See in Reader
45 lines
8.2 KiB
JSON
45 lines
8.2 KiB
JSON
{
|
|
"1": "jơu neq, muuyq dro nưq anơng A-naa-niia, kung Sa-phii-raa, kadrê xăk, heq tek muuyq hluôt vari,",
|
|
"2": "yôôych ay nưq jưư đêh ka xăk muuyq phon poot sôôq jêêt nưq (adro kadrê kung xet), ji atê tuôôy adrơk muuyq phon hơq truh, ay nưq buu aduq jôôk khơl jaah rơơrh.\n\n\\ts\\*",
|
|
"3": "Bơh Phi-ee-rơơ đnooy: \"A-naa-niia, vii aleq Sa-taan viik yok xuum ay khieenq ka ay đnooy paôôh Lôôk Phool Hieel đơu jư đêh ka xăk muuyq phon poot sôôq jêêt kua hluôt vari nưq?",
|
|
"4": "Tuôôy ee nưq, be aalq hluôt vari nưq laa kua ay, ji atêq Tuôôy jaah tek yôôych, sôôq jêêt măn jêêk 'laarq qwiên kua ay aleq? Dơơp đa leq đơu ay đơơu jauq varơuq neq đom xuum xăk? Be aalq ay đnooy paôôh koot manih 'leq, đơu laa dii Kơy Plêêk.\"",
|
|
"5": "Nưq yôôych, atêq tuôôy A-naa-niia tameng kaluh apok nưq, ay nưq kloh hơơy đơu gưlh pôôt, ji varơuq varaar yôq thieet kôt kahri pôôt tal dêq hloay kaluh kơyq tameng dong varơuq neq.",
|
|
"6": "Jơu neq, tuôôy heq dưk tok, khơl tadăp blaay ahnom vieet ay nưq ji tuôôy heq xakôôk vlôôh pigôk yôôych oot xagook hooy up. \n\\ts\\*\n\\p",
|
|
"7": "Bơh varơuq xaliih truh kawaah pe wat atêq nưq, kadrê ay nưq tawaat muut, koq lưp xet varơuq heq xliih vlôôh. ",
|
|
"8": "Phi-ee-rơơ đnooy dii mư: \"Dayh đnooy ka gô xet e jơq ay mư heq tek hluôt vari dii jaq to nư long leh? Yôôych mư đnooy: \"ƯƯ, jaq to nư nưq. '\n\\ts\\*",
|
|
"9": "Bơh Phi-ee-rơơ dăch mư: \"Dơơp leq đơu varơuq nưq jaah vaarq adro ra pa xôq atooh Yaak Plêêk kua Lôôk? Dayh 'yo hơq, plaa jôôk kua khơl adro heq up kanơu mư măn ka 'mok, ji oot kung hnoq xagook mư hooy up.\"",
|
|
"10": "Jơ nưq, mư nưq gưlh pôôt aduq jôôk kơy ji klooh hơơy. Jơu neq, tuôôy tawaak muut, kaluh khơl tadăp hloq xăk mư, yôôych atêq tuôôy xakôôk mư vlôôh pigôk, oot up mư pi gaah kanơu ni.",
|
|
"11": "Varơuq varaar yôq thieet kôt kahri tol hloay TaYuup Vaah ji tol dêq hloay kaluh akơyq tameng truh kaluh varơuq nưq.\n\n\\ts\\*\n\\p",
|
|
"12": "Jơu neq, hlê pala tii kua khơl jaah rơơrh, 'ngưưng dơuq akêh ji varơuq pa kêh xliih vlôôh tul wach manih karôp, ji oot rapa muuyq xuum măn aduq 'Mok Ngoo Sa-lôô-môôn.",
|
|
"13": "Bơh leh akơyq đêh hôôk muut nhôp dii oot, long anưq manih karôp 'miêêh đong vanê ayuôôt oot. \n\\ts\\*",
|
|
"14": "Jơu neq, kang 'ngưưng manih jaah athêêp muut tuôôy xôq xuum tuôq aduq Lôôk galơơh đnooyq, sôôq dro karôp lơyq hloay kanơu khơl kadrê,",
|
|
"15": "truh nôôy manih nưq đơu vơ xagook manih jiq vlôôh trôôk, ta mik tol ravaak ji xadôôk, xôq tuôôy Phi-ee-rơơ hooy dalơh hlê, yôôych axich yưk ralơuq kua kơy e hnoq kahlôôp tal akơyq nưq đom oot. ",
