vôôch muuyq vuua, ji Kơy Plêêk heq kahni ka nooy Sau-lơơ, koot kanơu kua Kiich, muuyq dro jêêk ka adrơơk Bên-jaa-miin, đom poot kưl xaưm. ",
|
|
"22": "Ji ajơ heq khelh 'lăk kơy nưq, Kadraq xanưk Đa-viik tok dơơp vuua ka oot, đơu tuôôy dơơp xanưk truh kơy, Kadraq kung đnooy: 'Gô heq axek hloq Đa-viik, koot kanơu Je-sêê, muuyq dro tyaauq xuum Gô, laa dro hnoq dơơp kaluh iq xung Gô pato.'\n\\ts\\*",
|
|
"23": "Xing adrơơk nooy kua vuua neq, tyauq đaji apok taveek, Kơy Plêêk heq xagook truh ka Y-sơơ-raa-êên muuyq Kơy Wơơt Dêh, laa Lôôk Jê-xuu,",
|
|
"24": "tuôôy jăng heq padoh lơơh adrooyq nưq muuyq pheep bap-teem truh varơuq wiit xuum ka padêq tamooy Y-sơơ raa-êên, adrooyq varơuq raa maa kua kadraq. ",
|
|
"25": "Jơu neq, ajơ Jăng đong paa payôôych varơuq ganuun kadraq, kơy đnooy: 'Ooh ay atoh biit gô laa kơyq? Be aalq laa gô 'leq. Long anưq, daayh 'yo 'yoo, Kơy đong truh atêq gô, laa Kơy đơu gô leh tolh taak xôq luuh kaxôp aduq jôôk Kadraq.'\n\\ts\\*",
|
|
"26": " Lơơy khơl wơy, lơơy ooh ay, laa koot xau jêêk rong nooy Ap-raa-haam ji khơl dro kuh yôq Kơy Plêêk tul wach ooh ay, dong apok kua varơuq wơơt xok neq heq jaah ataaq truh ka haay.",
|
|
"27": "Vii khơl dro riirh aduq Jê-ruu-saa-leem ji khơl xanưk ka padrok kua oot leh 'yo xet Kơy nưq, đơu oot heq dơơp jaah jêêk kaluh apok kua khơl viq kơy hlit măn jaah đok tôôy hngơy Sa-baat, tuôôy rôp kadrôk Kadraq.\\\n\n\\ts\\*",
|
|
"28": "Long be axek hloq muuyq kadrôp kajoq leq ka phayh kaxêêt, bơh oot heq dach Phi-laat khiêênq kadraq biq kaxêêt. ",
|
|
"29": "Jơu neq, ajơ oot heq dơơp yôôych kaluh varơuq jaah valơk truh Kadraq, yôôych atêq \ntuôôy xagook pôôt khooyh gay chrăk, oot amik Kadraq đom muuyq môô xanưng.\n\\ts\\*",
|
|
"30": "Bơh Kơy Plêêk heq khieenq Kadraq riirh hlê xing aduq kaxêêt,",
|
|
"31": "đơu Kadraq heq jaah 'yo hloq đom 'ngưưng hngơy xing khơl manih hooy tok kung dii Kadraq xing Ga-lii-lêê truh Jê-ruu-saa-leem, khơl dro nưq jơu neq laa dro xanưk kua Kadraq adrooyq manih karôp.\n\n\\ts",
|
|
"32": "'Wot đong padoh vlôôh Hêêl Kaxay ka ooh ay, jaa apok tavek heq truh dii mo kơy kua haay.",
|
|
"33": "aneq Kơy Plêêk heq dơơp yôôych đuu tol varơuq nưq ka kaluh koot xau kua haay, tuôôy khieenq Lôôk Jê-xuu riirh hlê. kung đaji varơuq heq jaah vlơk đom Thii-thiêên thưq vaarq: 'Koot laa Koot Gô, hngơy neng Gô heq paiir Koot.' \n\\m",
|
|
"34": "panư đêh, xing kơq Kadraq heq khieenq Kơy nưq riirh hlê xing aduq kaxêêt, hnoq leh ee wiit xuq dii varơuq hưư naat đnooyq, nưq atoh Kadraq đnooy aneq: 'Gô hnoq kahni ka Koot kaluh ơơn vanong vaah kua Đa-viik, nưq laa kaluh vanong kaxay chăk chăănq.\n\n\\ts\\*\n\\m",
|
|
"35": "Kung vii anưq, Kadraq đnooy đom muuyq Thii Thiêên kadrơơy, aneq: 'Kadraq hnoq leh xôq ka Kơy Vaah Kadraq hloq varơuq hưư naat.'",
|
|
"36": "E varơuq, đôôyq dii Đa-viik đom tuôôy đơơy kua kadiih xăk, atêq tuôôy dơơp tyauq iq xung kua Kơy Plêêk, yôôych kơy heq viik, jaah up kung mo kơy xăk, ji heq hloq varơuq hưư naat.",
