cor_2020_cua_clt_act_book/act/8.json

{
  "1": "Jơu neq, Sau-lơơ 'miêêh  ưngq anưq varơuq păk kaxêêt Ê-tiêên. Nưq Yôôych, đom hngơy nưq, muuyq tuôôy rôp toop kôt heq xaliih vlôôh tachơl dii Tayuup Vaah aduq Jê-ruu-saa-leem, ee dêq hloay khơl tuôq tyaauq pachaay hyaak lơơt dêh Ju-đêê ji Sa-maa-rii, leh jauq khơl jaah rơơlh.",
  "2": "Khơl adro tuôq kuuh heq up xôq Ê-tiêên ji e xung nhim ook thiier kôt deng ka kơy.",
  "3": "Bơh, Sau-lơơ dơơp raa ơơh kôt ka Tayuup Vaah. Tuôôy ka hluuh muut tưưng hnhư, hoot padêq khơl kanơu hloay khơl kadrê vlôôh, kơy karuk oot muut tuu.\n\n\\ts\\*\n\\p",
  "4": "Long anưq, khơl adro biq pachaay hyaak heq hooy lot aduq padooh vlôôh hêêr kaxay truh apok Lôôk.",
  "5": "Jơu neq, Phi-liip hooy aloh truh theng Sa-maa-rii, kơy đnooy vlôôh Lôôk Wơơt Dêh ka oot.\n\n\\ts\\*",
  "6": "Ajơ nưq, manih karôp muuyq xuum karauq muut kaluuh kajiq jaah Phi-lip padoh, đom tuôôy tameng kaluh apok nưq ji hloq kaluh pheep akêêh bơh kơy dơơp.",
  "7": "Vii 'ngưưng dro đom sôôq oot biq kaluh kamuuych bmoh nhôp, ni heq vlôôh khooyh atêq tuôôy la kôt apok tok. EE 'ngưưng dro biq  talêêt ji qwee yôôych heq jaah paa yơơh.",
  "8": "Jơu neq, e varơuq hlaah hlaak thiiêr kôt đom theng nưq.\n\n\\ts\\*\n\\p",
  "9": "Bơh muuyq dro khơl kanơu nưq, anơng laa Si-môôn, adrooyq neq heq hmưq dơơp thơy jaluk đom theng ji dơơp akêh dik manih Sa-maa-rii, kadih xưng ni laa khơl kôt lơyq.",
  "10": "manih đơu dêq hloay oot, xing dee truh kôt, varơu ka rauq tameng tyaauq vii đnooy anưq: \"Kơy neq laa taay yaak kua Kơy Plêêk, laa  varơuq jaah taayh laa Kôt Lơyq.\"",
  "11": "Jơu neq, manih kadrơy tameng tyaauq kơy, vii đom muuyq tuôôy kawah yơơt, kơy heq khieenq oot tưưng hưưng toq kaluh dro kamuuych pajơu.\n\\ts\\*",
  "12": "Bơh tuôôy oot tuôq Phi-liip, vii jaah padoh đnooy hêêl kaxaay truh daak Kơy Plêêk ji yal kua Lôk Wơơt Dêh Jê-Xuu, yôôych oot chiuq Bap-teem, padêq khơl kanơu hloay khơl kadrê.",
  "13": "Yôôych kadiih  Si-môôn kung tuôq, tuôôy heq chiuq Bap-teem, kơy kưq athêêp đnooyq măn dii  Phi-liip. Đom kawaah, tuôôy xanưk anưq kaluh hlêêl akêh ji kaluh varơuq taay yaak kôt lơyq xliih vlôôh, kơy thiier tưưng hưưng.\n\n\\ts\\*\n\\p",
  "14": "Jơu neq, atêq tuôôy tameng aneq tamooy dêh Sa-maa-rii heq tuôq nhonq trôôk kua Kơy Plêêk, khơl jaah rơơrh aduq Jê-ruu-saa-leem dăch Phi-ee-rơơ ji Jăng truh dii oot,",
  "15": "laa vaarq jaah rơơrh đơu atêq tuôôy truh aduq, heq xadrook apôôy ka oot, xôq oot e hnoq nhonq xok Lôôk Phool Hieel.",
  "16": "Vii Kadraq 'miêêh koq kahri tol muuyq akơyq  đom sôôq oot, bơh oot vơ laa heq jaah Bap-teem đom yal Lôôk Jê-xuu đơu heq.",
  "17": "Nưq vaarq jaah rơơrh xôq tii tol oot, yôôych oot nhonq xok Lôôk Phool Hieel.\n\\ts\\*",
  "18": "Jơu neq, tuôôy hloq aneq Yaak Plêêk jaah kahni ăm hlê varơuq xôq tii kua khơl jaah rơơrh, yôôych Si-môôn palo jêêk ka oot.",
  "19": "tơơl: \"Xiin kung ăm gô daa uuh neq xôq atoh akơyq đơu gô xôq tii tol, yôôych adro nưq e hnoq nhonq jaah Lôôk Phool Hieel.\"\n\\ts\\*",
  "20": "Bơh Phi-ee-rơơ đnooy dii kơy: \"Xadrook ka jêêk kua kơy, măn đom varơuq păk kaxêêt kung kơy, vii kơy biit root jaah vanong kahni kua Kơy Plêêk toq jêêk!",
  "21": "Leh e phon long tavơơh hlê kajoq đom varơuq neq deng ka kơy, vii xuum kơy be aalq laa hyioh jăk adrooyq kangưưr Kơy Plêêk.",