|
|
"16": "Muuyq biing manih karôp lơyq kung keeuq mamuuyq truh xing kaluh theng gaah giih Jê-ruu-saa-leem, xagook tyauq maniih jiq ji khơl maniih biq adrôp kamuuych dơơp raơơh, đơu dêq hloay oot rapa jaah paxêêk yơơh.\n\\ts\\*\n\\p",
|
|
"17": "Bơh atêq tuôôy xalaak kaah, thơy dok dơơp kôt lơyq ji dêq hloay khơl adro tyauq kơy nưq ( laa khơl maniih jêêk biing Sa-đuu-sêê) ngơp galaay xuum 'ya rơơ. \n\n\n\n\n\n\n\n\n\n\n\n\n\n\n\n\n\n\n\n\n\n\n\n",
|
|
"18": "yôôych khơl adro nưq palo tii tal khơl jaah rơơlh ji xagook oot muut hnhư karuk kađnen kahơơ.\n\n\\ts\\*",
|
|
"19": "Bơh đom klôôy, muuyq kơy hơu kua Lôôk heq luuh 'mok hnhư karuk, xagook oot vlôôh pigôk, ji dăch:",
|
|
"20": "“Hooy hooy, ji atêq tuôôy dưk đom hnhư hơu, dayh đnooy dii manih karôp kaluh apok kua varơuq riirh neq.”",
|
|
"21": "Nưq yôôych, tuôôy heq tameng anưq, oot hooy muut đom hnhư hơu tuôôy rahưng tađnaah ji pato dayq. Jơu neq, atêq tuôôy thơy tơơk tưp kôt dik ji khơl adro tyauq kơy nưq truh aduq, oot ăm anguk hlê Khơl Xanưk kung dêq hloay khơl draq lơơk đom maniih I-sơơ-raa-êêl, yôôych dăch manih truh hnhư karuk xôq jarooy khơl jaah rơơrh truh.\n\n\\ts\\*",
|
|
"22": "Bơh ajơ truh aduq, khơl jưư 'yo leh hloq khơl jaah rơơrh đom hnhư karuk, nưq laa atêq tuôôy rawiit wiit hlê, oot tauq tabon.",
|
|
"23": "tơơl aneq: \"Wot hloq hnhư tuu heq jaah kal chăk đaa kaluh dong varơuq jư 'yo, ji kun jư yôôych dưk ka 'mok, bơh atêq tuôôy luuh vlôôh, 'wot be hloq akơyq măn pii 'lăp hloay.”\n\n\\ts\\*",
|
|
"24": "jơu neq, ka tuôôy biing oot heq tameng taleq apok nưq, hloay khơl jư 'yo khơl kun hnhư hơu hloay khơl thơy dok dơơp kơt dik rapa xôôl dôôl truh kaluh tauq taboon, dơơp aleq varơuq đaa nưq wiih e hnoq xaliih vlôôh.",
|
|
"25": "Nưq yôôych, muuyq akơyq nưq, atêq tuôôy truh aduq, heq tauq dii oot aneq: \"Dayh 'yo neq, kaluh maniih đơu khơl kơy xagook muut karuk neq đong măn đom hnhư hơu, heq dưk pato dayq maniih karôp!\"\n\n\\ts\\*",
|
|
"26": "Jơu neq, adro dưk xanưk, hooy kung khơl jư 'yo, heq jarooy oot xuq, leh xok khêêl jaauq, vii oot yôq maniih karôp, e aneq maniih biq tiip phơu.",
|
|
"27": "Tuôôy heq jarooy khơl jaah rơơrh xuq, bơh adro nưq xôq oot tul khơl Karôp, yôôych thơy dok dơơp kôt dik xadraah vôôch oot,",
|
|
"28": "aneq: \"Wot heq padooh ka khơl kơy lơơh kơmq pato dayq đom yal neq, đơu 'yo hơơq, khơl kơy heq khieenq Jê-ruu-saa-leem galaay ngơpq varơuq pato dayq xăk, ji khơl kơy yôôych xung xagook vahaap kua manih nưq kahrôq tol 'wot.\"\n\n\\ts\\*",
|
|