|
|
"37": "Ƀơh Kơy đơu Kơy Plêêk heq khieenq riirh hlê yôôych leh hloq varơuq hưư naat.\n\\ts\\*",
|
|
"38": "Ăm atoh, tơơl kơl wơy, tơơl oh ay, varơuq neq phayh laa varơuq hlolh xet đôôyq dii ooh ay, aneq gamưưh Kơy nưq, varơuq ka 'lăk adrôp marooh jaah đnooy vlôôh ka ooh ay ji khooyh tôôy varơuq đơu xing oot, ooh ay heq leh e da uuh jaah xưng hyioh jăk tyauq gaa nuun Môôy-see.",
|
|
"39": "Đom Kơy nưq, tôôy dro tuôq yôôych jaah xưng hyioh jăk.\n\\ts\\*",
|
|
"40": "Nưq, dayh 'yo hluq, nưh varơuq heq jaah đnooy đom kaluh rahlap kơy hlit e hnoq xaliih truh ka ooh ay:\n\\q",
|
|
"41": "'Kaluh khơl va'yơơng hơq khing tuôôy hơq, dayh 'yo 'yoo, yôôych varaar yôq ji biq păk kaxêêt dơyh! Vii Gô đong dơơp muuyq varơuq đom tuôôy khơl dro, muuyq varơuq đơu khơl dro chăk chănq leh tuôq, ăm long kơyq nưq padoh taboon ka khơl dro.\"'\n\n\\ts\\*\n\\p",
|
|
"42": "Jơu neq, đong tuôôy vaarq dro chuuh hooy, tamooy karôp apôôy vôôch xôq jaah padooh ka ni kaluh apok nưq muut hngơy Sa-baat xa tyaauq. ",
|
|
"43": "Ajơ nưq, tuôôy kawah tưưuq anguk heq yôôych, 'ngưng manih Jo-Thaayq ji khơl dro tyauq trôôk ưngq tyauq Jo-Thaayq heq hooy tyauq Phao-lôô ji Ba-naa-baa, tuôôy vaarq dro đnooy athêêt dii oot, yôôych ahluk ahluul oot ragơy đom vanong kaxay kua Kơy Plêêk.\n\\ts\\*\n\\p",
|
|
"44": "Nưq yôôych, muut hngơy Sa-baat xa tyauq, jeq đaji dêq theng tưưuq hlê wiih xôq tameng hêêr kaxay kua Lôôk. ",
|
|
"45": "Bơh tuôôy 'yoo hloq bing karôp, kaluh manih Jo-Thaayq viik xuum 'ya rơ, ji katoor ka'lăk kaluh varơuq jaah đnooy xing Phao-lôô, đaa ji dơơp raơh kơy.\n\\ts\\* ",
|
|
"46": "Tơơl hlê đaa kôk kaalh hloay Phao-lôô ji Ba-naa-baa heq đnooy aneq: Varơuq duuh dik laa apok kua Kơy Plêêk phayh jaah padooh ka khơl kơy adrooyq dik. Vii nhơnq vlôôh aneq khơl kơy wih katoor varơuq xing apok neq ji kadiih 'yo xăk leh xưng dik dii varơuq riirh đơơy đơơy, atoh hay tamơng 'yo wot đong xagook ahlê khơl tamooy daak gôk.",
|
|
"47": "Vii Lôôk heq dăch lơơh ka 'wot đaa neq: 'Gô heq xôq koot đaji xaraar tađnaah ka khơl tamooy daak gôk, xôq koot riirh ka varơuq wơơt xok kahluh truh aduq lôch dêq play vari.\"'\n\\ts\\*\n\\m",
|
|
"48": "Jơu neq, tuôôy tameng anưq, kaluh manih daak gôk hlaah hlaak ji vanê laat apok kua Lôôk, ji dêq hloay khơl akơyq heq jaah xiêh ka varơuq riirh đơơy đơơy yôôych rapa tuôq.",
|
|
"49": "Nưq yôôych, apok kua Lôôk jaah padooh vlôôh lot hloay dêh.\n\n\\ts\\*",
|
|
"50": "Bơh manih Jo-Thaayq pa ahluk khơl mo kadrê ranelh Đaauq e vaarq dro kung khơl dro dơơp kôt đom theng, yôôych muuyq tuôôy rôp toop dưk tok tachơơl hlê Phao-lôô ji Ba-naa-baa, oot drưyh vaarq dro vlôôh khooyh ka duq theng kua oot.",
|
|
"51": "Jơu neq, atêq tuôôy tapolh thuul aduq jôôk xôq ta chơơl oot, vaarq dro hooy truh Y-kôô-nii.",
|
|
"52": "EE khơl xa tyauq jaah galơơh galaay varơuq hlaah hlaak ji Lôôk Phool Hiêêl. \n\n\\ts\\*"
|
|
}
|