  "22": "Nưq, dayh wiit xuum truh varơuq xơk neq kua kơy ji xadrook apôôy dii Lôôk, xet 'leq gamưh đnưq đơu xing biit kua xuum kơy hnoq jaah thaa 'lăk.",
  "23": "Vii gô hloq kơy đong măn đom 'yarơ raơơh ji vek qwaat kua varơuq lưp jăk.\"\n\n\\ts\\*",
  "24": "Bơh tơơl hlê, Si-môôn tơơl: \"Xiin khơl kơy xadrook apôôy dii Lôôk xaloah ka gô, xôq leh muuyq varơuq leq đom kaluh varơuq đơu khơl kơy vơơ đnooy e hnoq xaliih vlôôh ka gô.\"\n\\ts\\*\n\\",
  "25": "Nưq, atêq tuôôy dơơp xanưk ji padoh apok Lôôk, oot wiit hlê ngưưr xuq Jê-ruu-saa-leem, ka ajơ padoh taboon Hêêl Kaxaay ka ngưưng palơy kua maniih Sa-maa-rii. \n\\ts\\*\n\\p",
  "26": "\nJơu neq, muuyq kơy hơu kua Lôôk đnooy dii  Phi-liip aneq: Dayh xalaak kaah ji hooy xuq pi naam tol koot trôôk xing Jê-ruu-saa leem jarooy pôôt truh Ga-xaa.\" (Nưq laa aduq wănq we.)",
  "27": "Tuôôy heq xalaak kaah, kơy tok trôôk, ji 'yo hơq, muuyq dro khơl kanơu, maniih Ê-thii-ôô-bii, qwaang thaayq jaamq triêêu thâân kua Kaan-đaak, mo vuua Ê-thii-ôô bii, laa dro 'miêh đong jư 'yo dêq hloay pơ 'naak kua mo, kơy heq truh xôq akuh kuul aduq Jê-ruu-saa-leem, ",
  "28": "Kung ajơ nưq, kơy đong wiit xuq, 'ngôôy tol xe ôôq ahleh kua kơy ji đok rahlap hlit Ê-saay.\n\\ts\\*",
  "29": "Jơu neq, Yaak Plêêk đnooy dii Phi-liip: \"Dayh truh jeq ji hlê jeq xee ôôq hleh nưq.\"",
  "30": "Nưq yôôych, tuôôy heq chrơơk truh, Phi-liip tameng viq qwaang neq đong đok rahlap hlit Ê-saay, yôôych kơy đnooy: \"Kadraq dik varơuq hlolh kaluh kajoq kơy đong đok long leh?\"",
  "31": "Bơh viq qwaang dăch: \"Dơơp đaa aleq đơu gô e hnoq hlolh ik, atoh be muuyq kơyq nưq hnoq pato jarooy ka gô?\" kung ajơ nưq, kơy mưưy Phi-lip tawaak tok xôq 'ngôôy kung dii kơy.\n\n\\ts\\*",
  "32": "Jơu neq, talok Rahlap Vaah đơu kơy đong đok laa đa neq: \"Kơy biq jarooy hooy đaji ôôq trưưu truh kapơơp pưk dơơp hlek, ji đaji trưưu koot hôp hloay adrooyq kangưưr manih goch hlôôk ni, nưq atoh, Kơy be luh huuy kơy. \n\\q",
  "33": "Đom varơuq dơơp raơh, hyioh jăk kua Kơy biq varoh xok. Akơyq hnoq taboon hlê ka adrơơk Kơy? Vii maangq riirh Kơy heq biq deep khooyh  vari.\"\n\\ts\\*\n\\m",
  "34": "Tuôôy đnooy hlê, qwaang thaayq jaamq đnooy dii Phi-liip: \"Gô xiin ay ăm gô xet, viq kơy hlit đong đnooy varơuq neq truh akơyq - truh kadih xăk kơy long truh muuyq akơyq đêh?\" ",
  "35": "Nưq laa, luh huuy kơy vlôôh ji patep dik xing phon Rahlăp Vaah neq, Phi-liip padoh tabon Hêêl Kaxaay truh Lôôk Jê-xuu ăm viq qwaang nưq.\n\n\\ts\\*",
  "36": "Nưq yôôych, ajơ oot đong hooy tol trôôk, oot hooy truh aduq e daak nưq, yôôych qwaang thaayq jaamq dăch: \"'Yo hơq, daak! varơuq kajoq đong klol lhê gô chiuq bap-teem?\"",
  "37": "{ Jơu neq,Phi-liip đnooy dii kơy: \"Atoh kơy tuôq atoq dêq hloay xuum klaak kơy, yôôych kơy hnoq jaah wơơt.\" Nưq yôôych tuôôy tơơl apok, viq qwaang đnooy: \"Gô tuôq muut Lôôk Wơơt Dêh, laa Koot Kơy Plêêk.\"\\f*",
  "38": "Viq qwaang vlôôh lơơh dưk xee ôôt hleeh hlê ji hloay vaarq varơuq hooy pôôt daak, hloay Phi-liip ji qwaang thaayq jaamq, yôôych kơy dơơp bap-tem ka viq qwaang nưq.\n\\ts\\*",
  "39": "Jơu neq, tuôôy oot heq tok khooyh daak, Yaak Plêêk kua Lôôk taway Phi-liip hooy, ji qwaang thaayq jaamq leh ee 'yo hloq kơy đnooyq, viq qwaang hlah hlaak tyaauq đnooyq, hooy trôôk kơy.",
  "40": "EE Phi-liip yôôych jaah 'yo hloq aduq A-xôôt, ji tuôôy dalơơh hlê dêh nưq, kơy padoh taboon Hêêl Kaxaay ka dêq hloay kaluh theng, ăm truh tuôôy kơy hooy truh Sê-saa-rêê.\n\n\\ts\\*"
}