"29": "Bơh tuôôy tơơl hlê, Phi-ee-rơơ ji khơl jaah rơơrh đnooy: \"Phayh tameng tyauq Kơy Plêêk iaq laa manih nưq.",
|
|
"30": "Kơy Plêêk kua mo kơy haay heq khieenq Lôôk Jê-xuu riirh hlê, Kadraq laa Kơy đơu khơl kơy heq păk kaxêêt, tuôôy kađnok tol gay charăk.",
|
|
"31": "Kơy Plêêk heq vanê Kơy nưq tok dơơp padrok kôt ji Lôôk Wơơt Dêh măn pi akooh kadraq, xôq kahnii varơuq wiit xuq ka Y-sơơ-raa-êêl kung varơuq ka 'lăk karôp maroh. ",
|
|
"32": "'Wot laa xanưk adro kua kaluh varơuq neq, kung dii Lôôk Phool Hieel, Kơy đơu Kơy Plêêk heq kahnii ăm khơl maniih tameng tyauq Kadraq.\"\n\n\\ts\\*\n\\p",
|
|
"33": "Bơh atêq tuôôy tameng anưq, biing oot thiier tưk jaraq ji xung păk kaxêêt khơl jaah rơơrh.",
|
|
"34": "Jơu neq, tuôôy muuyq dro nưq dưk tok tul Khơl Karôp, laa muuyq adro Pha-rii-sii, anơng laa Ga-maa-lii-êêl, thơy pato ganuun, jaah padêq manih vanê vadoo, kơy dach xagook khơl jaah rơơrh vlôôh pigôk muuyq jơy.\n\n\\ts\\*",
|
|
"35": "Yôôych kơy đnooy dii oot: Tơơl khơl wơy, khơl maniih Y-sơơ-raa-êêl, dayh rơơch roor dii xăk xamơk truh varơuq đơu khơl wơy đinq dơơp ka taleq adro neq. ",
|
|
"36": "Vii adrooyq tuôôy kawaah neq, Thêêu-đaa heq dưk tok, kadiih xưng xăk laa muuyq dro đa leq nưq, sôôq kaluh maniih khơl kanau heq nhôp biing kung ni muut kawaah poot hreek, đơu ni heq biq păk kaxêêt yôôych dêq hloay khơl adro leq jaah nhaap tameng tyauq ni rapa biq paa chaay, yôôych biin oot hooy truh aduq be ee akơyq.",
|
|
"37": "Atêq anơng neq, Ju-đaa maniih Ga-lii-lêê heq dưk tok đom ka tuôôy 'yo hlê manih karôp ji payaat keeuq maniih karôp tyauq ni. Anơng nưq kung ka'lăk mangq, yôôych dêq hloay khơl adro leq jaah dơơp xatyauq tyauq ni rapa biq pa chaay.\n\\ts\\*",
|
|
"38": "Ju neq gô đnooy dii khơl wơy varơuq neq: Dayh chuh xangưưy khooyh taleq dro nưq ji xôq ngưưr oot, vii atoh iq đinq neq long kong varơuq neq laa xing kaluh maniih, yôôych ni hnoq biq păk kaxêêt.",
|
|
"39": "bơh atoh varơuq nưq laa xing Kơy Plêêk, yôôych khơl wơy hno leh hnoq phaa parưp oot, đơu leh kheoq khơl wơy đơu vơ e hnoq biq 'yo laa dro taa chơơl dii Kơy Plêêk.\" Nưq laa, oot jaah tameng xatyauq tyaauq kơy.\n\n\\ts\\*",
|
|
"40": "Atêq tuôôy ăm taayh khơl jaah rơơrh, tuôôy heq tu tiier yôôych, oot vlôôh lơơl kơmq pato dayq taayh yal Lôôk Jê-xuu, yôôych oot tha ăm hooy.",
|
|
"41": "Nưq atoh, khơl jaah rơơrh tok trôôk chuuh khooyh varơuq tangưưr mot kung khơl xanưk, hlaah hlaak vii oot heq jaah jauq laa xưngq dik chiuq dơơp raơơh vii yal Kadraq.",
|
|
"42": "Tôôy hngơy, hloay đom hnhư hơu đơu đom tưưng hnhư, oot be padơy pato dayq ji padoh tabon Hêêl Kaxaay - Lôôk Jê-xuu laa Lôôk Wơơ Dêh.\n\n\\ts\\*"
|
|
}
|